ايه اللي بيحصل في تركيا الان
????????????ايه اللي بيحصل في تركيا؟!
????اللي بيحصل في تركيا دليل جديد على ان التيار الاسلامي لما بيوصل بيقعد ويقفل الباب ويرمي سلم الديموقراطية ويقولك أنا اختيار السماء!
????في البداية خلونا نعترف ان رجب حشا،ش كبير ، ومن اهم صفات الحشاشين والفرق الباطنية عموماً انها لا تملك العفو او الصفح ولا تقدر على الصلح ولا تنسى الثأر ، وتأخذه معها للعالم الاخر ان لم تستطيع ان تنتقم في الدنيا ، والانتقام هنا لا يعني وصولهم للسلطة او الاستمرار فيها ، لكن يعني القضاء على كل منافسيهم سواء بالإخضاع او السجن او …. ☺️
????طب الثأر هنا من مين؟!
من حزب الشعب الجمهوري التركي كفكر او موقف ، وشرحنا قبل كده الضغينة الشديدة اللي بيحملها رجب في نفسه ضد مؤسس الحزب والجمهورية التركية ككل ، الرئيس مصطفى كمال اتاتورك ،
????وهو نفس الحزب اللي حقق انتصارات كبيرة في آخر انتخابات نيابية عام ٢٠٢٣ ، واللي وصل رئيسه لجولة اعادة مع رجب في انتخابات الرئاسة التركية ، ثم من اكرم امام اوغلو اللي احتفظ برئاسة بلدية اسطنبول للفترة الثانية على التوالي ، وهي العاصمة التاريخية للعثمانيين ، واللي رئيسها بيعتبر ضمنياً كده الرئيس المستقبلي لتركيا ، واللي بيخسر فيها مرشح حزب العدالة والتنمية للمرة الثانية ،
????ليه رجب اتحرك دلوقتي؟!
علشان خلال ايام هيعمل حزب الشعب الجمهوري انتخابات تمهيدية لتحديد مرشح الحزب في انتخابات الرئاسة المقبلة ، وكل الترشيحات تصب في مصلحة اكرم امام اوغلو ،
????هتقولي بس انتخابات الرئاسة التركية سنة ٢٠٢٨ ، يا مين يعيش يعني!
????هقولك لاء ، في ظل المؤشرات الاقتصادية السلبية ، والاحتقان الداخلي ضد سياسات رجب ، فضلاً عن الانقسام الشامل في تركيا في كل شيء ، كان الشعب الجمهوري بيجهز لسحب الثقة من رجب والدعوة لانتخابات مبكرة عام ٢٠٢٥ ☺️
????وده سر الاتهامين اللي تم توجيههم لأكرم اوغلو ، الفساد وتزوير الشهادات الجامعية ، سيبك من الفساد لان الاتهام بالفساد من الاتهامات الرائجة في ظل النظام الديموقراطي وتطبيق سياسة السوق الحر ، وخليك في الاتهام الثاني لان فيه العاركة كلها ، والهدف منه هو منع اوغلو من الترشح في اي انتخابات رئاسية قادمة ، ثم منع الحزب بتاعه من سحب الثقة والدعوة لانتخابات مبكرة ،
????هل ستستمر الاحتجاجات في تركيا؟!
????معتقدش ، وحتى لو تم تصعيدها هيتم التصعيد المضاد من جانب رجب وحزبه زي ما حصل في انقلاب ٢٠١٦ ، والقاعدة الذهبية في السياسة بتقول ان المهمة اللي بيفشل فيها الجيش لا يمكن اي حزب ينجح في تنفيذها ،
????بدليل ان العالم كله عامل من بنها ، ترنب أعطى ضوء اخضر لرجب للقيام بهذا العمل في إطار الصفقات الاقليمية ، من جهة بيورط رجب في ازمة داخلية ممكن تبعد تركيا لبعض الوقت عن الصراع الاقليمي الشرس ، ومن جهة تانية بيمسك عليه كروت علشان وقت ما يقلب كالعادة يجي ترانب يطلع له السيديهات ويقوله انت ديكتا،تور يا رجب ☺️
????الرو-س قالوا شان داخلي ، مالناش فيه ، وده لنفس السبب اللي شغال عليه ترنب ، تنشغل تركيا بالداخل وتفقد تركيزها في الشأن الاقليمي ، اما اوربا اللي تعتبر الطرف الوحيد اللي اعلن رفضه صراحةً لما حدث ، احب اقول انها بقت كيان ضعيف مهلهل سياسياً لا ليه وزن ولا تأثير ولا ثقل من اي نوع!
????حاجة تاني لازم ناخد بالنا منها كويس ، الاجراءات الديموقراطية بتتراجع في العالم كله ، والكل بيقفز من المركب الديموقراطي وبيتنصل منه واقعياً حتى لو كان البعض لسه بيتغزل في التعددية والحزبية والحقوق السياسية ، كل ده كلام بس ، على أرض الواقع كله بيقلب!
????وبص ع اللي بيحصل في سوريا بعين ديموقراطية ، تلاقي دستور من غير انتخابات ، حاكم بدون انتخابات ، قانون بدون انتخابات ، تبص في امر-يكا تلاقي نفس الشيء ، تبص على الخليج تلاقي قطر عملت استفتاء دستوري بتلغي فيه مجلس الامة نهائياً ، والأعجب ان الاستفتاء نجح والناس وافقت ، الكويت بتجمد مجلس الامة برضو لمدة سنتين وفي شك كبير في عودته مرة اخرى ، رو-سيا ، الصين ، الكيان ، كل العالم بيكرس لنموذج الحزب الواحد والصوت الواحد والرأي الواحد ،
????ونختم الكلام هنا بملاحظتين مهمين!
???? شخص زي رجب لما يخضع لمصر ويوافق على كل شروطها للصلح ، يبقى لازم نعرف اننا جامدين اوي ، الباطني لا يتصالح إلا مع الأقوياء فقط ، وقت ما تضعف هتلاقيه انقلب عليك وعلى كل كلامه معاك في كسر من الثانية ????
???? مجا-هدي الديموقراطية المصريين في إسطنبول بيبلعوا كل كلامهم عن الحرية والديمقراطية وعاملين من بنها ولا بيقولوا حتى عيب ، وبينكروا على الشعب التركي الحقوق اللي بيطالبوا بيها في مصر ، وبيقبلوا من رجب باللي رفضوه بكل قوة في مصر ، ومش بس كده ، دول بيدعموا رجب بكل قوة ☺️
????ونختم بالعبارة المهمة اللي بعتبرها عنوان المرحلة الحالية ????????
????اللي مش هتقدر عليه الجيوش مفيش اي حزب سياسي او ديني هيقدر يعمله ????
#عبدالباسط صابر
⇧
