امريكا تطلب تفكيك البنية التحتية في سيناء
????????????????تعليق على تقرير يتسريل هيوم الإسرائيلي ????????
????التقرير من وجهة نظري المتواضعة انتصار للرؤية الاستراتيجية المصرية مش بس من أول الازمة ، ده من ٢٠١٣ كمان ، وبيؤكد ان بحسابات النقاط ، مصر حققت انتصار استراتيجي كبير في ملف سيناء ، وقفلت باب سيناء بالضبة والمفتاح في وش الكيان وداعميه ، وده مش شيء عادي او بسيط ، ليه؟! ، لأنك لما بنحرمهم من سيناء بتحكم عليهم بالموت ،
????سيبك من كل التوسعات اللي شغالين عليها في الأراضي المحتلة وسوريا ولبنان ، وفوكك من كل الدعايا الإعلامية والوهم البصري اللي بيهروا فيه من سنة ونص ، هما حياتهم في سيناء ، وحلمهم قناة السويس ، ويوم القيامة بالنسبة لهم هو العودة لمصر مش الخروج منها ، بس هما عايزين يدخلوها حاكمين مش خدم زي زمان ????
???? ليه عبده بيقول كده؟!
اقولك يا سيدي ، بص ع الشكوى كده من ايه؟! ، الشكوى مش من حشد القوات المسلحة ودفع مصر بربع مليون جندي في سيناء ، منهم ٧٠ الف ع الحدود مباشرة ، ولا من الفرق المدرعة والمشاه ميكانيكي اللي بقت امر واقع في سيناء خلاص ، كل ده ممكن يرجع العاصمة تاني يوم لو الامور استقرت ،
????الشكوى من الكف والقلم الحقيقي على وشهم المكشوف والبجح ، البنية التحتية العسكرية ، واللي فعلياً مش هينفع تتفكك خلاص ، مطار وعملناه حضرتك ، هنفككه ازاي ، منصات دفاع جوي ونشرناها ، انفاق وجهزناها ، وانت اللي خلتنا نعمل كده لانك خالفت الاتفاقية قبل مني ، فطبيعي أقوم بتأمين ارضي منك ، وانت مكونتش ممانع ، انت بس اتفاجئت ان مصر امنت صح ????
????البنية التحتية العسكرية دي خلاص بقت امر واقع ، لا ينفع تتفك ولا ينفع ترجع غرب القناة تاني ، البنية التحتية دي بقت قفل مسوجر على باب سيناء ، لاء مش بس قفل ع الباب ، ده انت لو فكرت بس مجرد تفكير انك تعملها معايا هتلاقي العاركة عندك انت ، وهما اكتر شيء يكرهوه ان العاركة تبقى على ارضهم ، لان المشاريب في الحالة دي هتبقى على حسابهم ????
????تيجي وتقولي حلو يا عبده ، طب هما هيعملوا ايه؟! ، مش يمكن يعملوا عقوبات علينا بسبب الفيلم ده؟!
????اقولك صح ، بس اللي هيعاقب في الحالة دي هيعاقب نفسه مش هيعاقب مصر ، باشا انت ليك مميزات وليك تفضيلات على حس رعايتك للسلام بيننا وبينهم ، والمميزات مش قناة السويس وبس ، خالص ، دي اقل حاجة عندنا ، في مميزات تانية لا تُقدر بثمن ، طالما حضرتك مش عايزها ، اوك ، اللي مايلزمكش يلزم غيرك ????
????ده غير الاعلان الصيني امبارح عن تظبيط التبادل التجاري بين ٦ دول من الشرق الأوسط بالعملات المحلية ، مع الاعلان عن اليوان الرقمي كبديل لنظام السويفت التعبان بتاعك ، ده لوحده يوفرلي مقابل المعونة التعبانة بتاعتك دي ٧ ولا ٨ مرات!
????ونتوسع بقى في شراء السلاح من الصين برضو ، سلاح رخيص مع اوبشن التصنيع المحلي ، مع اوبشن الفول كنترول من جانبك في حالة اندلاع اي حرب ، مش شوية العاب ممكن حضرتك تحولها لخردة بلا قيمة لو مصالحنا اصطدمت ببعض!
????ده غير اللعب في سمعة السلاح بتاعك بقى ، اكبر مصدر لدخلك القومي يا ابو حنان ، وانت جربت بنفسك حتة كده من على طرف المعلقة ، حوامل الطائرات اللي بتخبط في السفن ، الطائرات اللي بتقول انها مش بتترصد وطلعت بتترصد عادي جداً اهو ، والسمعة في السلاح يا باشا زي عود الكبريت بالضبط ،
????وافضل انت بقى مع نفسك كده كل شوية تطلع لي طيارة F47 بدال الطيارات اللي سمعتها بقت في الارض ، تطلع لي طيارة F57 ، يا باشا عد براحتك واحنا معاك ????????????
????قلت لكم قبل كده مصر استراتيجياً وصلت لمرحلة الافتراء ، وكم المكاسب الاستراتيجية اللي حققتها مصر من بعد ثورة يونيو وفي عهد الرئيس عبد الفتاح السيسي يخليه كل شوية يطلع في التليفزيون ويحكي ويتحاكى ببطولات حقيقية وأمجاد حصلت بالفعل ، بس احنا ناس محترفين ، وعارفين كويس اوي ان الغموض الاستراتيجي جزء أساسي من القوة الشاملة ، وان الحق بتشوفه بنفسك مش بتسمع عنه ☺️
????اطمنوا يا جماعة ، رغم الوضع الصعب والكارثي في الاقليم ، لكن بلدكم قوية وقادرة ، عيشوا عظمة المرحلة بشموخ وقوة وفخر بالبلد اللي قامت ووقفت على رجليها خلاص ، ومبقاش ينفع ترجع تقعد او تنام تاني ،
????جيم اوفر يا جماعة ، ومصر انتصرت بكل الحسابات ، وأعدائنا عارفين الحقيقة دي اكتر مني ومنك ، آخرهم بكرتين مناديل علشان أنا عارفهم ، بيعيطوا كتير لما بيشتكوا ????????????
كتبه ✍️
عبدالباسط صابر
