اخبار الكوكب مع عبده

????????????أهلا بيكم مع عبده في...???????????? ???? أخبار الكوكب???? ????كوكب الخميس ٣/٤/٢٠٢٥???? ????فرحنا وعيدنا وأنبسطنا.... الحمد لله ،???? طريق القطن ...???? هتقولي إيه هو طريق القطن دا يا عبده !! ????هقولك هو دا سبب كل الحشد اللي بتحشده امريكا فالمنطقة لضرب إيران ????علشان تعمل طريق للتجارة الدولية من الهند مرورا بإيران والسعودية لإسرائيل لحد ما توصل للبحر المتوسط لإيطاليا ومنها لاوروبا ????وبكدا تضرب طريق الحرير الصيني فمقتل وتحاصر الصين إقتصاديا وتضرب قناة السويس... اومال هي الصين محموقة ليه على إيران.... مش علشان جمال سواد عيونهم حضرتك ????علشان إيران والنظام الإيراني هو العقبة الوحيدة فطريق القطن زي ما روسيا كانت محموقة على نظام الاسد في سوريا سنة ٢٠١١ علشان خط الغاز اللي كان هيطلع من قطر مرورا بسوريا ومنها على اوروبا ????طب لو سقطت إيران بحجة النووي ...!!! ????كدا امريكا خنقت الصين تجاريا تماما.... ????طب الصين تسكت على كدا.... أبدا !!! ????الصين و روسيا واقفين فصف إيران ????بس الصين بقا بتلعب لعبة تانية خالص...!! ????الصين شغالة على خطة إحتياطي فحالة ان إيران وقعت مثلا....!!! ????الصين نقلت ٢٦٠٠ مصنع صيني لمصر بكل التكنولوجيا بسلاطتهم ب بابا غنوجهم علشان يكونوا المتنفس لإقتصادهم وتجارتهم في حالة لو الدنيا إتدرمغت في إيران...!! ????طب لو الدنيا مشيت تمام يا عبده ؟؟ ????اهي المصانع بتنتج في مصر وكل منتجاتها صنع في مصر ???? بس من الاخر.... ????أمريكا هتضرب إيران.... قولا واحدا ???????? وع الناحية التانية من الكوكب... ???????? قطر... ????لا قطر مين يا عبده !! دي بقا اسمها قطر چيت ???? ويا رايح كتر من الفضايح... ????وأعتقد ... أعتقد يعني يا أصدقائي المتابعين لأخبار الكوكب إنكم متفاجئتوش بالفضيحة القطرية علشان أنا بقالي شهرين بقولكم في أخبار الكوكب فقرة المتخرتأين ان قطر بترشي مكتب نتنياهو ...!! ????وفي فضايح كبيرة فمكتب نتنياهو ومراتة وعيلته كلها مرتشين ????وكلع نتنياهو النهاردة وقال .... لو وقعت مش هقع لواحدي ....!! ????انما انا مش جاي النهاردة أكلمكم عن فضحية قطر .... لا خالص ????علشان دي مش اول مرة حضرتك...!! ????الإتحاد الاوروبي كله بياخد رشاوي عادي من قطر وكان ليهم فضيحة سنة ٢٠١٦ برضوا وبيتحاكموا فيها...!! ????عزيزي وصديقي المتابع انا جاي أكلمك النهاردة وأقولك ان الموضوع مش موضوع رشوة ... لااا ????ياريتها كانت رشوة لحساب القضية الفلسطينية او رشوة علشان تغير قرارات لصالح العرب او قطر نفسها حضرتك ????المصيبة ان الرشوة كانت لتشويه صورة مصر وتعطيل كل الخطط اللي مصر بتطرحها لحل القضية ????الصراحة يعني اول مرة فحياتي أشوف دولة بصورم !!???? ????بس الفضيحة موقفتش عند رشوة دوائر الحكم عند المتخرتأين لتشويه صورة مصر لا حضرتك !! أربط بقا كل الاحداث والإشاعات اللي حصلت لمصر من سنة ٢٠٢٠ أربط بقا الأحداث وكل مرة نوصل لإتفاق لوقف إطلاق النار واسرائيل ترجع فيه ????