اخبار الكوكب كله لفه سريعه

????أهلا بيكم مع عبده في...???? ???? أخبار الكوكب ???? ????أنا آسف ع التأخير.... الثلاثاء ٤/٢/٢٠٢٥ ♦️ومن تاني أكيد راجعين .... واللي مش متابع أخبار الكوكب.... يحضر كوباية الشاي بالنعناع اللي بيهدي... علشان هناخد لفة ف اخبار الكوكب... ومطولش عليكم وقولولي لاء طول.... ،♦️ سوريا.... أحمد الشرع.... ترررااا???? قام بحلّ سوريا كلها....ونصب نفسه رئيساً للبلاد.... حل الجيش وحل كل مؤسسات الدولة دا حتى ملقاش حاجة يحلها قام حالل جبهة النصرة اللي هي اصلا وصلته لدمشق وحل كل الجماعات وقالهم..... انا الزعيم ماشي يا اسطى... انت الزعيم.... طب وبعدين قالك مش مهم وبعدين.... المهم ان انا الزعيم ومفيش إنتخابات علشان الإنتخابات رجس من عمل الشيطان قسد بقا اللي هي قوات سوريا الديموقراطية قالت احنا اصلا محضرناش تنصيبة ولا نعرف عنه حاجة.... يبقا زعيم على مين.... والناس نايمين ???? الشرع مسكتش على كدا...!! قام مشمع الفتلة وطالع ع السعودية علشان ياخد البركة هتقولي وإشمعنى السعودية يا عبده !!! هقولك علشان السعودية هي اللي خططت ومولت كل الفيلم الهندي ده من أجل إزاحة إيران من سوريا علشان كدا السعودية دفعت ترليون دولار لأمريكا..... أيون الترليون دولار حضرتك دول الكوميشن بتاع امريكا تمن عرقها اومال انت فاكر إيه !! السؤال هنا.... عزيزي متابع صفحة عبده عزيزتي متابعة صفحة عبده .... لو السعودية كانت صرفت على الترليون دولار دول على إعمار سوريا تفتكروا سوريا كانت بقت عاملة إزاي ؟؟؟ ،♦️ وع الناحية التانية من الكوكب.... ،???? أمريكا.... هنبتدي بالخبر الأهم.... لقاء ترامب مع النتن...ياهو طب النتن رايح يقابل ترامب ليه ...!!! هل علشان قصة التهجير وكدا ؟؟ لا خالص..... دا هدف ثانوي حضرتك في سبب تاني اهم واكثر تعقيدا ... هتقولي إيه هو يا عبده ؟؟ هقولك الهدف الاعظم للنتن هو ضرب إيران هو محدش لاحظ ان الكوكب كله وكل وسائل الاعلام العالمية اللي بيتحكم فيها اهل الشر ... هوس هوس تماما من ناحية إيران !! أيون علشان حضرتك الساحة بتتجهز لضرب إيران ضربة لا تقوم بعدها ابدا وأعتقد ان الدييل اللي بين النتن وترامب هو ضرب إيران قولا واحدا وكل دول المنطقة موافقة على الدييل ده ماعدا مصر... مش حبا في إيران حضرتك ولكن علشان دا هيقلب المنطقة كلها لخرابة حتى لو الضربة عدت بخير وسلام على المنطقة ف دا معناه ان محدش هيقف فوش الكيان غير مصر لوحدها وإسرائيل هتاخد اللي هي عايزاه تتفق مع إيران او تختلف معاها بس لازم تعرف ان الكيان مينفعش يفضل يكسب كدا على طول فالمنطقة منغير اي خساير وإلا هيكوش ع المنطقة كلها شوف يا صديقي اسمع واقرا اي تحليل للي بيحصل زي ما انت عايز وإقتنع زي ما انت عايز بس لازم تعرف ان النتن دلوقتي هدفه الوحيد هو ضرب إيران هتقولي طب والتهجير يا عبده ....!! هقولك التهجير ده ورقة إبتزاز لمصر حضرتك منا قولتلك من شهر مش اسرائيل هي اللي عنيها على غزة.... دي امريكا ومحدش صدقني بس امريكا عايزها فاضية وهي اللي هتشطبها تشطيب سوبر لوكس ومصر هي اللي وقفالها زي اللقمة فالزور مهو انا مخلصش من إسرائيل اقوم ألاقي امريكا هي اللي بنفسها جاية تقعد جمبي وتعمل قواعد عسكرية على حدودي ???? خلاصة الخلاصة بقا وزهرة الزهرة اللي بيحصل فالمنطقة.... إسرائيل عايزة إيران تنضرب وتنتهي تماما من التاريخ طب وباقي دول المنطقة يا عبده ؟؟ باااس نرجع بقا للتطبيع الإبراهيمي واي دولة مش هتدخل فالدين الجديد اللي هو الدين الابراهيمي والتطبيع الابراهيمي هتكون دولة كافرة و مارقة وهتتحارب المصيبة ان شعوب دول المنطقة مش حاسين بالمخطط اللي بيحصل السوريين فرحانيين بالشرع اللي هو جاي اصلا لتطبيق التطبيع الإبراهيم السعوديين نفسهم مش حاسين ان بن سلمان واخد سكة التطبيع الإبراهيمي قطر خلاص خدت فيها الامارت.... اشطة المغرب .... هي هناك من زمان الجزائر النهاردة بتحاول تفلفص بس مش عارفة لحد دلوقتي..... مصر هي الدولة الوحيدة اللي واقفة قصاد التطبيع والتقسيمة الجديدة ،???? كمان ف أمريكا... ترامب خلاص هيطبق التعريفة الجمركية الجديدة على كندا والمكسيك بزيادة ٢٥٪ والمكسيك وكندا هما كمان هيزودوا الضرايب على المنتجات الامريكية امريكا كمان بتهدد دول اوروبا بالجمارك والدول الاوروبية بتهدد امريكا وخناقة كبيرة فالكوكب كله هتنتهي بإنهيار إقتصادي للإقتصاد العالمي المستفيد الوحيد منه .... هي الصين ???? ،♦️ وع الناحية التانية من الكوكب.. ،???? الصين... الصين بقا فحتة تانية بتقول للاوروبيين تعالوا لحمو.... امريكا هتفرض عليكم ضرايب علشان تركع إقتصادكم.... تعالوا الصين هي الحضن الحونين ،???? كمان فكوكب الصين... من شهر انا نزلت بوست وقولت فيه الصين هتاخد امريكا ورا مصنع الكراسي وكل الناس قعدت تسألني حصل إيه ؟؟ مهو حصل حضرتك من اسبوع انها عملت ديب سيك ذكاء اصطناعي خسر امريكا الاسبوع اللي فات اتنين ترليون دولار هو في اكتر من كدا سيكو سيكو ورا مصنع الكراسي !! اه في اكتر من كدا حضرتك الصين اعلنت انها قدرت تصنع غواصة حربية فيها رادار عسكري يقدر يرصد الطيران الحربي فوق في طبقات الجو هتقولي يعني ايه يا عبده ؟؟ هقولك دي حاجة مرعبة خالص حضرتك الطيران الحربي في اي دولة اول ما بيضرب بيضرب الرادارات الخاصة بالدفاع الجوي علشان يشل الدفاع الجوي ويستبيح اراضي الدولة زي ما حصل من إسرائيل مع ايران كدا طب الصين بقا صنعت رادارات فالغواصات تحت المحيط يعني حضرتك اصلا الغواصات مبتترصدش فما بالك بقا لما يكون عليها رادارات بترصد الطائرات المقاتلة معنى كدا ان اي طيران حربي معادي الغواصات المختفية فالمحيط هتصطاده زي العصافير ،♦️ وع الناحية التانية من الكوكب.... ،???? السودان... الاخبار اللي جاية من السودان تفرح القلب الجيش السوداني سيطر خلاص على وسط وقلب ولاية الجزيرة ودخل مدينة الكاملين آخر معاقل الدعم السريع فالولاية وسيطر عليها ولاية الجزيرة دي من اهم الولايات الإستراتيجية اللي كان مسيطر عليها الدعم السريع مش كدا وبس دا كمان قتل احد اهم واكبر قادة الدعم السريع بمسيرة ان شاء الله بالكتير كدا شهرين تلاتة والدعم السريع هيكون في مزبلة التاريخ علشان يبقا يتحرشوا بأسيادهم ويجروا شكل الجيش المصري الجيش المصري بقا منيم إفريقيا والمنطقة من المغرب ،♦️ وع الناحية التانية من الكوكب.... ،???? تركيا.... ومن السعودية امبارح لتركيا النهاردة احمد الشرع بيزور تركيا بس دي زيارة من نوع تاني خالص حضرتك هو رايح يوقع اتفاقية دفاع مشترك وترسيم حدود خد بالك تركيا اي دولة بتسلم عليها بتقولهم ترسيم حدود دي حتى لو جنوب افريقيا راحت تسلم عليهم هتقولهم ادوني بسرعة ترسيم الحدود نيجي بقا لإتفاقية الدفاع المشترك لاء ثانية واحدة يا عبده !! هي سوريا اصلا فيها جيش علشان يوقعوا اتفاقية دفاع مشترك بينها وبين تركيا...؟؟ هقولك ما هو دا الخبر الكوميدي فالموضوع حضرتك تركيا بتقولهم هنبني قواعد عسكرية تركية عندكم فسوريا.... يعني دا احتلال فهمي نظمي رسمي وقالولهم كمان احنا هنبنيلكم جيش سوري ايوا يعني اللي هو إزاي ؟؟ هتاخدوا مثلا مواطنين سوريين شرفاء تدربوهم فتركيا ويكونوا نواة الجيش السوري الجديد ؟؟ قالك لاء خالص ايوا يعني هتبنوه ازاي حضرتك ؟؟ قالك هنبني قواعد عسكرية تركية ومطارات حربية .... يعني هي جت علينا ما اسرائيل بتبني قواعد عسكرية هناك واستولت على الجنوب السوري كله وامريكا بتبني قواعد عسكرية هناك غير اللي اللي هي اصلا عملاها هناك وروسيا ليها قواعد عسكرية هناك كدا مش باقي غير انهم يجيبوا الصين هي كمان تبني قواعد عسكرية هناك لا ويقولك سوريا إتحررت.... يااخي شحااا ،♦️ وع الناحية التانية من الكوكب... ،???? روسيا... طلع سيرجي لافروف وزير خارجية روسيا النهاردة فمؤتمر فالداي فموسكو وقال كلام خطير... الراجل طلع وقال... عندنا معلومات موثقة إن إسرائيل مش هتطلع اصلا من جنوب لبنان وهتضم أجزاء من الضفة الغربية لنهر الاردن وهتفضي غزة تماما مش كدا وبس هي اصلا إعتبرت خلاص الجولان جزء من إسرائيل..... سلملي ع الشرع يا عبعزيز بيه مش كدا وبس... دا لافروف طلع وشكر دور مصر وقطر ماشي يا سيدي.... تشكر ألف شكارة ،♦️ وع الناحية التانية من الكوكب.... ???? كوكب تحيا مصر ???? ،???? وفكوكب تحيا مصر... جاري ترتيب زيارة عاجلة للرئيس السيسي لواشنطن هو وملك الاردن علشان ترامب هيبتدي يهبل هتقولي ازاي يا عبده .... هو مش فيه إتفاق وكدا هقولك ان إسرائيل لحد دلوقتي حست إنها اخدت على قفاها من مصر في إتفاق غزة وبتحاول تفلفص منه اللي هو احنا ولمؤاخذة كسبنا إيه ؟؟ ايوا إتفاق غزة بالنسبة لإسرائيل لحد دلوقتي هو إعلان هزيمة بس بشكل شيك جدا سنة ونص بيتهتك عرضها وفالآخر ما أخدتش حاجة غير الرهاين.... دا من وجهة نظرهم حتى السنوار لما تركز فالصورة أكتر هتلاقيه هو اللي مسلم نفسه وقاعد ع الكرسي وحاطط رجل على رجل وأعتقد كان الإتفاق ان السنوار يسلم نفسه في مقابل وقف إطلاق النار فالراجل قالهم موافق بس بشرط مسلمش نفسي صاحي واموت شهيد علشان كدا لما تركز في طريقة إستهدافه هتلاقيه قاعد فبيت عادي وحاطط رجل على رجل بدون اي تسليح ... دا كان ناقص يمسك كوباية الشاي بالنعناع ف إيده ويفتح صفحة عبده ويتابع اخبار الكوكب ???? حتى الرواية الاسرائيلية لإستهدافه متدخلش عقل عيل صغير بشخة حتى غزة اللي مسحتها من على وش الارض مصر هتبنيها من أول وجديد وعلى نضافة طب هما من وجهة نظرهم كسبوا إيه غير الإنهيار إقتصادي ...!!! من وجهة نظرهم كمان إن مصر فرضت كلمتها عليهم وعلى المنطقة مش كدا وبس!!! دا الجيش المصري إنتشر فكل سينا ودا بالنسبالهم قمة الخسارة التاريخية بعد خسارة اكتوبر ٧٣ طب إيه الحل.... لما حسوا انهم اخدوا على قفاهم !!! قالك مفيش حل غير انهم يخلعوا من الإتفاق وزغللوا عين ترامب بغزة ان امريكا هي اللي تبنيها وتكون مركز تجارة عالمي زي سنغافورة بس تابعة لأمريكا بس منغير شعب غزة او الفلسطينيين طبعا بما اني ترامب بيدور على اي حاجة ياخدها فريل وسال لعابة ع المصلحة دي خلينا نشوف زيارة السيسي وملك الاردن لأمريكا هتسفر عن إيه !!؟ ،???? كمان فكوكب تحيا مصر.... تعالوا بقا أحكيلكم عن ملحمة مصرية عظيمة فوسط السواد اللي عايشة الكوكب مصر سنة ٢٠٢٤ حققت أعلى معدل تصدير في تاريخها... ف إيه يا عبده يا عبوده ؟؟ ف الصناعات الغذائية لاء ثانية واحدة بس والناس بتوع هي مصر بتصنع إيه يركنوا على جمب علشان دي بيانات وأرقام من مؤسسات دولية اه يا حبيبي إحنا بنصنع وبنصدر كمان مصر صدرت صناعات غذائية هي الأعلى في تاريخها ب ٦.٥ مليار دولار في سنة ٢٠٢٤ مين بقا الدول اللي إحنا صدرنالها....!! السعودية هي اكبر مستورد من مصر حضرتك.... عرفت ليه بقا اهل الشر عايزين يضربوا مفك فالعلاقات بينا وبينهم !! طب عرفت ليه السنة اللي فاتت كانت الكلاب بتنبح وإشاعات كتير كانت بتهاجم المنتجات المصرية بس القافلة كانت بتسير عادي !!! طب مين تاني دولة يا عبده !!! الإمارات هي تاني اكبر دولة بتستور المنتجات الصناعية الغذائية المصرية والمغرب.... اه اسكت مش المغرب هي كمان بتستورد مننا مواد غذائية والسودان وليبيا والدول الإفريقية الغير العربية بتستورد من مصر بنص مليار دولار وأمريكا لاء ثانية واحدة يا عبده .... طب وأوروبا ؟؟ اه منا نسيت اقولك ان هولندا ارتفعت نسبة الصادرات الغذائية المصرية المصنعة ليها بنسبة ٣٠٠٪ زيادة السنة اللي فاتت الحكومة المصرية تسكت على كدا .... أبدا الحكومة اصدرت بيان وقالت فيه رغم ان الستة ونص مليار دولار تصدير مواد غذائية مصنعة هو الأعلى في تاريخ مصر بس إحنا بنستهدف الوصول ل ١٤٦ مليار دولار تصدير مواد غذائية مصنعة سنة ٢٠٣٠ اللي بيحصل في تصنيع المواد الغذائية وتصديرها ملحمة مصرية خالصة عنونها لما السيسي قال سنة ٢٠١٦ انا بحلم ان التصدير المصري يوصل ل ١٠٠ مليار دولار ،???? كمان فكوكب تحيا مصر.... في دولة ف اوروبا إسمها بولندا.... بولندا دي بقا بتجهز نفسها لتوقيع إتفاقية مع مصر من نوع مختلف.... البولنديين عايزين من مصر خضروات وفواكه وهيفتحوا السوق البولندي لكل المنتجات الزراعية المصرية بس مش عايزين يدفعوا بالدولار.... اومال يا نني عين عبده من جوه هتحاسبونا إزاي ؟؟ قالك هناخد منكم كل المنتجات الزراعية من فواكه وخضراوات اللي بيحتاجها السوق البولندي من مصر وهنديكم قصادها قمح طب يا عم تشكروا ألف شكااارة الحكومة المصرية وافقت طبعا وجاري التجهيز لتوقيع إتفاقيات التبادل ،???? كمان فكوكب تحيا مصر.... أيوا سامعك يا اللي هناك.... ايوا انت ياللي بتقول وهي مصر مبتصنعش حاجة غير المنتجات الغذائية يا عبده ؟؟ احب اقولك ان مصر ..... ممممم لا معلش اقصد الجيش المصري ووزارة الإنتاج الحربي بتصنع ٢٠٠ سلاح مختلف تصنيع عسكري مصري خالص هتقولي معقول يا عبده .... ٢٠٠ سلاح مصر بتصنعهم ؟؟ هقولك ٢٠٠ سلاح من طيارات حربية لمدافع لدبابات لرادارات ل احم احم.... صواريخ بالستية عابرة للقارات لأقمار صناعية عسكرية بقولك ٢٠٠ سلاح مصر بتصنعهم تصنيع مصري خالص فالمصانع الحربية اومال هما مرعوبين من الجيش المصري ليه حضرتك وانت ليل نهار مصدعنا بالتصنيع العسكري التركي ايوا احنا بنصنع سلاحنا بس مبنتكلمش كتير وكل الأعداء قبل الاصدقاء عارفين كدا هتقولي انت أكيد بتهبد يا عبده ....!! هقولك بص الصوره وبلاش النظارة السوده اللي خانقنا بيها وحياة والدك هتلاقيني في مقال تاني جايبلك قوائم بكل السلاح اللي مصر بتصنعة علشان تفتخر بمصر العظمى السيسي قال .... مصر كبيرة اوووي وعيب لما شعب مصر يقلق شوفوا وإفتخروا بمصر وجيش مصر العظيم كفاية كدا ..... وتقعدوا بالعافية ???????? يديمك ???????? بيعيرونا بفقرنا...... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ???????? عبدالباسط صابر