اخبار عالميه ومحليه دسمه ومختصرة
????????????حصريا: أهم وآخر أخبار العالم والمنطقة.
=========================
????ألمانيا....
لا انا مش جاي اكلمكم عن الاوضاع الإقتصادية ف المانيا.... علشان الدنيا هناك خربانة !!!
إنما مع الإنهيار الإقتصادي اللي بتشهده ألمانيا بسبب حرب اوكرانيا ..الألمان بيواجهوا رعب من نوع تاني...!! رئيس المكتب الإتحادي للشرطة الجنائية في ألمانيا هولجر مينش طلع وقال...إن ألمانيا بتواجه طوفان من الكوكايين وبقا بيتباع عادي كدا في كل شارع وكل حتة ف ألمانيا وهولجر منش بيقول ان السبب في كدا أمريكا !!! إزاي يا عم منش ؟؟قالك امريكا بقت متشبعة بالمخدرات ف دلوقتي ما قدمهمش غير انهم يستهدفوا اوروبا وخصوصا ألمانيا
واحنا هنا ف المانيا بنواجه طوفان من الكوكايين …..لاء ثانية واحدة من فضلكم ....!!
????مين من أسبوع اعلن الحرب على المخدرات في مصر ؟؟ عبدالفتاح السيسي يا حبيبي لما قال...انا مش هنقذ المصريين من فيروس التهاب الكبد الوبائي اللي كان بينهش في كبد المصريين وأسيبهم للمخدرات اللي هتلحس دماغهم !! طب الحل إيه يا سيسي !!!!
????قالك ياباشا قرار رئاسي من النهاردة تحليل مخدرات في كل حتة في بلادي ... و صوت الحرية بينادي…يعني إيه يا سيسي!!!
قالك هنعمل تحليل مخدرات عشوائي في الشوارع وفي محطات المترو وفي الجامعات والوظائف الحكومية …واللي عايز يرخص.... اعمل تحليل مخدرات يابطل ..طب اللي عايز يتجوز !!! يعمل تحليل مخدرات برضوا
أمريكا ....
????ف أمريكا بقا وزيرة الامن الداخلي كريستي نويم اللي هي بتشغل منصب وزير الداخلية يعني في أمريكا يوم الإتنين اللي فات خدت ولادها وجوزها وراحوا يتغدوا في مطعم فخم بمناسبة عيد الفصح ..يعني الست زي اي ست كدا خدت اسرتها في شم النسيم وراحوا يتغدوا بره
وبما انها وزيرة الداخلية ف امريكا هناك فمش معقول يعني هتروح جونينة الحيوانات لا دي صرفت وكلفت وراحت مطعم فخم وإجراءات تأمين بقا وليلة كبيرة سعادتك..... مهما كان وزيرة داخلية برضوا …اوم ايه بقا وهي بتتغدى .... اتسرقت شنطتها ..الشنطة فيها بوك وحاطة فيه ثلاثة الاف دولار ..... شكلها كانت لسه قابضة الجمعية تقريبا وبطاقة دخول امنية خاصة بوزارة الداخلية والامن القومي الامريكي!!!ومعرفوش لحد دلوقتي مين اللي غفلها وسرقها..... شوف رغم الإجراءات الامنية وكدا..طبعا الدنيا مقلوبة ف امريكا ...!!
ازاي وزيرة الامن القومي الداخلي ف امريكا تتقلب في المطعم دي الست لسة قابضة الجمعية والبوك إتسرق بالفلوس اللي فيه
بس الصراحة يعني الست طلعت وقالت مش مهم البوك ولا الفلوس...المهم بطاقة الدخول الامنية للوزارة... احنا كدا بنتقلب .. الخبر تحت
????????إيران ....
ترامب طلع النهاردة وقال....نتنياهو مش هيجبرني على الحرب مع إيران
بس نتنياهو طلع وقال اتفقوا او متفقوش هنضربهم برضوا والسلام عليكم ورحمة الله وبركاته
????????إنجلترا...
مملكة الشر النهاردة رفعت العقوبات عن سوريا....هتقولولي معقول !!! هقولكم ...
بريطانيا مرفعتش عن سوريا العقوبات الاقتصادية حضرتك !! لا هي رفعت العقوبات عن وزارة الداخلية وعن وزارة الدفاع والمخابرات السورية هتقولولي يعني إيه ؟؟؟
يعني بالبلدي كدا هتجندهم لحسابها.... معروفة ..انما العقوبات الاقتصادية والشعب السوري ميلزمناش حضرتك
????????الصين...
الصين واخدة امريكا ضرب وفين يوجعك....
هتقولولي حصل إيه تاني ...!!
هقولكم الصين عملت كل حاجة ف امريكا ممكن تتخيلها...مش كفاية المعادن النادرة اللي وقفت تصديرها.... لا ابداا
دي كمان هتوقف القطاع الصحي في أمريكا...
والكونجرس الاسبوع اللي فات كان بيناقش كارثة صحية هتحصل ف أمريكا
ايه هي بقا الكارثة دي !!! ان ٦٠ ٪ من صناعة الدواء في أمريكا واللي شركات الادوية الامريكية بتسيطر بيها على العالم بتتصنع اصلا في مصانع الصين حضرتك مش كدا وبس...!!!
دا ٩٠٪ من الاجهزة الطبية الامريكية بتتصنع في مصانع الصين .. إلبس بقا يا ترامب الصين حرفيا تقدر تقفل كل مستشفيات أمريكا بقرار واحد وطلع المتحدث الرسمي بإسم الحكومة الصينية وقال.....لقد قالت الصين مرراً:
لا يمكننا منع من يطلق النار على قدميه.
