لفه حول العالم كله

???? أخبار الكوكب ???? ????أهلا بيكم مع عبده في.... ????أخبار كوكب يوم الجمعة... لو إنتوا مش متابعين الاخبار صحصحولي كدا وحضروا كوباية الشاي بالنعناع اللي بيهدي الأعصاب علشان هناخد لفة ف اخبار الكوكب.... ومطولش عليكوا وقولولي لاء طول.... ،???? روسيا... وبعد ما زلينسكي أخد الحباية كلها يوم الاربع.... قالك بس انا جامد فورتيكة وراح أطلق صواريخ اتاكمز الأمريكية طويلة المدى على أهداف عسكرية داخل الحدود الروسية قال إيه بيجربها يعني...!! الدفاع الجوي الروسي وقع منهم ١٢ صاروخ بس في اربع صواريخ تانيين عدوا وسببوا خسائر .... محدش لحد دلوقتي عارف الخسائر اللي سببتها قد إيه !!! بس طلع بوتين تاني يوم فالتلفزيون الروسي وقال.... اللي يلعب الدح..... ميقولش اح بس بالروسي طبعاا ???? وقال كمان.... النهاردة كدا بدأت الحرب العالمية فهمي نظمي رسمي ... ولازم ارد عليهم رد ميحلموش بيه في اوسخ كوابيسهم..... وراح مطلعه هتقولي طلع إيه يا عبده ...???? هقولك طلعلهم الصاروخ MIRV ياعم ???? لازم تسأل يعني !!! الصاروخ MIRV لاول مرة الكوكب يشوفه ويشوف القوة التدميرية بتاعته بس مش دي المفاجأة حضرتك برضوا ???? المفاجأة إن روسيا بلغت امريكا أنها هترد على اوكرانيا قبل الضربة بنص ساعة هتقولي الله يا عبده ....!! ولما هي روسيا بلغت امريكا بالضربة قبلها بنص ساعة اومال فين حلاوة وطعامة المفاجأة !! هقولك حلاوة وطعامة المفاجأة ان روسيا قالت لامريكا انا هرد بصواريخ MIRV ... ولو فيكم رجل ولابس لباسه ..... مممم اقصد لابس شراب يعني يعرف يوقف الصاروخ ده علشان هو صاروخ باليستي فرط صوتي يعني يا دوب اوكرانيا لسه هتقول أحيييه صا..... كان خلاص ضرب الهدف حضرتك الصواريخ الفرط صوتية بتوصل للهدف في خلال ١٢ دقيقة من لحظة إطلاقها وفعلا الصاروخ إنضرب على أكبر مصنع إنتاج صواريخ في ضواحي كييف العاصمة ودمر المصنع والمنطقة اللي فيها المصنع كلها طلع بوتين وقالهم.... الصاروخ المرة دي كان برأس حربي عادي علشان إحنا بنحذركم المرة الجاية هيكون برأس نووي هتقولي طب يا عبده يا ابوالعببيد ليه روسيا بلغت أمريكا..... تكونش تمثيلية ؟؟ هقولك حبيب قلب عبده الحرب مفيهاش تمثيليات انما روسيا مش عايزة تقلبها حرب عالمية ولحد دلوقتي بوتين بيعمل بأصله وحكمته وهو فنفس الوقت عارف ومتاكد إن لا امريكا ولا حلف النيتوا هيعرفوا يوقفوه.... مممممم يوقفوا الصاروخ يعني ???? طب يا عبده يعني مش هتحصل حرب عالمية ...!!! هقولك يا حبيب قلب عبده الحرب العالمية شغالة بس ع الديق كدا عارف لما تعمل فرح ع الديق كدا !!! اهي الحرب العالمية لحد دلوقتي ع الديق علشان بوتين لحد دلوقتي ماسك اعصابه وبيتعامل بحكمة ومحكم صوت العقل إمبارح رئيس بيلاروسيا طلع وقال.... بلاش تستفزوا بوتين علشان ميبعتش من الصواريخ دي للحوثيين فالبحر الاحمر وساعتها الحوثيين هيعملوا حفلة باربكيوا فحاملات الطائرات الامريكية وقواعد امريكا فالشرق الاوسط ... من التصريح ده ....???? تفهم على طول إن اللي بيحصل فالبحر الاحمر دلوقتي هي حرب عالمية برضوا ع الديق كدا بين روسيا والصين من ناحية