أهلا بكم مع عبده اخبار عالميه ومحليه
???????????? مساء الخير وأهلا بيكم مع عبده في.....
???? أخبار الكوكب ????
????كوكب الجمعه ٢٥/٤/٢٠٢٥????
ولو إنت مش متابع الأخبار ....
بسرعة حضر كوباية الشاي بالنعناع اللي... ممممم بيظبط الدماغ ????
علشان هناخد لفة في أخبار الكوكب...
ومطولش عليكم وقولولي لاء طول...
???????? ألمانيا....
لا انا مش جاي اكلمكم عن الاوضاع الإقتصادية ف المانيا.... علشان الدنيا هناك أولريدي خربانة !!!
إنما مع الإنهيار الإقتصادي اللي بتشهده ألمانيا بسبب حرب اوكرانيا
الألمان بيواجهوا رعب من نوع تاني...!!
????رئيس المكتب الإتحادي للشرطة الجنائية في ألمانيا هولجر مينش طلع وقال...
????إن ألمانيا بتواجه طوفان من الكوكايين وبقا بيتباع عادي كدا فكل شارع وكل حتة ف ألمانيا
وهولجر منش بيقول ان السبب فكدا أمريكا !!!
????إزاي يا عم منش ؟؟
قالك امريكا بقت متشبعة بالمخدرات ف دلوقتي ما قدمهمش غير انهم يستهدفوا اوروبا وخصوصا ألمانيا
واحنا هنا ف المانيا بنواجه طوفان من الكوكايين
????لاء ثانية واحدة عزيزي متابع عبده ....!!
????مين من أسبوع اعلن الحرب على المخدرات فمصر ؟؟
????عبدالفتاح السيسي يا حبيبي لما قال...
????انا مش هنقذ المصريين من فيروس التهاب الكبد الوبائي اللي كان بينهش فكبد المصريين ????وأسيبهم للمخدرات اللي هتلحس دماغهم !!
????طب الحل إيه يا سيسي !!!!
????قالك ياباشا قرار رئاسي من ????النهاردة تحليل مخدرات فكل حتة فبلادي ... و صوت الحرية بينادي
????يعني إيه يا سيسي!!!
قالك هنعمل تحليل مخدرات عشوائي فالشوارع وفمحطات المترو وفالجامعات والوظائف الحكومية
????واللي عايز يرخص.... اعمل تحليل مخدرات يابرنس
طب اللي عايز يتجوز !!!
????يعمل تحليل مخدرات يا برنس برضوا
????بصوا الصراحة يعني انا رأيي ك عبده
????اي حد عايز يتجوز اصلا محتاج يعمل تحليل مخدرات ويتكشف على قواه العقلية والله
مهو مش معقول يبقا في حد فالدنيا قاعد مرتاح وباله مستريح ومفيش حد بينكد عليه ويقوم يروح بكامل إرادته ويتجوز
دا اكيد بيشرب مخدرات وش وعقله مغيب ????????
???????? وع الناحية التانية من الكوكب...
???????? أمريكا ....
ف أمريكا بقا وزيرة الامن الداخلي كريستي نويم اللي هي بتشغل منصب وزير الداخلية يعني فأمريكا
????يوم الإتنين اللي فات خدت ولادها وجوزها وراحوا يتغدوا فمطعم فخم بمناسبة عيد الفصح
يعني الست زي اي ست كدا خدت اسرتها فشم النسيم وراحوا يتغدوا بره
????وبما انها وزيرة الداخلية ف امريكا هناك فمش معقول يعني هتروح جونينة الحيوانات لا دي صرفت وكلفت وراحت مطعم فخم وإجراءات تأمين بقا وليلة كبيرة سعادتك..... مهما كان وزيرة داخلية برضوا ????
????اوم ايه بقا وهي بتتغدى .... اتسرقت شنطتها
????الشنطة فيها بوك وحاطة فيه تلات تلاف دولار ..... شكلها كانت لسه قابضة الجمعية تقريبا ????
????وبطاقة دخول امنية خاصة بوزارة الداخلية والامن القومي الامريكي!!!
????ومعرفوش لحد دلوقتي مين اللي غفلها وسرقها..... شوف رغم الإجراءات الامنية وكدا
????طبعا الدنيا مقلوبة ف امريكا ...!!