????????الهند....
في الهند بقا في خناقة كبيرة بين الهند وباكستان وإحتمال تقلب لحرب بس احب اقولكم ان الخناقة دي من زمان على كشمير اللي الارض بتاعتها هندية انما السكان باكستانيين والخناقة دي بسبب عملية ارهابية حصلت مات فيها ٢٦ واحد والهند بتتهم باكستان …باكستان قالت مش احنا والنعمة ومعلش..!! الهند قالت....لازم ننتقم وضربة الوش مفيهاش معلش والدنيا هناك والعة ع الاخر...أصلا اصلا كشمير اللي بيتخانقوا عليها مقسومة بين تلات دول لما تعرف هما مين هتعرف مين اللي ورا العاركة دي كلها ...!!!
كشمير دي مقسومة تلات مناطق...
منطقة تحت السيادة الهندية
ومنطقة تحت السيادة الباكستانية
ومنطقة تحت السيادة الصينية
هااا فهمت حاجة حضرتك !!!
شوف انت بقا مين اللي عايز يولع المنطقة دي.
**** وفي تحيا مصر حبيبتي ....
الموقع الرسمي للجيش الصيني طلع وقال ان مناورة نسر الحضارة بين الجيش الشعبي الصيني والجيش المصري من أعظم المناورات اللي خاضها الجيش الصيني !!
طبعا الكلام ده جنن المتخرتأين وعاملهم هلاوس سمعية وبصرية
وبيقوموا من النوم كل يوم يسقفوا على خدودهم …مش علشان الطيارات الحربية الصينية j10 اللي كانت موجودة في المناورة !!
لا حضرتك علشان التكتيك اللي تم التدريب عليه في المناورة من إستخدام طائرات الإنذار المبكر الصينية والسيطرة والتشويش والحرب الإلكترونية مش كدا وبس...!!! دا تم إستخدام الاقمار الصناعية الصينية العسكرية للتشويش والسيطرة الجوية على المنطقة يعني بالبلدي كدا انت بتقولهم .... انا هعميك تماما ومش هتشوفني لو فكرت تقرب
كمان في تحيا مصر حبيبتي ....
الكوكب كله في وادي وكوكب تحيا مصر في وادي تاني...!! وزي ما مصر حولت الديون والودائع الإماراتية لإستثمارات !!
وفد كويتي كان في مصر امبارح لتحويل الديون والودائع الكويتية لإستثمارات والصين هي كمان حولت كل ديونها في مصر لإستثمارات ومصانع والسعودية .... في الطريق كمان بس لسه بنتفاوض على الودائع الدولة المصرية بتعمل معجزة في الملف الإقتصادي في ظل ظروف دولية منيلة بستين نيلة اللي بيحصل في النظام الإقتصادي العالمي الأيام دي أشبه بطوفان نوح
كمان في تحيا مصر حبيبتي ....
رئيس الوزارء مصطفى مدبولي ف اوغندا
ف عنتيبي.... ايوا انا عارفة ان عنتيبي دي ذكرياتها قذرة مع المصريين بسبب اتفاقية عنتيبي بتاعة نهر النيل بس مصطفى مدبولي هناك علشان قوات حفظ السلام اللي في الصومال …ما عنتيبي اللي هي عاصمة اوغندا منظمين مؤتمر الاتحاد الافريقي للدول المشاركة في قوات حفظ السلام الإفريقية في الصومال وبما ان حضرتك منيم المنطقة هناك من المغرب فلازم حضرتك تروح المؤتمر ده وتطلعلهم لسانك وتمشي.
كمان في تحيا مصر حبيبتي .....
الدولة المصرية والجيش المصري جابوا حتة دين جون...!! هتقولولي حصل ايه !!!
شوف يا سيدي ...الجيش المصري خلى الكوكب كله يتكلم عن الطائرة الصينية j10 وانه مهتم بيها وبيتفاوض عليها....!!!
وهوب دبل كيك هو اصلا بيخلص في ١٠٠ طيارة مقاتلة FA50 مع كوريا الجنوبية
الطيارة دي قصة تانية خالص...
بس الأهم في الصفقة دي ان مصر هتستلم ٣٠ طيارة منهم من مصانع كوريا الجنوبية بكامل تسليحهم طب وال ٧٠ مقاتلة الباقيين !!!
لا مصر اتفقت مع الجيش الكوري ييجي يعمل مصانع هنا ويصنعهم ويكمل تصنيع ويصدر انتاجه من مصر … في صفقة هي الاضخم بين البلدين بتقدر بمليار دولار اه صحيح مصر هتدفع مليار دولار بس هتصنع الطيارات وهتنقل تكنولوجيا تصنيع المقاتلات للمصريين وهنصدر كمان .. طب هل اللي حصل دا اول مرة مصر تلعبها كدا !!!
لا ياسيدي ...!! ستة ٢٠١٧ الجيش المصري برضوا اخد الكوكب كله فوق سطوح الواد حمادة ناحية السوخوي ٣٥ وهو اصلا عينه من الرافال الفرنسية هي بتتلعب كدا
هتديني ده.... ولا أروح آخد ده ؟
و براحتك بقاااا باقي التفاصيل في التقرير القادم إن شاء الله ...تحياااااامصر السيسي حرة شااااامخة أبية عصية علي اعدائها…….نحمد ربنا ….. وإذكروا الله كثيرا لعلكم تفلحون.
⇧