وبين امريكا وانجلترا من ناحية تانية مش زي ما بيقنعوك ولاد الجاهلة إنها تمثيلية بين الحوثيين والامريكان علشان يحتلوا اليمن اه ممكن فعلا يحتلوا اليمن والمنطقة كلها فحالة بس ان روسيا والصين تتهزم طبعا ???? ودا بالتالي هيسمع فبحر الصين وتايوان وبين الكوريتين دي بقا إسمها حروب الممرات المائية وطرق التجارة الدولية واللي هيسيطر عليها هيسيطر على إقتصاد الكوكب هتقولي طب ياعبده روسيا والصين بتعمل ليه قلق فالبحر الاحمر ؟ هقولك علشان تعطل التجارة اللي رايحة لاوروبا وأمريكا....وخصوصا اوروبا والاسعار تزيد عندهم والتضخم يفشخهم..... يعني بتضعفهم إقتصاديا علشان يسلموا ويستسلموا للنظام العالمي الجديد بدون حرب عالمية او نووية طب وامريكا يا عبده ...!! هقولك أمريكا قلبها مش على اوروبا خالص ..... امريكا كل هدفها تعطيل طريق الحرير واللاآلئ المضيئة اللي هو مشروع القرن للإقتصاد الصيني بص هي عاركة كبيرة ولحد دلوقتي ماشية كأنها لعبة شطرنج بس فالآخر...... كله هينزل دب فبعضة ???? هتقولي طب مصر يا عبده ....!!! هقولك لحد دلوقتي مصر هي برنس الكوكب الصين..... بتنقل مصانعها عندنا او بمعنى اصح بتعمل مناطق صناعية ضخمة لمصانعها فمصر مش علشان سواد عيون مصر حضرتك علشان مصر هي أأمن مكان فالكوكب دا أول حاجة وتاني حاجة لو وقعت عليها عقوبات تبقا مصانعها فمصر شغالة ف آمان طب لو إنتصرت....؟ يبقا إشطة مصانعها فمصر هتنتج برضوا وهتكون أقرب لاوروبا وإفريقيا نفس القصة بالنسبة لروسيا ١٧٠ مصنع وشركة روسية شغالين من نار فالمنطقة الصناعية الروسية علشان يكونوا بعيد عن العقوبات ١٧٠ مصنع منهم صناعات عسكرية دبابات ومدافع وجرارات وسيارات وصناعات روسية كتير كفاية إني أقولك ان شركة روساتوم النووية الروسية اللي هي الشركة الام لصناعة الطاقة النووية فروسيا نقلت المقر الرئيسي ليها فمصر علشان تبعد عن العقوبات ???? هتقولي لا يا عبده مش معقول ..... طب وامريكا واوروبا عدو الموضوع كدا عادي !!! هقولك مش بمزاجهم.... وغصب عنهم ورجليهم فوق رقبتهم علشان هفاجأك واقولك ان كل مفاعلات امريكا النووية و اوروبا شغالة بالوقود النووي الروسي بس هما فارضين عقوبات على روسيا فالحل ...!! ان الشركة دي تطلع برة روسيا علشان يقدروا يتعاملوا معاها هتسأل نفسك.... فين أأمن مكان واكتر مكان بوتين بيثق فيه ؟؟؟ مصر...... يابني كل مفاتيح الكوكب فمصر أومال دول ودول ودوكهام عاملين ألف حساب لمصر ليه بفقاقة عقلك يعني ،♦️ وع الناحية التانية من الكوكب... ،???? كوريا الشمالية... المعلم كيم رئيس كوريا الشمالية... ‏قاعد لوحدك . . . . . كده سرحان شيطان يوزك . . . . . لسكة شمال يفضل يقولك . . . . . إضرب يالا ،♦️ وع الناحية التانية من الكوكب... ،???? أفغانستان.... كوكب المجانين...???? وزير التربية والتعليم الافغاني طلع قرار امبارح بحذف كل الصور من المناهج..... علشان حرام ايوا ياعم اومال الطلبة والتلاميذ هيتعلموا ازاي ؟؟ قالك التصوير اصلا حرام !! يابني طب والطلبة والعلم !!! قالك لاء محنا مش هنخش النار علشان التلاميذ الله يخربيتكم ويخربيت اللي فهمكم الاسلام غلط يابني والنعمة لو كان في كاميرا وتصوير وتقدم زي النهاردة كان الرسول نفسه إستخدمه يعني لو الرسول كان عنده عربية فرحلة الهجرة من مكة للمدينة كان هيسيبها ويركب الجمل مثلا ؟؟ أكيد لاء طبعاااا ،♦️ وع الناحية التانية من الكوكب... ،???? لبنان... ف لبنان عمالين نسمع مقترحات وحلول وليلة كبيرة سعادتك... آخرهم المتخرتأين إقترحوا إقتراح بصراحة عبيط زيهم.... قالك ايه بقا.... حز????ب الله ليه شرطين لو هينسحب شمال الليطاني.... اول حاجة.... حرية الحركة وسيادة لبنان كلها ???? مش كدا وبس والاحتفاظ بسلاحة طبعا المتخرتأين قالوله طب ايه المقابل.... قالك وقف إطلاق النار و انه يسلم الحنوب كله لإسـ????رائيل عمركم شوفتوا وساخة كدا ؟؟ إسـ????رائيل قالت إشطة بشرط !!! إن يكون في شرط فالإتفاقية يسمح لإســ????رائيل بمهاجمته ف اي وقت آه والله..... هطل ما بعده هطل يعني الدولة اللبنانية رفضت الكلام ده تماما وقالت وقف إطلاق النار هيبقا على الكل وجنوب لبنان يتسلم للجيش اللبناني حسب قرار الامم المتحدة قالك بس الجيش اللبناني مينفعش وغير مستعد للمهمة دي.... هو في جيش لبناني اصلا !! ردت الدولة اللبنانية وقالت طب محنا هنجيب الجيش المصري يعيد بناء الجيش اللبناني ???? ،♦️ وع الناحية التانية من الكوكب... ،???? المتخرتأين... المحكمة الجنائية الدولية أصدرت قرار بالقبض على النتن ووزير دفاعة.... و١٤٢ دولة صدقوا ع الحكم هتقولي طب وأمريكا ؟؟ هقولك أمريكا مش موقعة ولا هي عضو فالمحكمة الجنائية الدولية هتقولي بس دا رئيس وزاراء.... يعني اكيد عنده حصانة دولية يا عبده !!! هقولك لحد من سنتين كان يمشي الكلام ده علشان كدا عمر البشير رئيس السودان السابق كان ساعتها عليه حكم وراح حضر القمة الافريقية في جنوب إفريقيا عادي ولما محكمة العدل الدولية طالبت جنوب إفريقيا تسليمة جنوب إفريقيا قالت دا رئيس وعنده حصانة دولية...!!! لحد هنا الكلام حلو....!!! لا مش حلو... علشان سنة ٢٠٢٢ محكمة العدل الدولية عدلت قوانينها وقالت مفيش حصانة بعد كدا لا لرئيس ولا لوزير علشان خاطر مين بقا...؟؟ علشان خاطر بوتين هو كمان مطلوب دوليا كمجرم حرب وعلشان كدا بوتين مقدرش يحضر قمة البريكس فجنوب إفريقيا ساعتها وحضرها بالفيديو كونفرنس هوبا دبل كيك يا معلم مصر والدول العربية وجنوب إفريقيا قالت اللي يسري على بوتين يسري على النتن ووزير دفاعة هنا بقا محمة العدل الدولية والدول الاوروبية لبسو التعديل اللي عملوه سنة ٢٠٢٢ ومش عارفين يفلفصوا منه كدا لو النتن خرج من إسـ????رائيل هيتقبض عليه آخره انه يروح امريكا علشان هي مش عضو فالمحكمة بالمناسبة يعني ولا حتى روسيا عضو فيها هتقولي بس يا عبده ممكن النتن يعمل تظلم ونقد وكدا للحكم هقولك مش هيعرف علشان إسـ????