تيار الكماليين جماعة الإخوان المحظورة

????????????جماعة الكماليين (تيار التغيير) ????الاسم الجديد للإخوان الشياطين ????جماعة الإخوان الارهابيه ????كلنا عارفين ان جماعة يتامى البنا انقسموا على نفسهم لجبهتين متصارعتين ومتضادتين تماما ، الأولى «جبهة أسطنبول» في تركيا بزعامة «محمود حسين» ، والتانية «جبهة لندن» بزعامة «ابراهيم منير» سابقا ????والجبهتين من سنين نازلين دب وضرب وطحن في بعض وشغل تخوين وتقطيع هدوم على أصله ، و كل جبهة منهم بتدعي ان هي الوحيدة اللي بتمثل الجماعة الربانية، وهي الوحيدة اللي عايزه تقيم دولة الخلافة ???? ????فتخيل لما جماعة مش عارفة حتى تحكم نفسها وبتنقسم على نفسها ذاتيا بالتبرعم وعايزه تقنع الناس انها تقدر تحكم مصر كخطوة أولى لحكم العالم الاسلامي كله .. يا ضحك السنين ???? ????واستكمالا للمسلسل الكوميدي لسيناريو الانقسام الذاتي بالتبرعم اللي بتمارسه الجماعة كالجراثيم وحيدة الخلية ، فمن فترة كده ظهرت «جبهة تالتة» بترفض الجبهتين السابقتين وبتخونهم وأعلنت انشقاقها عنهم وعدم اعترافها بقيادتهم ، والجماعة التالتة دي سموا نفسهم «تيار التغيير» ، والقيادة بتاعتهم مسمية نفسها «المكتب العام» عشان يميزوا نفسهم عن قيادات «مكتب الإرشاد» ، وأعضاءها هما شوية العيال الارهابيين اللي كانوا تحت السيطرة المباشرة للقيادي الاخوانجي الارهابي «محمد كمال» اللي كان بيقود العمليات الميدانية الارهابية ضد الدولة المصرية لحد ما تمت تصفيته في احدى الشقق بمنطقة البساتين بالقاهرة عام 2017 (واللي قام بتجسيد شخصيته الفنان سامح الصريطي في مسلسل الاختيار) ، وعشان كده بيطلق على الجبهة التالتة دي اسم «تيار الكماليين» ????ودول بيتميزوا باعلانهم الصريح عن تبنيهم لمنهج العنف المسلح ضد الدول والأنظمة كوسيلة للتغير وللوثوب على السلطة ، وعشان كده بيزايدوا على الجبهتين التانيين وبيتهموهم بالخنوع والاستسلام وبأنهم من «عواجيز الفرح» ????وما تعرفش مين من اللي "فوق أوي" في التنظيم الدولي قرر انه يلمع ويبروز «تيار الكماليين» ده على حساب الجبهتين التانيين (بتوع لندن واسطنبول) ، يمكن عشان فقد الأمل فيهم وزهق منهم ومن فشلهم السرمدي . ????المهم ، «تيار الكماليين» ده اللي بيسمي نفسه «تيار التغيير»، أصدر النهاردة بيان فيه دعوة صريحة لمواجهة الأنظمة، ردا على إجراءات الأردن ضد الإخوان.. نفس الكلام ده كتبه محمد منتصر امبارح ، وهو واحد من أبرز وجوه الكماليين ، وغالبا هو اللي كاتب البيان برضو.. ????????اللطيف ايه؟ ????إن منطق البوست اللي كتبه «مونتي» والبيان اللي صدر عن التيار، هو إن الأنظمة العميلة بتحارب الإخوان، علشان تحمي الكيان، فياللا بينا يا جماعة نحارب الأنظمة علشان نحرر الأقصى "الجملة دي اتقالت نصا".. ???? ????دي نكتة تستدعي بعدها ضحكة رقيعة فعلا.. ليه؟ لإن هو امتى الإخوان في أي مرحلة من تاريخهم شكلوا تهديد على إسرائيل؟ ????وأنا هنا بتكلم عن الإخوان بكل فروعهم بما فيهم حمـ٪٪ـاس اللي بيقولوا عليها مقاومة.. انتوا هتكدبوا الكدبة وتصدقوها يا شوية خونة ؟ ????تنظيم الإخوان من يومه وإلى الآن، تهديده المباشر وأنشطته التخريبية موجهة لبلادنا وخصوصا مصر، وعمره ما شكّل أي تهديد جاد على الكيان.. ????المرحلة الوحيدة اللي حمـ٪٪ـاس هددت الكيان فيها كانت ٧ أكتوبر، ولصالح إيران، وكان رد إسرائيل هو نسف سلطة الحركة أو أي سيطرة ليها على غزة، اللي للأسف هي كمان اتدمرت وأهلها اتشردوا.. ????نتنياهو بقى اللي عمل كل ده على مدار 18 شهر، كان في 2019 بيقول لأعضاء حزبه «الليكود» "والكلام هنا نقلا عن «جيروزاليم بوست» ، انه عارف وسامح بالتمويلات اللي جاية لحمـ٪٪ـاس من برا، علشان الحركة تفضل موجودة ومسيطرة على القطاع، بشكل يعزز الانقسام الفلسطيني.. ????الكلام ده معناه إن من وقت انقلاب الحركة على السلطة الفلسطينية، أو من وقت ظهور الحركة أصلا لحد يوم 7أكتوبر الساعة 6 الصبح، وهي تحت السيطرة، وفايدتها للكيان أكبر من ضررها.. ????????فإخوان مين اللي بيهددوا الكيان؟ ????وبعدين ارمي بقى كل ده، وخلينا نسأل السؤال الحاسم: هو ينفع الإخوان يبقوا بيشكلوا ولو 1% تهديد على إسرائيل، وهما مقراتهم الرئيسية بقنواتهم بتمويلهم في لندن وبقية عواصم التآمر ؟ ????نبطل عبط بقى ونهدى.. ونصيحة للمعلم الكبير بتاع التنظيم الدولي ، لما تحب تغيّر الوجوه بلاش والنبي تستعين بشوية الجرابيع دول «الكماليين» بالذات لأنهم فعلا هيغرقوك.. يا راجل دول من غباءهم عاملين فيلم علشان يقنعوا الناس بالثورة، فيه دقيقة كاملة من القيادي بتاعهم «محمد إلهامي» بيشرح للناس الفوضى والجحيم اللي هيشوفوه بعد الثورة واللي ممكن يوصل للاحتلال الأجنبي للدولة .. اللي هو لو فيه حد ممكن يمشي وراهم ويسمع كلامهم ولو بنسبة 1% فبعد كلام «محمد إلهامي» ده استحالة يديهم ودانه ويشتري منهم ،، أصل مفيش حد عنده بربع جنيه عقل ممكن يجيب لنفسه الأذى والضرر بالشكل ده ????????ده شغل هواة يا معلم .