الحكومة ومصلحة المواطن اولا
♟♟: الحكومة ومصلحة المواطن اولا ????????????????
???? أليس_فيكم_رجل_رشيد:
????إلي المجموعة الاقتصادية : " لو أن لي بكم قوة أو آوي إلى ركن شديد "
????المفروض اني كنت مقرر اوقف كتابة لفترة في الشأن الاقتصادي الداخلي ... إلا اذا حصل حاجة تستدعي التعليق مراعاة للظروف السياسية للدولة
واني ههتم بالاوضاع السياسية و اقتصاد عالميا .... عشان انا لا هقدر أنافق و لا اجامل
و لا اقول ايه العظمة دي علي شغل ترقيع و تلصئة الموظفين اللي بيحصل ده ????????♀️????????♀️
لكن في حاجتين مهمين جدااااا لازم اصرخ بيهم في البرية
لأن عواقبهم زي الزفت ????????♀️????????♀️
???????? أولا : لجنة التسعير و رفع الدعم عن المحروقات " تااااااني " :
ووعدها لصندوق النقد و الغم و الخراب انها ترفع الدعم عن المواطن المصري نهائيا بإنتهاء 2025
???? اول نقطة لازم نتفق عليها
انكم گ لجنة تسعير مش موظفين عند صندوق النقد .... انتوا موظفين عند المصريين
يعني و انت بتتفاوض و بتتفاهم مع لجنة الصندوق لازم تكون عارف انك مفاوض نيابة عن المواطن المصري و بالتالي تعمل لمصلحته
و عمر مصلحة المصري ما هتكون في زيادة افقاره
و لو انتوا عايزين تظهروا بمظهر الموظفين الليبرال المتحضرين اللي شايفين ان الدعم ده شى رجعي و ان الدول المتقدمة متقدمش دعم
متجااااااهلين الفارق بين هيكل الوظائف و الرواتب و عجز الحكومة وفشلها في حماية موظفي القطاع الخاص اللي هما كل موظفين البلد تقريبا وفشلها في خفض اسعار السلع و الخدمات
يبقا حضراتكم مرتزقة ????????♀️????????♀️
♦طب انتوا ناس زي الفل و انا رجل مفتري و مني لله
حلو الكلام .... حلوووو
يبقا مفيش حل اقتصادي تااااني غير مسودة مقترح تتعمل و يتم تقديمها ل لجنة الصندوق
فحواها ????????????????
لم تعد هناك ضرورة ملحة لرفع الدعم عن المصريين في 2025
و ذلك لتغير المسارات السعرية العالمية
و ناخد الامور واحدة واحدة
يمكن حد فيكم مش فااااااهم
????ايه الهدف من ان صندوق الزفت مصمم علي رفع الدعم گ شرط لاستكمال التمويل :
▪انه يزود بند الايرادات في الموازنة المصرية عشان يضمن فلوسه
" ما هما لما يقلل الانفاق علي الدعم .. هيتوجه البند ده لجانب الايرادات .. بالتالي عجز الموازنة ينخفض .. بالتالي يبقا فيه ارباح يضمن منها سداد اقساطه و فوايده ????????????????
يعني القصة كلها عشان مصلحته ... مش متعلقة بمصلحة المصريين نهااااائي علي فكرة
مفيش اي مصلحة تعود علي مصر من رفع الدعم بالعكس ده سلبيات اقتصادية اولها زيادة التضخم .. ثانيها زيادة معدل الفقر ????????♀️????????♀️ "
▪طيب الصندوق وضع الشرط ده امتي ???????? 16 ديسمبر 2022
لانه عنده توقعات سعرية للبترول
و اصدر الوثيقة في يناير 2023
نروح نشوف سعر البترول كان كاااام في التوقيت ده ????????????????
