الدور على تركيا الان بعد إيران

**الدور على تركيا الان** برنارد هنري ليفي: الدور على تركيا بعد ايران، وانقرة تقود حملة التسخين ضد مصر عقب سقوط النظام السوري برنارد هنري ليفي المفكر الفرنسي الصهيوني عراب الربيع العربي .. الصحفي الفرنسي المشبوه اللى كان ع الجبهة مع الإسلاميين وهما بيسقطوا ليبيا سنة 2011 ومع الاكراد سنة 2016 وهما بيطالبوا بدولة مستقلة، كتب مقال بجريدة صن الامريكية، بيقول ان الدور على تركيا والمشروع التركي بعد ما تم القضاء على ايران والمشروع الإيراني. ليفي بيقتبس من التوراة مصطلح الملوك الخمسة ويقول انه أعداء الغرب وبالتالي إسرائيل النهاردة هم الملوك الخمسة .. إيران، وروسيا، والصين الشيوعية، والدول الإسلامية السُنّية، وتركيا .. ليفي بيقول احنا فعلا ف الحرب العالمية التالتة والخمس دول هما اللى اشعلوها .. وان إسرائيل فككت خلاص الهلال الشيعي. بيقول ان نفوذ تركيا في البلقان خطر على أوروبا، ولازم الغرب يصفى نفوذ تركيا ف البوسنة وأذربيجان لان انقرة عندها مطامع تاريخية في أرمينيا خاصة الجنوب الأرميني.. ليفي بيكشف ان الرئيس التركي رجب طيب اردوغان بيدعم تمرد عرقية الاذريين في ايران للاستقلال والعرقية دي بتشكل 11 % من سكان ايران خد بالك ف شمال ايران فيه محافظة أذربيجان الشرقية ومحافظة أذربيجان الغربية هما معقل عرقية الاذريين في ايران، وشمال ايران فيه الدولة اللى اسمها جمهورية أذربيجان اللى دلوقتي بقت حليف رئيسي ل تركيا وبترعي التمرد دا .. وإسرائيل مش غايبة عن التمرد ولا أمريكا وبريطانيا وعلاقة كل دول ب أذربيجان ممتازة .. ف برنارد ليفي مش قلبه ع ايران ولا أذربيجان ولكن عايز تركيا تبعد عن مؤامرات الغرب عشان إسرائيل لوحدها تاخد المكاسب بدون ما يبقا ل تركيا حصة من المكاسب دي ع حساب إسرائيل بيقول ايه كمان ؟ بيقول ان النظام السوري الجديد برئاسة أبو محمد الجولاني حليف ل تركيا ودا غلط على الامن القومي الإسرائيلي.. وان استبدال الإسلام السياسي السني بالإسلام السياسي الشيعي عبث .. قصده طرد ايران من سوريا ب تنظيم القاعدة بل ليفي استخدم مصطلح جماعة الاخوان المسلمين لما أتكلم عن هيئة تحرير الشام ودا لانه القاعدة وداعش والنصرة وطالبان وخراسان ما هم الا الاجندة العسكرية لتنظيم الاخوان والبغدادي والجولاني والزرقاوي والظواهري وبن لادن كل دول مسجل انتسابهم ل تنظيم الاخوان وتحديدا التنظيم الدولي للاخوان.. ليفي بيقول معقول الغرب هيبيع الاكراد اللى حاربوا مع الغرب ضد داعش ف شرق سوريا وغرب العراق ودلوقتي أمريكا هتسلمهم ل تركيا ؟ .. بالمناسبة ليفي انتج واخرج فيلم وثائقي عن مقاومة الاكراد ل داعش والفيلم اتعرض ف مهرجان كان السينمائي. قال ف مقاله بالنص: هذا هو الشغل الشاغل لهذا الشعب العظيم عديم الجنسية، الأكراد، الشجعان ولكن الضعفاء: من القامشلي إلى أربيل، ألا يتشاركون مع اليهود والأرمن وبعض الآخرين المعرفة الحميمة بما يعنيه الإبادة الجماعية ومتى تقترب؟ ورسم خطة ضرب تركيا بانه المرحلة الاولي تتضمن ما يلي .. كتب يقول الواقع أن الاقتصاد التركي هش ولن يصمد في وجه العقوبات. ولا يزال للولايات المتحدة بضع مئات من الجنود على الأرض، على الرغم من انسحابها في عام 2019. كما تتمتع الولايات المتحدة، إلى جانب أوروبا، بنفوذ كبير: الوجود التركي في حلف شمال الأطلسي. ليفي بيقول انه لازم يتم طرد تركيا من حلف الناتو .. وانهاء اى مفاوضات ل دخولها الاتحاد الأوروبي .. وشن عقوبات اقتصادية عليها، وتوظيف قواعد الناتو ف تركيا لعمل مشاكل داخل تركيا لحد ما الحلف يقرر يطرد تركيا.. ليفي لما شير المقال دا ع الاكونت بتاعه ع تويتر أضاف ملحوظة مهمة .. انه كل التحريض اللى شغال ضد مصر عبر سوشيال ميديا من ساعة استيلاء الجولاني ع الحكم ف سوريا هو تحريض قادم من تركيا وباشراف المخابرات التركية، شغل الصفحات واللجان الالكترونية وتجميل النموذج السوري ف عيون المصريين والنشطاء اللى بيقوا يعبدوا الجولاني وبيلحسوا دقنه كل دا صناعة تركية.. ليفي مجرد أداة .. الصريخ دا معناه ان الغرب مكمل ف خطته لاستهداف تركيا وتقسيمها الى أرمينيا الكبرى واليونان الكبرى الى جانب عدد من الجمهوريات في الاناضول.. طباخ السم بيدقوه وزي ما ايران شاركت ف اللعبة بنشوف النهاردة اللعبة عليها وزي ما سوريا شاركت ف اللعبة بنشوف النهاردة اللعبة عليها وكان ف يوم من الأيام سوريا تمارس الوصاية ع لبنان ومين يحكم ومين يقعد ف بيته تدور الأيام ونشوف سوريا تحت الوصاية التركية وهتدور الأيام وهنشوف تركيا تحت وصاية الأرمن والجريك الا لو ظهر عقلاء ف الدولة التركية يصلحوا المسار دا