اخبار الكوكب مع عبده

???? أخبار الكوكب ???? أهلا بيكم مع عبده .... يوم الجمعة ولو إنت واقف فالبلكونة ومش متابع اللي بيحصل فالكوكب....!! بسرعة حضر كوباية الشاي بالنعناع اللي بيهدي الاعصاب علشان هناخد لفة ف أخبار الكوكب.... ومطولش عليكم .... وقولولي لاء طول ،♦️ أمريكا..... مذبـ????حة البنتاجون....!!! ف أمريكا ترامب هيعمل قلبان فاخر من الآخر.... أول حاجة قالك انا لازم انضف وزارة الدفاع الأمريكية من شوية المجانين اللي فيها وإختار مين بقا يبقا وزير دفاع يقوم بالمهمة دي يا عبده !!! إختار بيت هيغيسيث بالمناسبة يعني بيت هيغيسيث ده كان ظابط فالجيش الامريكي وبقا مذيع فقناة فوكس الأمريكية بيت هيغيسيث بقا قال لترامب بص يا معلم اول حاجة وبسم الله الرحمن الرحيم كدا إحنا لازم نعزل كل الجنرالات اللي فالبنتاجون اللي كانوا مسؤلين عن المهزلة اللي حصلت فإنسحاب القوات الأمريكية من أفغانستان علشان الجيش الامريكي إتهان فيها ترامب قاله إشطة يا برنس.... وإيه كمان ؟ قاله ونعزل كمان الجنرال مارك ميلي هتقولي مين مارك ميلي يا عبده هقولك دا رئيس هيئة الأركان المشتركة فالجيش الامريكي مش هيتعزل هو وبس لا دا هيتعزل هو وكل ظابط ميلي عينه او رقاه فالجيش يا سنة سوخة يا ولاد.... وإيه كمان يا عبده !! قالك بقا وزير الدفاع الجديد محضر لستة طويلة بعزل جنرالات كتير ومحاكمتهم منهم رؤساء جيوش وبحرية ومشاة وحرس وطني وقوات فضاء قولت لنفسي يا عبده يا ابوالعببيد .... مهو انا الصراحة بحب ادلع نفسي وبحب اللي يدلعني طبعا قولت عايز أشوف مين بيت هيغيسيث ده اللي عامل فيها قلب الاسد وهيعزل نص قادة الجيش الامريكي !!! ف شوفت ليه لقاء على قناة فوكس نيوز الامريكية وهو بيقول.... لو الصين دخلت فحرب مع امريكا الصين هتخلص الحرب فنص ساعة المذيع سأله إزاي يا جدع...!! قاله الصين بتطور صواريخ فرط صوتية لا يمكن رصدها وأمريكا محاوطة الصين ب٦ حاملات طائرات صح المذيع قاله صح...!! رد عليه بيت وقاله لو قامت الحرب الصين هتطلق ست صواريخ بس على الحاملات دي الصواريخ هتوصلها في خلال من ١٥ ل ٢٠ دقيقة وهتدمرها.... حتى شوف اللي حصل لحاملات الطائرات الامريكية ابراهان لينكولن وانت هتصدق كلامي كدا الحرب خلصت خلاص وكدا تبقا الصين إنتصرت خلاص معنى كدا إن كل اللي بيعمله البنتاجون فاشل فشل ذريع ف المذيع قاله طب إيه الحل قاله لابد أن يمتلك الجيش الامريكي قوة ردع...... وسكت على كدا ،???? كمان ف أمريكا.... الرجل الخفي اللي هيحكم العالم.... إيلون ماسك إجتمع إمبارح مع سفير إيـ????