رائيل مش عضو فالمحكمة هما وقعوا على الطلب فعلا بس متقدمش للكنيست ولا إتوافق عليه علشان كدا هي مش عضوا ولا حتى تعرف تعمل نقض للحكم ???? اللي لعب موضوع المحكمة الجنائية الدولية ده لعيب كبير أوووي وكان واقف فضهر جنوب افريقيا وهو اللي بيوجهه ???? ولبس اوروبا كلها فحكم مش عارفين يخلعوا منه يا جدعان إحنا عندنا مدرسة ديبلوماسية مصرية والخارجية المصرية بتدرس فكل جامعات العالم ومعلمة ع الكوكب كله ،♦️ وع الناحية التانية من الكوكب.... ???? كوكب تحيا مصر ???? ،???? وفكوكب تحيا مصر... مصر والصين وروسيا والإمارات يوم الأربع اللي فات وقعوا على إنشاء أكبر مصنعين فالعالم لإنتاج الخلايا الشمسية لإنتاج الكهربا علشان الطاقة المستدامة وتخزين الطاقة.... أيوا حضرتك هنخزن طاقة.... ودي حاجة جديدة ع الكوكب كله ???? بس مش دي المفاجأة بالنسبالي علشان احنا اصلا بننتج الألواح دي انما كانت المفاجأة فمصنع إنتاج البطاريات نفسها اللي بتخزن الطاقة دي علشان دي كانت من التكنولوجيا المحرمة على مصر فتخيل كدا حضرتك مصر دخلت مجال تصنيع بطاريات الطاقة الشمسية اللي هي من أعقد التكنولوجيا الموجودة فالكوكب طب اقولكم على سر ....???? بحيرة ناصر.... هيتم توليد طاقة شمسية منها وهتكون اكبر مشروع لإنتاج الطاقة من الخلايا الشمسية فالعالم يابني اومال هما ليه المتخرتأين مصممين وهايجين يدخلوك الحرب !!! مهو علشان إنت بتتقدم وبتطور بشكل مرعب بالنسبالهم وبتاخد تكنولوجيا وتصنيع كان متحرم عليك ٣٠ سنة بس مع السيسي ...... مش هتقدر تغمض عنيك ???? ،???? كمان فكوكب تحيا مصر.... تحالف كبير من شركات صينية فمصر الأسبوع ده يا ترى ليه....!! هتطلعلي واحدة إسكندرانية من الحمام وهي ملفوفة بالبشكير و بتغني يا خارجة من باب الحمام وكل خد عليه خوخة..... خوخة ...خوخة وهتقولي والتحالف ده بيعمل إيه فمصر يا عمه ???? هقولك شوفي.... رغم إن القانون بيقول ان دخول الحمام مش زي خروجة بس كل القوانين بتقف عند الإسكندرانية الصراحة وملهومش حل ولا بيقدر عليهم غير ربنا.... بس هقولك ع اللي فيها فيكي من يكتم السر....!!! التحالف الصيني وقع إمبارح برضوا على إتفاقية لإنشاء مجمع صناعي زراعي ضخم جدا في محافظة الوادي الجديد !!! هتقوليلي ايوا يعني ضخم قد إيه ؟؟؟ هقولك فوق مما يستوعبه عقلك ???? هيعملوا مجمع زراعي متكامل على مساحة مليون فدان هيستصلحوه فالوادي الجديد وهيكون بأحدث التكنولوجيا الزراعية فالعالم وهيتم الزراعة و التصنيع والانتاج وهيتصدر لاوروبا ودا بقا بفضل مين ....!!! بفضل ربنا قبل كل شئ طبعا وبفضل شبكة الطرق والكباري العظيمة اللي إتعملت !!! هتقوليلي الله وكل ده لأوروبا. !!! هقولك مهو حضرتك لو أوروبا إتدرمغت من الصبح بالنووي مش هيلاقوا اكل وهتبقي انتي المصدر الوحيد ليهم وللكوكب كله حضرتك وربنا يستر الخلاصة بقا.... كل الدول العظمى فالكوكب وحتى الدول الخليجية ... كله بيجري ويلحق يكسب ود مصر ويستثمر في مصر علشان هي دلوقتي الملاذ الآمن للإستثمار فالكوكب كله اولا طب وثانيا يا عبده ...!! وثانيا علشان لو قامت الحرب يلاقوا مكان آمن يلجأوا ليه إفهمها زي ما تفهمها بقا..... بس هي دي الحقيقة المطلقة حضرتك مصر هي أأمن مكان ف الكوكب دلوقتي علشان محدش فالكوكب لحد دلوقتي عارف الدنيا رايحة فين كمان أسبوع !!! كفاية كدا ...... وتقعدوا بالعافية ???????? يديمك ???????? بيعيرونا بفقرنا ...... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر تحيا مصر تحيا مصر مع/ عبده