أربط بقا فكل مرة مصر تعرض خطة ويتوافق عليها ويرجعوا فكلامهم ????مليارات كانت بتتصرف رشوة يا عم الحج ????مليارات كانت بتتصرف ع السوشيال ميديا لنشر الاشاعات لتشويه صورة مصر ????مش كدا وبس.... ????حتى ويتكوف المبعوث الخاص الامريكي لما طلع في لقاء تليفزيوني قال حاجات غريبة عن مصر !!! ????طبعا الباشا واخد ظرف ومتظبط علشان يشوه مصر ولما مصر فشخته طلع تاني يوم وقال لا انا مقصدش الكلام اللي انا قولته !! ????انت متخيل....!! ????مليارات بتتصرف علشان بس تشويه صورة مصر وتعطيل اي تحركات دولية لمصر لتحجيم دورها وتشويه سمعتها ????السؤال هنا.... هل الادارة المصرية مكنتش عارفة !!! ????الإدارة المصرية عارفة كل حاجة وعارفة كل دولار اتصرف ضدها ????وعارفة مين معاها ومين ضدها ????بس الدولة المصرية ماشية بمبدأ.... ????أخد الحق حرفة ???? ???????? وع الناحية التانية من الكوكب... ???????? أمريكا.... ????نجحت يا عم الحج الدولة العميقة ف أمريكا انها تعزل إيلون ماسك ????وطلع إيلون ماسك إمبارح وقال انا هقدم إستقالتي آخر الشهر !! ????مش كدا وبس.... !!! ????أمريكا شغالة حشد فجميع أسلحتها فالشرق الاوسط ????دي حتى سحبت حاملات طائرات وبوارج وغواصات من المحيط الهادي وجابتهم الشرق الاوسط ????دا غير القاذفات الاستراتيجية...!! كل ده وأمريكا بتقول أصل إحنا بنهدد إيران علشان نجبرها ع التفاوض بشأن البرنامج النووي طيب انا جاي من المستقبل وبقولك وقولتلك من ٦ شهور ان أمريكا هتضرب إيران سيان وافقت ع التفاوض او موافقتش والله حتى لو إيران سلمت مفاعلتها النووية لإسرائيل برضوا هيدشملوها... ????إدارة ترامب قبضت التمن حضرتك خلاص ????ترليون من السعودية وترليون ونص من الامارات ????لو ضرب ايران.... هياخدهم طب ولو مضربش ....!! مش هياخد ولا دولار ????ترامب قالك انا كدا كدا هضرب ايران علشان خاطر عيون ننوس المتخرتأين ????فميجراش حاجة لو أخدنا كام ترليون تمن الصواريخ اللي هتنضرب ????هي الحسبة كدا بالبلدي حضرتك ???????? كمان في امريكا.... ????ترامب فرض جمارك على الكوكب كله عالشجر والحجر وقال ايه..... دا يوم التحرير وطلع النايب بتاعه وقال... لا هنحمد ولا نشكر غير بعد سنة و٦ اشهر لما تبان آثار القرارات !! يا امريكا تلم الغلة من الكوكب كله يا هنلبس فالحيطة والكوكب كله يلبس معانا وندخل في ركود وتضخم وتنهار اسواق المال والبنوك... ????بس انا بقولك اهه..... امريكا هتلبس فالحيط وهتعمل حرب عالمية علشان تداري على خيبتها ???????? وع الناحية التانية من الكوكب.... ???????? الصين.... ????الصين بقا فجأت الكوكب كله بأكبر مناورات حوالين جزيرة تايوان...!! ????بس برضوا مش دا المرعب فالموضوع حضرتك ما الصين كل شوية تعمل مناورات حوالين تايوان ومبتضربش طلقة والمثل بيقول كتر البوس مبيحبلش يا عبده !!! ????هقولك لا المرة دي مختلفة تماما !! ????