* خام برنت 84.13 دولار للبرميل
* خام غرب تكساس 76.89 دولار للبرميل " و ده له زبون معين "
* خام اوبك 81.60 دولار للبرميل
نيجي في يناير 2024 :
* برنت 86 دولار ثم نزل الي 74 ثم صعد الي 84 في الربع الاخير من السنة
يعني تأرجح بين 74 .. 77 .. 84 .. 86 دولار للبرميل
نستخرج قيمة ال WAE للسنة " weighted average estimates يعني ???? "
هيطلع سعر البرميل : 80.25 دولار
???? نروح علي الاجتماع بتاع لجنة الصندوق مع لجنة التسعير في ابريل 2023 :
قالت ان مخصص دعم المحروقات في موازنة 2023/ 2024 قيمته 331 مليار جنيه
لازم ينزل في موازنة 2024/ 2025 الي 245 مليار جنيه
ثم في 31 ديسمبر 2025 يكون المخصص ده صفر ... يعني 6 شهور فقط من الموازنة الكاملة
( بغض النظر عن التوحش و الاجرام في الفكرة من لجنة الصندوق ... الا اني بستغرب علي لجنة التسعير اللي مفيش مخلوق فيها قال مستحيل ده يحصل
و لا يمكن مخلوق يستحمله ????????♀️)
قوم في 2023 الدولة تضع مخصصات دعم المحروقات 119.45 مليار جنيه بتقييم لقيمة البرميل 80 دولار
و يكفوها
???? مفيش بقا فيكم مخلوق كان بيجيب 50 من 50 في الماث يقف مع نفسه كده
ويسأل نفسه طب لجنة الصندوق جابت رقم 331 مليار ده علي اساس ايه ????
انت بتحدد مخصصات شراء السلعة علي حسب كمية الاحتياجات و السعر
الكمية عامل ثابت
السعر عامل متغير
يبقا الكمية اللي انت بتحسب عليها هي هي الكمية اللي بيحسب عليها الصندوق
بمعادلة وسطين في طرفين بتاعت فصل تالتة اول
يبقا الصندوق حاسبلك سعر برميل البترول ب 221.77 دولار
و ده شئ محصلش ومش هيحصل لانه لو حصل العالم لااااااازم هتقوم فيه حرب نووية ياللي ربنا ياخدكم ????????????????
هو ازااااي .. هااا ازااااي
ازاي لما سمعتوا الارقام دي منهم هزيتوا دماغكم وقولتوا حاضر من غير ما تراجعوا وراهم
هما انبيا من عند الله
هو ازااااااي اصلا حتي لو ده سعر تحوطي مترجعوش لمتوسط اسعار العقود الاجلة عالميا و تعرفوا انها لم تتخطي علي اسوأ التنبؤاتسعر 98.6 دولار للبرميل
" هتجلط ... من ساعة ما قعدت اركز في حوار الدعم ده و الاسعار و انا حاسة اني هتجلط ????????♀️"
???? طب جيت في 2024 و الدعم بقا 154.5 مليار جنيه
يعني زاد بمقدار 35.05 مليار جنيه
لكن الكمية المدعومة ثابتة ????
و سعر ال WAE للبرميل بردوووو مابين 80 و 81 دولار ????
اومال الزيادة دي جت منييييين ????????
من التعويم يا حبيبي
من قرار 6 مارس الاسود يا حبيبي
من تخفيض قيمة العملة اللي معرفتوش تلموه يا حبيبي ????????
ف انت بقا جايب غلطتك وجايلي انا المواطن اتحمل غلطتك دي صح
طب منيييييين
ده انت اقل واحقر شقة قانون جديد 70 متر في حاااااارة ب 4000 جنيه
ده انت الواد اللي في ابتدائية بيتكلف دروس و مدارس في الشهر لوحده 1000 جنيه " في اكتر عارفة متمسكوش في المثال الشائع يعني "
يعني لو عنده عيلين يبقا 2000 جنيه
فواتير خدمات نور وغاز وميه و نت 1000 جنيه
يبقا المواطن ده محتاج اساسي مبلغ شهري 7000 جنيه .... و لا اكل و لا شرب و لا تعب و لا ركب مواصلات و لا اشتري هدمة جديدة ????????♀️????????♀️
في ظل مرتباتك اللي متشرفش طبعااااا .. خد انت 10000 وعيش الراجل دي عيشة محترمة لو تعرف ????????♀️????????♀️
هو مين اللي فهم المجموعة الاقتصادية و مدبولي و حسن عبد الله ان الاقتصاد وظيفته يجيب ايراد و يعظم ارقام
الاقتصاد وظيفته يحسن من حياة الشعوب ... يعني لو بتعظم ارباحك و الناس تعبانة ف ده مش نجاح اقتصادي علي فكرة ????????♀️????????♀️
♦طب اللي فات مات و هما حسبوا غلط و انتوا كنتوا مفطرتوش ف مش مركزين في الارقام يا عيني ????????