????ازاي وزيرة الامن القومي الداخلي ف امريكا تتقلب فالمطعم
دي الست لسة قابضة الجمعية والبوك إتسرق بالفلوس اللي فيه
بس الصراحة يعني الست طلعت وقالت مش مهم البوك ولا الفلوس...المهم بطاقة الدخول الامنية للوزارة... احنا كدا بنتقلب ????
هتلاقوا الخبر في كل مكان ????
???????? وع الناحية التانية من الكوكب....
???????? إيران ....
ترامب طلع النهاردة وقال....
نتنياهو مش هيجبرني على الحرب مع إيران
بس نتنياهو طلع وقال اتفقوا او متفقوش هنضربهم برضوا
والسلام عليكم ورحمة الله وبركاته ????
???????? وع الناحية التانية من الكوكب...
???????? إنجلترا...
مملكة الشر النهاردة رفعت العقوبات عن سوريا.... تيراراااا
هتقولي معقول يا عبده !!!
هقولك اشرب بوق شاي كدا واستنى لما اكملك الخبر.... مهو مفيش حداية بترمي كناكيييت ????
????بريطانيا مرفعتش عن سوريا العقوبات الاقتصادية حضرتك !!
لا هي رفعت العقوبات عن وزارة الداخلية وعن وزارة الدفاع والمخابرات السورية
هتقولي يعني إيه ؟؟؟
يعني بالبلدي كدا هتجندهم لحسابها.... معروفة
انما العقوبات الاقتصادية والشعب السوري ميلزمناش حضرتك
???????? وع الناحية التانية من الكوكب.....
???????? الصين...
الصين واخدة امريكا ورا مصنع الكراسي وفين يوجعك.... او واتيفر يعني ????
هتقولي حصل إيه تاني يا عبده ...!!
????هقولك الصين عملت كل حاجة ف امريكا ورا مصنع الكراسي...
مش كفاية المعادن النادرة اللي وقفت تصديرها.... لا ابداا
????دي كمان هتوقف القطاع الصحي في أمريكا...
????والكونجرس الاسبوع اللي فات كان بيناقش كارثة صحية هتحصل ف أمريكا
????ايه هي بقا الكارثة دي يا عبده !!!
????ان ٦٠ ٪ من صناعة الدواء في أمريكا واللي شركات الادوية الامريكية بتسيطر بيها على العالم بتتصنع اصلا فمصانع الصين حضرتك
????مش كدا وبس...!!!
????دا ٩٠٪ من الاجهزة الطبية الامريكية بتتصنع فمصانع الصين
إلبس بقا يا ترامب الصين حرفيا تقدر تقفل كل مستشفيات أمريكا بقرار واحد ????
????وطلع المتحدث الرسمي بإسم الحكومة الصينية وقال.....
لقد قالت الصين مرراً:
لا يمكننا منع من يطلق النار على قدميه ????
???????? وع الناحية التانية من الكوكب....
???????? الهند....
فالهند بقا في خناقة كبيرة بين الهند وباكستان وإحتمال تقلب لحرب
????بس احب اقولك ان الخناقة دي من زمان على كشمير اللي الارض بتاعتها هندية انما السكان باكستانيين
????والخناقة دي بسبب عملية ارهابية حصلت مات فيها ٢٦ واحد والهند بتتهم باكستان
????باكستان قالت مش احنا والنعمة ومعلش..!!
????????الهند قالت....
???? لازم ننتقم وضربة الوش مفيهاش معلش
????والدنيا هناك والعة ع الاخر...
أصلا اصلا كشمير اللي بيتخانقوا عليها مقسومة بين تلات دول لما تعرف هما مين هتعرف مين اللي ورا العاركة دي كلها ...!!!
????كشمير دي مقسومة تلات مناطق...
????منطقة تحت السيادة الهندية
????ومنطقة تحت السيادة الباكستانية
????ومنطقة تحت السيادة الصينية
هااا فهمت حاجة يا صديقي !!!
شوف انت بقا مين اللي عايز يولع المنطقة دي ????
???????? وع الناحية التانية من الكوكب....
???? كوكب تحيا مصر ????
،???? وفكوكب تحيا مصر....
الموقع الرسمي للجيش الصيني طلع وقال ان مناورة نسر الحضارة بين الجيش الشعبي الصيني والجيش المصري من أعظم المناورات اللي خاضها الجيش الصيني !!
