الرجل الذي ايقظ التنين الصيني
????????????الرجل الذى ايقظ التنين..????????
????كيف خسر ترامب حربه – مقدماً – مع الصين !
????بقلم /عبدالباسط صابر
????الرئيس الأمريكي دونالد ترامب بقاله 40 سنة يتوعد العالم بخطة التعريفة الجمركية، ومنذ ان حسم صراع الترشح عن الحزب الجمهوري في انتخابات الرئاسة 2024 حتى أصبحت التعريفة الجمركية هي عنوان رئيسي لكل تصريحاته..
????الصين لم تنتظر وصول ترامب للبيت الأبيض، لم تأخذ تصريحاته على محمل من الهزل، ولكن تعاملت مع الموضوع بمنتهى الجدية منذ صيف 2024.. تم تشكيل غرفة عمليات خاصة بهذا الصدد، تراقب وتحلل كل تصريحات ترامب حول التعريفة الجمركية بوجه عام وبخصوص الصين على وجه التحديد.
طيب مين اللى أسس غرفة العمليات دي ؟
????الرجل الأول في النظام الصيني مش رئيس الدولة، ولكن الأمين العام للحزب الشيوعي، والرجل التاني هو رئيس اللجنة العسكرية المركزية في الحزب الشيوعي .. الرجل التالت هو رئيس الدولة .. شي جين بينج يرأس الثلاثة وبالتالي هو الحاكم الأوحد في الصين وغالباً دا اللى حصل في اغلب أوقات الصين الشيوعية .. حاكم الصين يتم انتخابه اولاً اميناً عاماً للحزب الشيوعي .. وبعدها بكام ساعة رئيس اللجنة العسكرية، وقتها رئيس الدولة بيكمل ولايته ثم يتم انتخاب الأمين العام لمنصب رئيس الدولة.
????المهم ان الرئيس شي جين بينج او الرفيق "شي" هو الحاكم بامره في عموم الصين.. هو اللى شكل غرفة العمليات واختار أعضائها بنفسه..
????الغرفة دى طلعت توصيات انه ترامب جاد فعلا في لعبة التعريفة الجمركية وسواء عملها مع الصين حرفيا او بوجه عام ففي كل الأحوال الصين هتبقا المستهدف الأول ..
????هنا الرفيق شي قرر يشكل غرفة عمليات تانية، تعمل محاكاة، وتطلع نتائج .. وتطلع توصيات .. ايه ردة الفعل المطلوبة من الصين في الحرب المرتقبة دي..
وفعلا .. الصين كانت الطرف الوحيد حول العالم اللى لم يفاجأ بالتعريفات الجمركية الامريكية الجديدة..
????والاجابة كانت انه لازم يبقا الرد فوري وصارم وصادم
وراس براس..
????اللى بيسكت مرة لترامب دى بتبقا إشارة ضعف.. لازم يبقا فيه رد ولو في الكواليس..
????بس في الملف التجاري .. لازم الرد يبقا علني وواضح ومباشر ورسالة للعالم كله مش ترامب وبس ورسالة للداخل الأمريكي والصيني كمان..
????ودا اللى الصين عملته وسط ذهول ترامب
????ترامب وزمرته الحاكمة كانوا فاكرين ان عامل المفاجاة في أيديهم .. فاكرين ان شيوعين الصين زى شيوعيين الحزب الديموقراطي الأمريكي.. نائب ترامب جيمس ديفيد فانس بكل جهله مصنف باعتباره من منظري الإدارة الامريكية ! شايف الاولجاركية الحاكمة في الصين هم حفنة من الفلاحين ! طبعا المقصود هنا التوبيخ .. انهم مش بتوع سياسة ولا فهم !
الرفيق شي رد كالتالي.. أولا رفع الجمارك راس براس مع ترامب
ثانيا منع تصدير بعض مواد الخام اللى قطاع التكنولوجيا في أمريكا محتاج لهم
????ثالثا قائمة بشركات الجيش الأمريكي وتم حظر التعامل معاها..