علشان الصين كانت بتجرب سلاح جديد جدااا وكان مفاجأة للكوكب كله ????لا مش طيارات ولا دبابات ولا حتى نووي حضرتك ????الصين كانت بتجرب بوارج بحرية وسفن وحاملات طائرات.... !!! ????لا برضوا مش لضرب تايوان .... تخيل !!! ????السفن والبوارج البحرية الصينية بعد ما اخدت وضع معين بين جزيرة تايوان والصين إذ فجأة إتحولت لجسور توصل الصين بالجزيرة !!! ????معنى كدا ان الصين مش هتعمل انزال جوي او بحري فجزيرة تايوان حضرتك ????لا دي هتحول كل السفن والبوارج البحرية وحاملات الطائرات لجسور هيعدي عليها الجيش الصيني علشان يسيطر على الجزيرة ????المشهد ده مبيفكركش بحاجة...!!! ????اه يا برنس.... المصريين عملوها فحرب ٧٣ ????فاكر لما السادات قال ان المصريين فحرب ٧٣ غيروا المفاهيم العسكرية فالعالم !! ????اهو الصين اخدوا الفكرة المصرية وطوروها ...!!! ????وبقت البوارج البحرية والسفن المقاتلة بعد ما تخلص مهمتها وضرب اهدافها هتتحول لجسور بين تايوان والصين ????طب الصين بتعمل المناورات دي دلوقتي ليه يا عبده !!! ????علشان تخف الضغط عن إيران حليفها الإستراتيجي ????وبتوصل رسالة لأمريكا... هتبصلي بعين..... هبصلك بالاتنين هتضربي حليفي..... هضربلك حليفك ???????? وع الناحية التانية من الكوكب... ???????? ألمانيا.... ????في أستاذ جامعي ومؤرخ عسكري ألماني إسمه سونكي نيتزل... ????لا معلش دا أستاذ جامعي مش هبيد ع السوشيال ميديا من بتوع التتار قادمون... ????سونكي نيتزل بقا في مقابلة صحفية مع صحيفة بيلد الألمانية طلع قال إيه .... ????قد يكون هذا آخر صيف سلمي لنا....!!! ????المذيع قاله بالألماني يعني.... أحييه يا سونكي ليه يا عم الحج ؟؟ ????سونكي قاله .... ????علشان روسيا قد تهاجم ليتوانيا في وقت مبكر من هذا الخريف ????طب إيه اللي خلاك تتوقع كدا يا حج سونكي ... بالألماني برضوا؟؟ ????قالك المناورات العسكرية الضخمة اللي بتحصل دلوقتي بين روسيا وبيلاروسيا هدفها ليتوانيا ???? ???????? وع الناحية التانية من الكوكب ... ???????? روسيا... ????روسيا بقا بتلعب جيم تاني خالص...!! ????ترامب وقع بلسانه وهلفط وقال ... ????لو روسيا موقعتش على اتفاق السلام مع اوكرانيا هنفرض على البترول بتاعها عقوبات ....!! ????بوتين يسكت على كدا ...ابدا !! ????بوتين طلع وقال.... ????انت أهبل يابني..... ما انتوا كدا كدا فارضين عقوبات عليا !!! ????طب خد دي تحت لسانك يا اسطى...!! ????وراح موقف خط البترول اللي كان جاي من بحر قزوين من قزخستان مرورا بالبحر الاسود وعطل كل السفن اللي بتحمل بترول بحجة تفتيشها ????إلبس بقا يا عم ترامب...!! ???????? وع الناحية التانية من الكوكب... ???????? الكويت.... ????اه ياعم الكويت..... اللي الدينار بتاعها ب اتنين كيلوا دولار اللي كل شوية نسمع العالم الناقصة يقولولك يارب ثري كويتي...!!! ????اهي الحكومة الكويتية أعلنت رسميا.... ????لا مش ظهور الهلال والعيد والهجص ده حضرتك ????