إغتيال الرئيس تهديد علني مباشر
????????إغتيــــــال الرئيــــــــس
????ياريت نركز كويس في الكلام ده يا جماعة لأن الموضوع خطير و شكلنا كده وصلنا إلى ليفل الوحش في ادارة الصراع بالمنطقة
????امبارح الرئيس السيسي قال في كلامه عن رفضه لمخطط التهجير : "مهم جدا ان الناس تعرف انه هنا فيه في منطقتنا أمة لها موقف في هذا الأمر ، وسواء كنت انا موجود في مكاني أو مشيت منه ، فيه أمة لها موقف رافض لهذا الأمر "
????في البداية أنا اعتقدت كما أعتقد غيري ان الرئيس بيرمي الكرة في ملعب الشعب وانه بيقول للرئيس الأمريكي انه مش انا يس اللي رافض الموضوع ده ولكن ده الشعب المصري كله هو كمان رافض كلامك ، يعني المشكلة مش شخصي أنا ولكن مشكلتك مع الشعب المصري كله (وده صحيح طبعا)
.
????ولكن لما لقيت جريدة اسرائيلية هي جريدة «جيروزاليم بوست» كاتبة مقال قبل حديث الرئيس السيسي بساعات قليلة عن نفس موضوع التهجير وبدون أي سبب مفهوم نلاقيها حاطة صورة بتجمع الرئيس السيسي مع الرئيس الإيراني الراحل «ابراهيم رئيسي» اللي تم «إغتيــــــاله» بأيادي اسرائيلية هو ووزير خارجيته بتفجير طائرته الرئاسية من كام شهر رغم ان الموضوع اللي بيتناوله المقال مافيهوش أي كلمة عن «إيـــــران» ولا ليه أي علاقة بيها من قريب أو بعيد ، هنا فقط بدأت أفهم سر العبارة اللي قالها الرئيس «سواء كنت أنا موجود أو مش موجود» وأربط الكلام ببعضه واجمع قطع البازل لتتضح الصورة
.
????اسرائيل باعته رسالة تهديد بالشفرة للرئيس السيسي بتقوله من خلالها : " ما تفتكرش انك بعيد عن إيدينا ، وأعرف كويس أنك لو فضلت معاند معانا وواقف في سكتنا فاحنا ممكن نغتالك ونصفيك زي ما اغتالنا الرئيس الإيراني ، والرسالة المشفرة دي اتبعتت عن طريق وضع هذه الصورة اللي مالهاش أي موقع من الإعراب في المقال سوى انها رسالة مشفرة مبعوتة بطريقة «حرب الصورة» لمن يهمه الأمر ، وطبعا من يهمه الأمر هنا هو الرئيس السيسي ولا أحد غيره على سطح الكوكب ، وطبعا الرئيس السيسي المخابراتي وصلته الرسالة وفهمهما تماما ، وكلامه ده كان هو الرد القوي والشجاع عليها ، يعني الرئيس هنا مكانش فقط بيرد على «ترامب» ويرفض كلامه ، ولكنه أيضا كان بيرد على تهديد «اسرائيل» وبيقولها انا مش خايف منكم ولا من تهديدكم ، وحتى لو نجحتوا في اغتيالي فالشعب المصري كله رافض لكلامكم وأبقوا وروني بقا هتقدروا تعملوا إيه مع 110 مليون بني آدم
.
????مهم جدا اننا نعرف أن جريدة «جيروزاليم بوست» هي جريدة استخباراتية في المقام الأول ، يعني هي لسان حال «الموساد» الاسرائيلي ، ونخلي بالنا كمان أنها جريدة بتصدر باللغة الانجليزية مش بالعبرية ، بما يعني أنها بتكون موجهة بالأساس للخارج مش للمواطن الاسرائيلي في الداخل ، وانها منبر وواجهة غير رسمية لأجهزة الاستخبارات الاسرائيلية بيتم من خلالها إرسال الرسائل المراد إيصالها للجهات الخارجية
.
????الكلام ده بيتسق مع ذكره الكاتب الصحفي الأمريكي «بوب وودز» في كتابه «الحرب- The War» عن لقاء وزير الخارجية الأمريكي «أنتوني بلينكن» مع النتن ياهو في بداية الحرب واجتماعه به لما النتن قاله ان الهدف الأساسي من الحرب هو «تهجير» أهل غزة طوعيا او قسريا من القطاع وتفريغه من سكانه لحل هذه المشكلة من جذورها ، ولما «بلينكن» قاله أن الرئيس المصري«السيسي» يرفض هذا الكلام رفضا تاما قاطعه «نتنياهو» بالقول ، واحنا مش هنسمح ان شخص واحد في الشرق الأوسط يكون هو العقبة في طريق تحقيق مخططنا حتى لو كان هذا الشخص هو السيسي
????عشان كده خرج الرئيس السيسي امبارح وقال كلامه ده بشكل واضح وصريح وعلني أمام الجميع وبمنتهى القوة والثبات الانفعالي ، ووجه لإسرائيل ومن خلفها صفعة مدوية برفضه الصريح والمباشر لكل ما يريدون فعله بالمنطقة ، مهما كانت التحديات والمخاطر ، حتى لو وصل الأمر للتلويح والتهديد بإغتياله هو شخصيا
.
????عموما اطمنوا ، الرئيس السيسي مش في خطر ، الرئيس السيسي هو الخطر ذات نفسه
خطر على حكام العالم السريين ، خطر على أهل الشر ، خطر على تجار الدين خطر على أمراء الحروب وأباطرة الدم، خطر على الماسووون ، يعني هو الوحيد اللي اتفق على كرهه كل أهل الشر سواء اليهود أو الاخوان ، والاتنين دول هما أكبر المستفيدين من اختفاءه وعدم وجوده ، وأوعوا تكونوا فاكرين كل اللي عمله ده مرضي عنه والناس دول موافقين وكده يعني ، دول بيتمنوا اختفاءه وازاحته تماما من المشهد وبيعملوا بكل قوة على تنفيذ مخططاتهم الخبيثة دي
.
????لكن الله ناصره باذن الله لأن ده واحد بيحقق ارادة ربنا في الأرض ، ده روح محاربة نازلة الأرض علشان تقيم العدل وتنشر النور وتهدم الظلام ، مش جاي يقضيها ولا يلم فلوس وخلاص ، كمان هو مش لوحده ولا بطوله ، وكفاية عليكوا كده في الحتة دي علشان ما نقعش في المحظور
.
♦️واقف في وش الرياح ، ما وقفشي تجديفك ..
♦️لا الروح تعبت ولا .. كلَّت مجاديفك
♦️حالف تخلي الزمن.. يمشي علي كيفك
♦️انت اللي لا اتهزيت في يوم ولا خوَّفك خوفك
♦️ياللي المناهدة بقت طبعك شتاك صيفك
.
#لا_للتهجير
#التهجير_خط_احمر
⇧