نركز في اللي جي بقا
بتاريخ 8 ابريل 2025 :سعر برميل البترول 59.30 دولار
انهاردة 9 ابريل 2025 :
افتتاح 60.34 دولار
مدي يومي 58.40 دولار
" يعني متوقع له علي اخر اليوم ينزل 1.94 دولار كمان
????طب ما ده ممكن يكون شئ عرضي ... حدث مؤقت و اتورط ????
تتحل ازاااااي :
تروح علي العقود الاجلة عالميا
هتلاقيها
مدي 52 اسبوع من 58.4 دولار الي 92 دولار
قيمة الخفض 32.44%
مدي يومي 58.4 دولار
العقود انتهاء 30 يونيو 2025 & 30 سبتمبر 2025 & 31 اكتوبر 2025
يعني الناس اللي بتعمل العقود الاجلة 6 شهوووور حاطين سعر تنبؤي تحوطي 58.4 دولار للبرميل
يعني سعر البرميل علي تقديراتك ال 80 دولار للبرميل انخفض بنسبة 29% تقريبا
يعني المخصص اللي حضرتك عامله هينخفض بنفس النسبة
و هذا الانخفاض بدوره يتحول الي بند ايراد في الموازنة " فرق سعر شراء "
يعني يعمل علي خفض العجز في الموازنة و في الميزان التجاري
يبقا ايه لازمة انك تدبح الناس وتشيل الدعم بالشكل الاجرامي ده في فترة قليلة جداااا ????????♀️????????♀️
يعني ال 119 مليار جنيه هيبقوا 83 مليار جنيه
ممكن يتشالوا علي سنتين و تكون الامور مقبولة انما علي 9 شهور ازااااي ????????♀️????????♀️
انت اللي بتتفاوض مع الصندوق
وانت الادري بمصلحتك
و انت اللي تملك تعديل الشروط وفقا للظروف العالمية
هما مش مستعبدينك
ده اتفاق مالي مش ماسكين عليكم سيديهات
يعني وفقا لكل المعطيات الحالية من ازمة رسوم لانخفاض و تراجع النفط لازمة تكدس الانتاج لاحتمالية الركود الاقتصادي
تقدر تعدل الشروووووط
اللهم بلغت .. اللهم ف اشهد ????????????????
----------------------------------------------------
???????? ثانيا : الجنيه :
في اللحظة اللي بكتب فيها دي
الدولار = 51.67 جنيه
ف انت رايح بينا علي فين
???? اتسألت ايه بيحصل في الدولار ????
توقعي ان العودة بعد اجازة العيد و زيادة الطلب هي السبب
انه يبقا من 50.46 ل 50.75
لأ ده الموضوع بيزيد
لأ ده كسر حاجز ال 51.5
كده في حاجة غلط ????????♀️????????♀️
ايه هو بقا الغلط :
????اولا الكارثة المعتادة ???????? الاموال الساخنة :
و عشان تفهم المشكلة بشكل مبسط
ف الاموال الساخنة دي هي فلوس المستثمرين اللي عايزين عائد سريع مضمون مفيش فيه مخاطر
و دي خطورتها علي اي دولة انها مفيش فيها ثقة
لأن المستثمر بتاعها تااااجر مفيش بينه و بينك اي ضمانة
بيشتري ادوات الدين بتاعتك لو في مصلحته
لكن لو مصلحته في دولة تانية هيبيعك وقتي ????????♀️????????♀️
▪يعني ايه :
يعني ازمة الرسوم الجمركية خلت المستثمرين حملة السندات و اذون الخزانة الامريكية يخلقوا موجة بيع كبيرة جداااا .. و بالخساير
" يعني فرضا السند قيمته 10 دولار .. في ناس باعت علي 6.5 دولار ...... المهم تنجووو بفلوسها في جيبها "
و ده خلي مستثمري الاموال الساخنة في العالم كله يسحبوا فلوسهم
و يروحوا يشتروا السندات و الاذون الواقعة " المحروقة "
???? بالتالي يوم 6 ابريل 2025 بيانات الانتربنك اثبتت خروج مليار و 105 مليون دولار من مصر
يوم 7 ابريل زادوا 224 مليون
يوم 8 ابريل زادوا 117 مليون
في 4 ايام هنقفل 2 مليار دولار خروج
الاموال الساخنة خروجها هيعمل ازمة و نبهنا من سنتين قولنا الاموال الساخنة لااااا يعتمد عليها في استقرار العملة ابداااا .. ولا حياة لمن تنادي ????????♀️
طب ما كده الطلب هيزيد علي الدولار في ظل عدم وفاء المعروض بالمطلوب
يبقا السعر هيعلي
فقد الجنيه من قيمته 2%
علي نهاية الاسبوع هيفقد 5%
ثم ????????????