الحكومة الكويتية اعلنت عن خطة قطع الكهرباء لتخفيف الاحمال كل يوم تلات ساعات في كل الدولة...!! ????شوف يا مؤمن ... ????جه اليوم اللي المصري اللي كانوا بيعيروه بفقره عنده كهربا ٢٤ ساعة والثري الكويتي قاعد هيموت من الحر علشان قاطعين عنه الكهربا ????نفعتهم بإيه بقا مليارات دولارتهم !!! ????هتلاقوا الخبر تحت ف الكونتس ???? ????خد شفطة شاي كدا ومخمخ وإنت قاعد فبلكونتك ومستمتع بالجو وبالامان والكهربا ومشغل النت وإفتكر كلمة العظيم عبدالفتاح السيسي لما قال.... بيعيرونا بفقرنا ..... بس أنا مش هسكت وقول فبالك .... وعدت ف أوفيت يا سيسي واكتب تحت فالكومنتس بالبنط العريض...تحيا مصر ٣ مرات ???????? وع الناحية التانية من الكوكب.... ???? كوكب تحيا مصر ???????? ????وفكوكب تحيا مصر... ???????? ????خد شفطة شاي بالنعناع ومخمخ كدا وفتحلي مخك علشان الشعب المصري الجميل بقا كل حاجة وعكسها وهيضحك علينا الكوكب كله.... ????يعني مثلا.... ????عايزين دول الخليج ييجوا يستثمروا فمصر ويجيبوا صناديقهم السيادية هنا ويعملوا مشاريع ضخمة هما يستفادوا ومصر تستفاد..... حلو الكلام ولما الحكومة المصرية تفتح المشاريع ويجيبوا إستثمارات خليجية .... يقولك باااس السيسي بيبيع البلد ...!!! ????لما نقول إن الجمهورية الجديدة لازم يبقا فيها شركات مصرية ضخمة تخرج بره حدود الدولة المصرية وتعمل فروع و مشروعات دولية فكل دول العالم دا هيفيد الدولة المصرية وسمعتها فالمنطقة وفالقارة الإفريقية ????ودي بتمثل قوة الدولة المصرية.... القوى الناعمة ????اللي بتقدر تسيطر بيها على شعوب المنطقة وبتفرض عليهم الثقافة المصرية والقرار المصري والقطاع الخاص المصري هو اللي المفروض يقوم بالدور ده اكتر من القطاع الحكومي... فالمقاولات مثلا.... ????زي السويدي والمقاولين العرب وهشام طلعت مصطفى ????وسامكريت وأوراسكوم وغيرهم... ????????طب فالتصنيع.... ????زي العربي ويونيفرسال وفريش وغيرهم كتير... ????????طب فالفن.... ????البرامج الفنية المصرية والمسلسلات المصرية والافلام المصرية والمغنيين والموسيقى ????????مش بس كدا....!! ????حتى الأكل المصري .... لازم يكون ليك براند مصري ينتشر فكل الدول ????خد بالك أمريكا لما فكرت تسيطر على شعوب العالم في أوائل الستينيات سيطرت عليهم بفروع الوجبات السريعة زي بيتزاهت وماكندونالدز وكوكاكولا وأفلام هوليود فشعوب العالم كانت شايفة امريكا بلد الاحلام.... لازم الدولة المصرية والشعب المصري يكون هدفه كدا... ????ف لما ييجي براند مصري زي بلبن ويفتح فروع فالدول العربية .... لازم نفرح طبعا هتقولي دا غسيل أموال.... !!! هقولك دا مش شغلك دا شغل الجهات المختصة حضرتك ولو عندك دليل روح قدمة للاموال العامة او مكافحة غسيل الاموال الناس دي مش نايمة على ودانها حضرتك وانت اللي مفتح يعني...!! ????هتقولي أصله إنتشر مرة واحدة وبقا عليه طوابير....!! هقولك دول ناس شاطرين فالماركتينج وعارفين يسوقوا نفسهم كويس ????