ران لدى الأمم المتحدة إجتماع سري للغاية ولا حد عارف قالوا إيه ولا حد عارف إتفقوا على إيه !! إيلون ماسك ده شخص مريب جدا وليه أفكار شيطانية ومستحيل يكون ماشي بدماغه وإكيد في قوى خفية هي اللي بتحركة وبتدعمه أنا عايز أقولك عزيزي القارئ لو إيلون ماسك عايز يوقف الحرب الروسية الأوكرانية ف ثانية هيوقفها هتقولي إزاي يا عبده ...!!! هقولك فلحظة يفصل كل الأقمار الصناعية بتاعتة ستار لينك ف اللحظة دي هتنقطع كل الإتصالات والإنترنت عن اوكرانيا والجيش الاوكراني هيفقد الإتصال والتواصل بين وحداته كمان كل الطيارات المسيرة بتستخدم الاقمار الصناعية بتاعته.... يعني بخ الموضوع مرعب بجد انا بس عايز أقولك إن إيلون ماسك لوحده بيمتلك ١٣ ألف قمر صناعي فالفضاء ،???? كمان ف امريكا.... ترامب إختار ف إدارته الجديدة لأمريكا سفير لإسـر????ئيل...!! هتقولي وإيه يعني يا عبده !!! هقولك لاء مهو إختار مايك هاكابي....!! إسـ????رائيلي أكتر من الإسـ????رائيليين نفسهم هاكابي ده طلع النهاردة وقال... مفيش اصلا حاجة إسمها إحتلال...!!! اومال إيه اللي بيحصل ف فلسـ????طين يا عم الحج قالك هو اصلا مفيش حاجة إسمها فلسـ????طين علشان يبقا في حاجة إسمها إحتلال طب والضفة يا عم ماكابي !!! قالك الضفة الغربية اصلا إسـ????رائيلية من أيام سيدنا نوح مين اللي قال إنها فلسـ????ينية منا بقولكم مفيش حاجة إسمها فلسـ????طين أصلا.... هيبقا في إحتلال إزاي !! آه والله قال كدا النهاردة انا مش بقلش عليه ،♦️ وع الناحية التانية من الكوكب.... ،???? المتخرتأين.... بيتخرتأوا فجنوب لبنان...!! ولحد دلوقتي معمول معاهم الجلاشة وكل يوم بيتفرم منهم ييجي عشر ظباط من قوات جولاني اللي هما يعني صفوة الصفوة عندهم لدرجة إنهم بيدوروا على اي حجة لوقف إطلاق النار بس مش عارفين يجيبوها إزاي قدام المجتمع الدولي وقدام الشعب بتاعهم أصلهم مكنوش متخيلين إن بعد اللي عملوه فقادة حـ????زب الله إنه هيقدر يقف على رجله ويتماسك ويقف قصادهم ويوقع فيهم خسائر فادحة هتقولي بس هييجي اليوم اللي سلاح الحزب هيخلص فيه وإسـ????رائيل بتراهن على كدا هقولك لا ياحبيبي مش هيحصل علشان روسيا نزلت الملعب وفتحت قنوات ودعم عن طريق سوريا علشان كدا كان في وفد إسـ????رائيلي الاسبوع ده فروسيا بس تقريبا كدا رجعوا قفاهم يأمر عيش يابني المعركة ف الشرق الاوسط هي معركة وجود وتسخين لما هو قادم... خدبالك وهقولك كلمة تحطها حلقة فودنك... إسـ????رائيل او أمريكا .... مبتعرفش تحارب جيوش نظامية هما واخدين على فكرة اضرب وإخطف وإجري وانا إنتصرت يا رجالة انا عايز اقولك معلومة يمكن كتير محدش يعرفها.... ان مصر كبدت إسـ????رائيل فحرب الإستنزاف خسائر اكتر من خسائرها فحرب أكتوبر مرتين تلاتة إنما فحرب اكتوبر إنت كنت أه بتكبدهم خسائر بس كنت بتحرر الارض منهم علشان كدا هما ضد فكرة ان يبقا في دولة وعندها جيش ،♦️ وع الناحية التانية من الكوكب.... ،???? السعودية.... السعودية نانانانا.....!!! بس كدا ؟؟ اه بس كدا ???????? ،♦️ وع الناحية التانية من الكوكب.... ،???? ألمانيا.... صحيفة دي فيلت الالمانية DW عاملة تقرير.... لا حضرتك مش على الأقتصاد الالماني اللي بيفلس ولا عن الشركات والمصانع الالمانية اللي بتقفل وبيسرحوا عمالها الله اومال عاملة تقرير عن إيه يا عبده !!! عن المصريين اللي بيحاربوا مع الجيش الروسي ف اوكرانيا إيه....???? في مصريين بيحاربوا مع الجيش الروسي ف اوكرانيا يا عبده !!! لا ثانية واحدة بس.... مش مصريين من الجيش المصري حضرتك لا دول الشباب المصري اللي هاجر هجرة غير شرعية لاوروبا ومش لاقيين شغل هناك اللي قالك انا بكره مصر واللهم هجرة..... ونط فالبحر طب يا حبيبي سافر ربنا يوفقك الصحيفة بتقول إن روسيا بتلم كل الشباب دول اللي في اوروبا من مصر والمغرب وتونس والجزائر وسوريا وبتديهم مرتبات ٧ آلاف دولار فالشهر وبتوعدهم بالجنسية الروسية دا في حالة ان ربنا كرمهم وعاشوا لمدة ٦ شهور يعني آه والله .... اللي بيعيش منهم بعد ست شهور بتديه الجنسية الروسية دا لو عاش يعني ،♦️ وع الناحية التانية من الكوكب... ???? كوكب تحيا مصر ???? ،???? وفكوكب تحيا مصر.... هما فين ولاد الحرام اللي بيقولوا إن مصر مبتصنعش حاجة ومفيهاش تصنيع والسيسي شاطر بس فالطرق والكباري ومبيبنيش مصانع تعالى يا حبيبي وخد الخبر ده.....???? مصر فخلال ال٩ شهور اللي فاتوا بس صدرت لبلاد برة ب ٢مليار دولار ملابس ... الله وجت منين الملابس دي يا عبده ؟؟ جت من ٦٥٠٠ مصنع يعني مصر فيها ست تلاف ونص مصنع ملابس حضرتك بيصدر إنتاجه لبلاد برة وانت نايم على بطنك وشاطر بس تكتب ع الفيس هي البلد مفيهاش غير طرق وكباري ؟؟ طب إنت عارف ان ال ٦٥٠٠ مصنع دول فيهم كام مصري شغال حضرتك ؟؟ فيهم ٢ مليون مصري شغال فالمصانع دي يعني اتنين مليون اسرة بيتهم مفتوح من المصانع دي خد بالك إن الارقام دي مش من عندي حضرتك دي من المجلس المصري لتصدير الملابس هتقولي معقول يا عبده إحنا بنصدر كل الملابس دي لبلاد برة ؟؟؟ هقولك طب خد الكبيرة... إحنا ف ٩ شهور صدرنا لأمريكا بمليار دولار ملابس جاهزة تامة الصنع يعني حضرتك المواطن الامريكي هيفتح ويلبس على طول وبنص مليار دولار ملابس للإتحاد الاوروبي وبنص مليار دولار ملابس للدول العربية هتقولي الله يعني عندنا مصانع يا عبده ؟؟ هقولك ياسيدي مصر عندها مصانع في كل حاجة مصر بقت تصنع من الإبرة للصاروخ.... حتى السلاح بقينا نصنعة حضرتك هتقولي الله اومال ليه يا عبده عندنا ازمة إقتصادية والمواطن مش حاسس بكل ده !! لاء ثانية واحدة بس هفهمك علشان إنت حبيبي عندنا ازمة إقتصادية..... آه علشان اسباب كتير اهمها إنك لسه بتبني إقتصاد.... وعلشان نتايجة تبان ف دا بعد عشر سنين بعد ما المصانع بتاعتك تستحوذ على حصة فعلية فالاسواق العالمية وتثبت كفاءتها وجدارتها والمواطن بره يشتريها وهو مغمض مهو برضوا إسم مصر فالصناعة لسه جديد عليه تاني سبب من الازمة .... الميكنة انت لسه