ايوا محافظ المركزي الفظيع الشنيع اللي مجابتوش ولادة .. هتعمل ايه
هتتفرج عليا
لحد ما يسحبني سوق سودا ل 60 جنيه و بعدين تيجي كريستالينا تقولك عوم
ف اصحي الصبح ألاقي نفسي دولار البنك ب 65 جنيه
و الاقي الناس بتموت من الجوع في الشوارع
الحركة المالية بيتم التدخل فيها كل 6 ساعات عالميا ... انت 4 ايام فييييييييين
فين قرار حماية خروج الدولار
ما هو ال 2 مليار دول مش كلهم اموال ساخنة ... لا ده في اموال اتسلكت في النص كده ????????♀️????????♀️
▪ليه بتتحركوا بعد خراب مالطا
ليه عاملين زي البوليس في افلام الابيض و اسود بيجي بعد الست ما بتتقتل .... لييييييه ????????♀️????????♀️
طب اهووو لمبة حمرا و راية سودا
نبووووس علي ايديك اغسل وشك و فووووق كده و اتصرف
????ثانيا : عدم الاقبال علي اذون الخزانة المصرية عالميا في الوقت الحالي :
ما هو يا حبيبي ده عرض طبيعي للاحداث الحالية ????????♀️????????♀️
مش الاذون المصرية فقط
ده حتي الاذون الصينية و الالمانية و الفرنسية
لييييييه ???????? لأن الاذون الامريكية بيتحرق سعرها
و الدولار مهما كان عملة ذاااائبة مش صلدة
ف طبيعي ان يحصل احجام شراء عن اي اذون تانية
???? الاجراء ايه بقا اللي يتاخد ???????? اوقف اصدار اذون بشكل مؤقت
اااه هو اجراء ضروري و انت اتعودت عليه .. انك تقترض عشان تسدد اللي اقترضته قبل كده ????????
لكن انك ترفع الفايدة من 22% ل 35%
ده اسمه عبث و الله ????????♀️
ما هي ال 13% بتزود في حجم الدين الخارجي عليك يا مفتح
موضوع حرق السندات ده
هيستمر مثلا لمدة 6 شهور
انت في ال 6 شهور مينفعش ألاقيك جايبلي فوايد مليار دولار و جي .... الرحمة يا اخواننا مش كده
لازم يكون في حلول بديلة
الظرف الاستثنائي يلزمه حل استثنائي ????????♀️????????♀️
نصيحة من حد اشتغل في الاوراق المالية سنين : متحرقش نفسك في السوق ... مترخصش نفسك
خلي ورقتك عزيزة
عشان سوقها يكون قوي ومستمر مش زوهرات ????????♀️????????♀️
♦طبعا في ظل كل ما يحدث
كنت اتمني ان في اجتماع المركزي يوم 17 ابريل الجاري انه يخفض الفايدة شوية و نبدأ رحلة تخفيض الفايدة بقا ... عشان نفك حالة الانكماش المالي شوية
لكن اعتقد انه هيثبت
و هنفضل مثبتين شوية
و ربنا يخلف ظني
( سؤال هو الريس فين .. انتي مجبتيش سيرة الريس
اجابته : دي مش شغلانة الريس
هفترض ان حضرتك صاحب صيدلية بس مش صيدلي
هتبيع للناس علاج علي مزاجك و لا هتستني استشارة الصيدلي ????
و اما الصيدلي يشور عليك بالعلاج الصح للحالة دي هتاخده منه و لا تقوله لااااا وريني دفتر حضورك في سيكشنز الفارماكولچي الاول ????????♀️)
انا كده خلصت
و عملت اللي يرضي ضميري
و هوقف كتابة شوية في الشأن الاقتصادي المصري
منها احافظ علي صحتي من الجلطة .. و منها نديهم فرصة يدركوا اللي احنا فيه
و الله المستعان علي ما يصفون ????????????????