وبيسموا منتجاتهم أسماء مطرقعة تخلي اي حد يفكر يجربها.... بيفكروا برة الصندوق رغم اني والله عمري ما دوقته ولا حتى وقفت قدامه ????إنما لفت نظري الهجوم الشديد عليه فالسوشيال ميديا...!! ????رغم انه براند مصري وبيشغل الشباب المصري.... ????طب مش جايز المنافسين ليه مش عارفين يجاروه فبيطلعوا عليه إشاعات وحملات ممولة !!! هتقولي ما فالسعودية قفلوه علشان الناس إتسممت...!!! هقولك إستنى التحقيقات لما تخلص وجايز تكون كيدية !! هتقولي ما فرع بورسعيد شغل الناس ومقبضهومش !! هقولك لو الكلام دا بجد يطلعوا على مكتب العمل التابعين ليه ويشتكوا .... ????مكتب العمل هيقفل الفرع فورا وهيجيبلهم حقهم...!! ????شايفك .... ياللي بتقري البوست ????وبتقولي بطل هبد ... مكتب عمل إيه اللي يقفل فرع هو في حد فالحكومة بيتحرك من مكانه علشان عامل ولا موظف مصري يا عبده ؟؟؟ بطل هجص....!! ????هحكيلكم واقعة حصلت معايا قبل العيد بإسبوع وإنتوا هتعرفوا إن مصر قبل السيسي كانت زريبة وبعد السيسي بقت دولة محترمة... ????قبل العيد في مستشفى شهير فالمهندسين... ????مدير المستشفى دكتور كبير ومحترم وبيمر على المستشفى.... عادي راجل منضبط وبيشوف شغله !! ????وأثناء مروره طلع يمر على جناح العمليات ومكنش في عمليات فالوقت ده ... ????وكان ماشي معاه فالمرور رئيس الشئون الادارية ورئيسة التمريض وشوية إداريين... ????لما دخل العمليات قابلته ممرضة فالعمليات وسألها عندك شغل؟؟ ????قالتله لاء...!! ????قالها تمام ودخل يمر على العمليات وقعد يزعقلها على بعض الملاحظات وعلى صوته عليها بشكل مهين...!! ????البنت قالتله من فضلك متزعقليش ومتعليش صوتك..!! لو شايف اي حاجة غلط اديني جزا لكن متعليش صوتك ومتزعقليش...!! ????طبعا ازاي ممرضة ترد كدا على مدير المستشفى قدام هذا الحشد وراح شتمها وقالها لمي حاجتك وإمشي إنتي مرفودة !!! ????وبس يا سيدي....!! وعنها الممرضة غيرت لبسها ونزلت وراحت على مكتب العمل وقدمت شكوى فالمستشفى....!! ????هما ٢٤ ساعة بالظبط والمستشفى إتقلبت وتفتيش بقا من لجان وزارة الصحة ومكتب العمل والضرايب وليلة كبيرة سعادتك ????مكتب العمل بلغ المستشفى رسميا ان الممرضة ترجع الشغل فورا ويتصرف ليها كامل مستحقاتها ????المدير اتصل بالممرضة وقالها ارجعي والنبي وإسحبي شكوتك من مكتب العمل ????الممرضة رفضت وقالت انا هقدم استقالتي وبكرامتي..!! مكتب العمل بعت للمستشفى ان في حالة لو الممرضة قدمت استقالتها يتم صرف مرتب شهرين عن كل سنة ليها فالمستشفى الممرضة بقا حضرتك اشتغلت كام سنة !!! ????٨ سنين يعني هتصرف مرتب ١٦ شهر عن اخر مرتب هي اخدته من المستشفى ????طبعا المدير صديقي و بيكلمني وانا بضحك ????بيقولي انت بتضحك وانا هتوقف عن العمل ...!! ????قولتله اه طبعا علشان دا حقها وهي مش هتتنازل عنه ????وانت اللي غلطان علشان هي مش عزبة ولا هي عبدة عندك تغلط فيها ولا انت مشغلها فالسخرة ????هي غلطت يبقا بالورقة والقلم وامشي قانوني لكن تقف قصادها وتغلط فيها وتطردها من ????