مدمجتش الإقتصاد الموازي فالسجلات الرسمية للدولة وفي مصانع كتير جدا لسه شغالة فالإستخوبص وخايفة من الرسمي علشان هيتراقب عليها وعلى جودتها تالت سبب من الازمة .... إنك بتتحارب أصلا ف إقتصادك وبيتحط عليك عقوبات فالأستخوبص برضوا مهو مش هيسيبك تكبر وإقتصادك يكبر حضرتك وتحط راسك براسه رابع سبب إن اللي مسودين عليك عيشتك دول فالفيس بس... ???? انما على أرض الواقع الناس شقيانة و بتروح شغلها وبتنتج وبتجتهد وعايشين.... آه ممكن متكونش احسن عيشة وفي غلاء اسعار بس دا بسبب الظرف الدولي اللي كل الكوكب كله غارز فيه خدها قاعدة.... مفيش حد شغال وبيشقى وبينتج وقاعد ع الفيس ٢٤ ساعة يكتبلكم بوستات اللي هو شحا يعني اومال حضرتك بتشتغل إمتى ؟؟؟ دا انا بكتبلكم بوستين فالأسبوع بالعافية ???? خد بالك برضوا مبيقعدش ع الفيس ٢٤ ساعة غير الكلامنجية والعواطلاية اللي مسودين عيشتكم اللي بيصدرولكم طاقتهم السلبية وعايزك تبقا زيه كاره للحياة..... هو اصلا معندهوش حياة ،???? كمان فكوكب تحيا مصر.... فالمنطقة الإقتصادية لقناة السويس بيتم إنشاء مصنع للفويل ب ٨٠ مليون دولار هيشتغل إمتى المصنع يا عبده ؟؟ هيبتدي إنتاجه اول السنة الجديدة ان شاء الله مش كدا وبس....!! الجماعة الصينيين والاتراك.... اللي هما المستثمرين يعني هيبنوا تلات مصانع ب ٨٠ مليون دولار للأدوات الصحية اللي هي الخلاطات بقا واحواض الحمام والمطابخ وليلة كبيرة سعادتك هيبتدوا إنتاج إمتى يا عبده ....؟؟ برضوا السنة الجاية ان شاء الله هما مش لسه بيفكروا حضرتك ! هما خلاص بيبنوا المصانع وبيركبوا المكن خلاص الخلاصة.... في مصانع السنادي بتتبني ب ١٣٠ مليون دولار حضرتك في منطقة بورسعيد والسويس بس وهتشتغل ع السنة الجاية خد بالك أنا مكلمتكش عن باقي المناطق الصناعية فالجمهورية كلها ،???? كمان فكوكب تحيا مصر.... شركة ريسورسز الكندية العالمية هتبني مصنع ضخم جدا لمعالجة وتنقية الذهب فالصحراء الشرقية أكيد يعني الجماعة الكنديين دول مش هبل مثلا ولا بريالة علشان ييجوا يرموا فلوسهم فالصحرا ولا إحنا بنبيعلهم الهوا فأزايز مثلا لا خالص حضرتك هما شايفين إن المستقبل كله ف مصر وإن مصر دولة واعدة جدا وفي غضون سنوات هتبقى غول إقتصادي فالعالم وجه توتو فاك رئيس الشركة بنفسه الإسبوع اللي فات وطلب إنه يعمل مصنع للدهب للشركة فمنطقة أبومروات فالصحراء الشرقية وهيجيب أحدث الاجهزة فالعالم فالمصنع ده ااه نسيت اقولكم.... مصر أصلا بتبني اكبر مدينة لصناعة الذهب فالعالم في العاصمة الإدارية ودي بقا اللي هنتكلم عليها فالبوست اللي جاي ان شاء الله علشان انا طولت عليكم ???? كفاية كدا....... وتقعدوا بالعافية ???????? يديمك ???????? بيعيرونا بفقرنا...... بس انا مش هسكت عبدالفتاح السيسي وابسلام عليكم ورحمة الله وبركاته تحيا مصر تحيا مصر تحيا مصر