سوريا المحررة
????????????سوريا المحررة
????لما بشوف المهازل والمجازر اللى بتحصل ف سوريا "المــــــحررة "
دا غير اللى بيجرى ف السودان وليبيا واليمن ولبنان وطبعاً غزة والضفة ولسه القوس مفتوح
بفتكر مداخلة كان الريس عملها مع يوسف الحسينى ف اكتوبر 22 وهو ف منتهى الحزن
لما بدأ الواغش حسهم يعلا وياخدوا ف سكتهم الناس المهزوزة واللى مش حاسين بالنعمة
????ساعتها الريس اتكلم أكتر من ساعة وكأنه بيقدم كشف حساب للى عمله وأنجزه ف مصر
والمستحيل اللى بيحصل فيها رغم كل الازمات والحصار والحروب والمكايد من كل ناحية
عشان يفكر اللى بيلوغص ف الحلل وبيتهمه بالتقصير والفشل إيشى التعليم وإيشى الصحة
وإيشى المشروعات الجديدة اللى فلوسها بتترمى ف الهوا والسلاح اللى اتكلف وسايبه يصدى
وإيشى الطرق والكبارى والأنفاق والمدن الجديدة وحياة كريمة ما كنا احنا أولى بفلوسها
وياما اتريقوا لما نقولهم احمدوا ربنا ع نعمة الأمان والإستقرار اللى غيرنا اتحرم منه وندم
وكأنه اعتلى عرش سويسرا وخزاينها المتعمرة وجه هو وبخل ع الناس وشاف نفسه ولهط
::
????يومها الريس قال جملة كتيرمنا النهارده حسوا بيها وعرفوا انه كان بيسبق الزمن عشان يحمينا
????قال " في 2013 كانت الناس اللي في الشارع اتدبحت لو مفيش إيد حديد وما كانش حد ساعتها يقدر يرفع صوته..كله جرى وخاف ومحدش قدر يقف كانوا دبحوكم ف الشوارع والا نسيتوا !! لولا إن فيه جيش قوي وقادر.. وكان المطلوب حاجة واحدة بس اسكت أنا ..أسكت أنا وهاتحط ع الدماغ وأسيبكم واسيب الناس ومحدش هيقدر يقربلهم ..عندهم قواعدهم اللى عقبال ماخلصت عليها اخدت 8 سنين ..اللي حصل في الفترة دي يجيب أي دولة الأرض.. واللي شايف إن عنده القدرة لحل الملفات يتفضل وأنا هساعده وأصقف له ..البلد ظروفها ف حتة وكلام الآخرين ف حتة تانية خالص واللي بيتقال مايصحش كده اللي ما يعرفش ما يتكلمش علشان مايبنيش رأي عام خاطئ ويضيع حق الناس"
????صدقت ياريس ربنا يجازيك خير وينصرك ويحفظك ويحميك من شر العدو وغدر الصديق
????لولا انك جريت بمصر عشان تقويها وتحرر قرارها وتحمى سيادتها ماكانش حد هيعملنا حساب
????وكان زمانها "متحررة "من شعبها وثرواتها وأرضها وكل اللى نفسه ف حاجة منها جه أخدها
كان زمانا بنشحت اللقمة والهدمة والخيمة دا ف حالة إننا لقينا أرض تلمنا وتكفينا شر العوز
⇧
