بريكس يهدد امريكا

✍️ بريكس يهدد امريكا ترامب بيهدد دول بريكس! خليني بس اقول في الاول بس اني بفرح بالأخبار دي لان فيها ختم الجودة ، الايزو للكلام اللي بقوله هنا ، وده شيء بيسعدني بصراحة ☺️ كتير كنت بركز كتير على تأثير بريكس على صانع القرار الأمر-يكي ، وفي كل ملف كنا بنحلله هنا كنت بركز كتير على بريكس وتأثير بريكس ، وحتى توقعاتنا هنا لترامب قلت لكم فيها لا تتوقعوا انه يقل من امر-يكا من اجل السلام ، مش هيحصل ، هي كل ميزته انه بتاع تفاوض فقط مش بيلجأ للحلول الخشنة! ووقتها الاشقاء الأمر-يكان في مصر والمنطقة قعدوا يقولوا يعني هتعمل ايه بريكس ، ايه لازمة بريكس ، هنكسب ايه من بريكس ، فالنهاردة نقولهم صباح الخير على فخادكم خبير خبير ، اتفضلوا قولولنا ليه ترامب بيهدد تجمع بريكس اللي مالوش لازمة! البريكس وعملته المحتملة بيهددوا عرش الدولار وبينسفوا النظام الدولي كله وبيبنوه من جديد وعلى نضافة ،بيحرم الولايات المتحدة من القدرة على استخدام الدولار كسلاح اقتصادي بيسموه النووي الاقتصادي ، هو مش محتاج يحاربك ولا يبعت لك أساطيل ، كفاية اوي انه يسحب الدولارات وانت هتكلم نفسك وتغني ظلموه من غير مجهود يذكر! فاللي عملته بريكس انها بتبني نظام مالي ومصرفي كامل من أول وجديد ، وكذا مرة تعرض امريكا على رو-سيا تاخد اللي هي عايزاه من أوكرانيا بس تخلع من قصة العالم الجديد دي ، وجزء كبير من ازمات العالم النهاردة سببها بريكس ، المنطقة العربية اللي جريت على القطب الشرقي بتواجه شبه إبا،دة بسبب بريكس ، وكل التركيز على تعطيل مصادرها الاقتصادية بسبب بريكس ، بريكس النهاردة هو عفريت الأمر-يكان اللي عايزين يقتلوه باي ثمن قبل ما يكبر هو ويقتلهم! ولما انتهت قمة بريكس الأخيرة في رو-سيا بدون اصدار عملة موحدة للمجموعة قلت لكم ده أفضل لان تاني يوم من اصدار العملة دي هتقوم حرب كونية مش عالمية وبس! تهديدات ترامب منطقية وتتماشى مع الاحداث ، و٩٠٪؜ من المفاوضات السرية فلوس ومصالح اقتصادية فقط ،،واللي هيقف ويستحمل ويدعم بلده في المرحلة دي هو الكسبان ، اما اللي مش هيستحمل ده فمش هيعرف يقف على حيله تاني ١٠٠ سنة قدام ، حرب وجود قاسية جداً ، بس احنا قدها وهنعدي باذن الله تعالى ????????????