المستشفى وتقولي شوفلي حل !! ????شوف انت كدا خسرت المستشفى قد ايه ؟؟ ????انا ليه بحكي القصة دي ...؟؟ علشان اقولك ان مفيش حد حقة بيروح بالقانون ...انت بس اللي ممكن تكون بتفرط فحقك ????نرجع بقا لقصتنا... فلما يكون عندك براند مصري فالاكل المصري هيفتح فكل الدول العربية لازم تفرح وتشجعه .... ما هو دا الغزو الثقافي المصري حضرتك اومال انت عايز ايه !!! ????خد بالك ان المطاعم الامريكية فمصر إتأثرت جدا بسبب المطاعم المصرية و السورية اللي انتشرت وأخدت من حصتهم فالسوق المصري دا يمكن كمان اخدت حصتهم كلها ودا بيبان اكتر لما تشوف الزحام على المطاعم المصرية والسورية وتلاقي فروع المطاعم الامريكية بتنش...!! ????أنا عارف ان كلامي ده مش هيكون على مزاج ناس كتيرررر ويمكن اتهاجم ????بس حقيقي انا بفرح لأي حاجة مصرية بتحاول تفرض نفسها فالسوق المصري والعربي وبتشغل الشباب المصري ????كمان فكوكب تحيا مصر.. ???????? ????في هرية جاية الايام اللي جاية ... ????ايه هي بقا يا عبده ....!!! المطارات المصرية هيديرها شركات خاصة ????يعني ايه الكلام دا بقااا لا يا حبيبي مش هيبيعوا المطارات... متخافش ????كل الحكاية ان فعلا الموظف الحكومي لسه قدامه كتير علشان يفهم يعني ايه إدارة ناجحة فالدولة المصرية هتطرح ١١ مطار على الشركات الخاصة لإدارتها علشان ننسى بقا انا عايز اشغل معايا اخويا ولا ابن عمي ولا انا جايب ابن خالتي يشتغل معايا علشان أفوتله ويفوتلي...!! ????لا يا حبيبي دي شركات عالمية هي اللي هتشغل المطارات علشان نخلص بقا من كلمة حمدالله ع السلامة ونورت مصر وفين حلاوتي انك جيت بالسلامة...!! ????وغيرها من المخالفات اللي شوهت شكل مصر اللي السايح بيتصدم بيها اول ما يوصل المطار...!! ????هتقولي طب دي حاجة حلوة ولا وحشة يا عبده !! ????هقولك افتكر لما مترو الانفاق كانت بتديره شركة فرنسية كان ماشي زي الساعة ????ولا كان فية متسولين ولا كان فيه ابن خالتي شغال ناظر محطة وكانت مواعيده تظبطها بالثانية فالمطارات بقا هيبتدوا بمطار الغردقة اللي يعتبر من ازحم المطارات بعد مطار القاهرة وهنشوف ... لو التجربة اثبتت كفائتها هيتم ادارة جميع المطارات فمصر بشركات خاصة ????هو مش انتوا عايزينها تبقا عالمية والخدمة تبقا خمس نجوم ...!! ???? كمان فكوكب تحيا مصر.. ???????? ????الرئيس السيسي تلقى اتصال من رئيس ايران....!! ????بعدها على طول تلقى اتصال من ترامب....!!! ????بعدها على طول طلع ف احتفالات العيد وماسك ف ايده ماجدونالدز ووجبات كنتاكي وبيوزعها على الاطفال.... في رسالة بعلم الوصول ...???? ????مفيش حاجة صدفة بتحصل فالكوكب...???? ????ودا بقا اللي هنشرحه ف أخبار الكوكب القادمة..... انتظروني ????وكفاية كدا علشان طولت عليكم ???????? يديمك ???????? ????بيعيرونا بفقرنا.... بس أنا مش هسكت ????????عبدالفتاح السيسي والسلام عليكم ورحمة الله وبركاته ????تحيا مصر ???????? ????تحيا مصر ???????? ????تحيا مصر ????????