رابعا التوقف عن شراء والتعامل مع قائمة من الشركات الامريكية اللى ليها لوبيهات قوية في الكونجرس .. عشان لما الشركات دي تخسر .. هتضغط على ترامب عبر مجتمع واشنطن العاصمة.
فالرد مكنش جمارك بس .. ولكن فين يوجعك في الكونجرس ووادي سيليكون والصناعات العسكرية يعني المجمع الصناعي العسكري.
????خامسا بقا .. الجبهة الاسيوية
ما مفهوم ان ترامب لما يفشل في الخيارات التجارية والجمركية والاقتصادية يبقا كدا معدش فيه غير الحل العسكري اللى هيبقا مؤقتا سياسي ويتطور لعسكري
نفس سياسة جو بايدن ..
بايدن بدا في تأسيس ناتو اسيوي مع اليابان وكوريا الجنوبية ..
الرفيق شي بدا رحلة توحيد الاسرة الاسيوية زي ما قال بنفسه..
????الرحلة اللى بدات من كام ساعة ملامحها واضحة
الامريكان مش هينفعوكم .. واولهم ترامب نفسه .. ترامب اللى بيعمل عكس اللى بيقوله.. حتى إسرائيل الابن المدلل لامريكا ركنها على جنب ورايح يتفق نوويا مع ايران.. أوكرانيا اتباعت على قارعة الطريق الى أوروبا الشرقية..
المفارقة ان اول من استجاب للنداء الصيني هما اليابان وكوريا الجنوبية
????شي زار ماليزيا وكمبوديا وفيتنام .. خد بالك هتسمع كتير عن دول اسيوية الفترة الجاية وهتقول هي ايه وزن الدول دي في السياسة الدولية، هقولك لا ليها وزن عشان الجبهة الاسيوية او شرق اسيا او الشرق الأقصى هو ملعب الحرب العالمية الجديدة..
أمريكا مش هتقدر تكمل لعبة حرب الجمارك او لعبة عض الأصابع .. ترامب بعد فردة الصدر بكام يوم استثني بعض الواردات من الجمارك على راسها المتعلق بقطاع التكنولوجيا والاتصالات .. اقتصاد وادي سليكون يعني..
الحرب دي محدش هينتصر فيها بالمعني المتعارف عليه للانتصار .. ولكن الأقل خسارة هو المنتصر .. وترامب هو الأكثر خسارة وامريكا خسائرها هتبقا فادحة.. وفى النهاية لازم هيبقا فيه تسوية جمركية وتجارية بين الصين وامريكا وترامب هيوافق على شروط الصين وهيطلع وقتها يعلن انه هو اللى مشى كلمته بس الحقيقة ان ترامب خسر كل شيء قدام الصين خلاص ..
وخسر حاجة اهم .. الهيبة بكل ادواتها ومعانيها في الداخل والخارج .. والثقة في ترامب وإدارة ترامب وامريكا واقتصاد أمريكا وفى الحزب الجمهوري والتيار القومي الترامبي في الحزب الجمهوري .. كل دا تبدد على ايد ترامب خلال 50 يوم فقط .. ترامب تحول من مشروع اهم رئيس امريكي في ولايته الاولي الى محمد مرسي الامريكاني في ولايته الثانية.
ولكن للأسف .. رجل فقد عقله ولكن معه ترسانة نووية، معه جيش ويحكم دولة عظمي، فيل جائح يدخل بيت من زجاج .. عشان كدا العالم كله بيتعامل معاه بحذر وهدوء وتقريبا دا بقا قدر العالم .. كل اربع سنين أمريكا بتقدم لنا مخبول جديد ومسن جديد وشلة جديدة والعالم يحاول يتأقلم ويمشى اموره في ظل وجود المخابيل دول ونطلع باقل الخسائر وبس.
⇧