???? #ياريتك_ما_رديت :
كنت اديني فرصة اقول ان ده سوء تقدير و سوء فهم مش تعمد ????????♀️????????♀️
مبررات سيادتك يا دولة رئيس الوزرا لا ترقي لمبررات الاستاذ عبحميد اللي ماسك قطاع جنوب القاهرة في شركة الميه
مش رجل يقود اقتصاد مصر ????
" كنت محتاج تقراه بتركيز بدل ما تاخده من علي الوش كده .... بس حلو شغل الهات وخد ده ????????"
???? بنشتري البترول عقود آجلة 9 شهور :
انت مشترتش انهاردة الصبح
بتشتري احتياجات 6 شهور او 3 شهور
اخر مرة اشتريت كان في نوفمبر
يعني من 6 شهور
فاضلك 3 شهور في العقد القديم
تتحملهم انت گ حكومة .. ميتحملهمش المواطن اللي مرتبه و معاشه مش مكفيه ????????♀️????????♀️
▪ زي ما الريس طلب منك مخصصات مالية عشان الزيادة ال15% تنزل بدري في رمضان
و فشلت تدبرها
شيييييييل نتيجة الفشل ده
و لا هتفضل تغلط و تيجي تلبسنا غلطك ????
???? اسعار البترول بتاعت انهاردة دي متذبذبة:
عيبك انك مبتسمعش الجمل للاخر
الحل ???????? العودة لمراجعة كافة العقود الاجلة عالميا و دي سهلة تجيبها من investing
و لا الباقة خلصانة
هتلاقيه قفل انهاردة علي 60.51 دولار في محاولات انقاذ
و ان المدي اليومي 58.40 الي 61.67 دولار
و العقود الاجلة كلها اتعملت علي 58.40 و 59.31 دولار ????????♀️????????♀️
و ده معناه ان السعر ده تنبؤاته مكملة معانا 6 شهور علي الاقل
يبقا لو انت بتعمل لصالح الدولة و المواطن تستغل الفرصة اللي مش هتتكرر و تغير شروط الصندوق ????????♀️????????♀️
???? لو استمر ذبذبة السعر يمكن نبقي علي ثبات الاسعار :
لا مش يمكن
عشان هي بتحليل معاملات البيانات
هتعرف ان التذبذب من خلال تحليل الرسم البياني ثابت علي انخفاض 3.15% عن كل سعر يسبقه
يعني في النازل مش الطالع
هو انت خايف تثبت السعر و ترحم الناس
احسن يتقال اللي اشتغل لصالح المواطن اهوووو .... ما كفاية بقا الطبقة المتوسطة اتهرست و اندثرت ????????
???? اصل احنا بنشوف مع محافظ البنك المركزي هنعمل ايه في الاموال الساخنة :
لا والله
و انت فين من 5 ابريل
مشوفتش ليه قبل ما يخرج 2 مليار دولار
من اصل 24 مليار طويلة الاجل كمان ????????♀️????????♀️
ايه مكنش عندكم اجراءات
طب خد مني اجرائين لوجه الله تعالي :
▪ سرعة فرض ضريبة علي المستثمرين سريعي الخروج من الاستثمار الساخن مرتفع العوائد
▪ استخدام بند الحد الاقصي للخروج
يعني لو هو معاه 100 اذن
يبقا الحد الاقصي للخروج 20 اذن فقط ????????♀️
هو انت ليه مش قادر تفهم ان الخروج السريع للتدفقات المالية الساخنة من سوقك
ده بيضر بمركزك المالي في التداول خارجيا ????????♀️????????♀️
و بيتقال عنك سوق مالي عالي المخاطر و ردئ الائتمان ????????♀️????????♀️
هي محتاجة قاعدة و قعر مجلس
برررررغم اني ضد الاموال الساخنة دي اصلا گ فكرة تمويل .. لكن ما باليد حيلة
الا ان حلين اهو تحافظ عليها و تقنن خروجها
" الناس اما تحب ترد علي طرح علمي .. ترد بردو بنقاط علمية
و انا اللي بقدم اقتصاد علي المصطبة
ده المجموعة الاقتصادية بتدير الموقف من علي الحصيرة تحت الجميزة و قدامها راكية الشاي و البراد الازرق ابو بزبوز ضيق ده ????????????"
⇧