????طبعا الكلام ده جنن المتخرتأين وعاملهم هلاوس سمعية وبصرية
????وبيقوموا من النوم كل يوم يسقفوا على خدودهم
مش علشان الطيارات الحربية الصينية j10
????اللي كانت موجودة فالمناورة !!
لا حضرتك علشان التكتيك اللي ????تم التدريب عليه فالمناورة من إستخدام طائرات الإنذار المبكر الصينية والسيطرة والتشويش والحرب الإلكترونية
????????مش كدا وبس...!!!
????دا تم إستخدام الاقمار الصناعية الصينية العسكرية للتشويش والسيطرة الجوية على المنطقة ????
يعني بالبلدي كدا انت بتقولهم .... انا هعميك تماما ومش هتشوفني لو فكرت تقرب ????
???????? كمان فكوكب تحيا مصر....
الكوكب كله فوادي وكوكب تحيا مصر فوادي تاني...!!
????وزي ما مصر حولت الديون والودائع الإماراتية لإستثمارات !!
وفد كويتي كان فمصر امبارح لتحويل الديون والودائع الكويتية لإستثمارات
????والصين هي كمان حولت كل ديونها فمصر لإستثمارات ومصانع
والسعودية .... فالطريق كمان بس لسه بنتفاوض على الودائع
الدولة المصرية بتعمل معجزة فالملف الإقتصادي فظل ظروف دولية منيلة بستين نيلة
اللي بيحصل فالنظام الإقتصادي العالمي الأيام دي أشبه بطوفان نوح
???????? كمان فكوكب تحيا مصر....
????رئيس الوزارء مصطفى مدبولي ف اوغندا
????ف عنتيبي.... ايوا انا عارف ان عنتيبي دي ذكرياتها قذرة مع المصريين بسبب اتفاقية عنتيبي بتاعة نهر النيل
????بس مصطفى مدبولي هناك علشان قوات حفظ السلام اللي في الصومال
????ما عنتيبي اللي هي عاصمة اوغندا منظمين مؤتمر الاتحاد الافريقي للدول المشاركة فقوات حفظ السلام الإفريقية فالصومال
وبما ان حضرتك منيم المنطقة هناك من المغرب فلازم حضرتك تروح المؤتمر ده وتطلعلهم ..... مممم صوباعك وتمشي ????
،???? كمان فكوكب تحيا مصر.....
الدولة المصرية والجيش المصري جابوا حتة دين جون...!!
هتقولي حصل ايه يا عبده !!!
????????????شوف يا سيدي ...
الجيش المصري خلى الكوكب كله يتكلم عن الطائرة الصينية j10 وانه مهتم بيها وبيتفاوض عليها....!!!
????وهوب دبل كيك هو اصلا بيخلص في ١٠٠ طيارة مقاتلة FA50 مع كوريا الجنوبية
الطيارة دي قصة تانية خالص...
بس الأهم فالصفقة دي ان مصر هتستلم ٣٠ طيارة منهم من مصانع كوريا الجنوبية بكامل تسليحهم
طب وال ٧٠ مقاتلة الباقيين يا عبده !!!
????لا مصر اتفقت مع الجيش الكوري ييجي يعمل مصانع هنا ويصنعهم ويكمل تصنيع ويصدر انتاجه من مصر
????في صفقة هي الاضخم بين البلدين بتقدر بمليار دولار
اه صحيح مصر هتدفع مليار دولار بس هتصنع الطيارات وهتنقل تكنولوجيا تصنيع المقاتلات للمصريين وهنصدر كمان
????طب هل اللي حصل دا اول مرة مصر تلعبها كدا !!!
لا يا حبيبي ...!!
ستة ٢٠١٧ الجيش المصري برضوا اخد الكوكب كله فوق سطوح الواد ????حمادة ناحية السوخوي ٣٥
????وهو اصلا عينه من الرافال الفرنسية ????
هي بتتلعب كدا
????هتديني ده.... ولا أروح آخد ده ؟
و بشوقك بقاااا
كفاية كدا ..... وتقعدوا بالعافية
???????? يديمك ????????
بيعيرونا بفقرنا...... بس انا مش هسكت
عبدالفتاح السيسي
والسلام عليكم ورحمة الله وبركاته
????تحيا مصر ????????
????تحيا مصر ????????
????تحيا مصر ????????
عبدالباسط صابر
