فشل إسرائيل في جنوب لبنان
ليه العمليات النوعية اللي بيعملها الحزب في الجنوب عاملة صدمة كبيرة للكيان ، وخصوصاً العملية النوعية الأخيرة اللي قضت على ١٤ ضابط وجندي ما بين قتـ،،ـيل ومصاب؟!!
ده راجع لعدة اسباب منها العام اللي يخص النظرة الشاملة من جانب الكيان للعرب على انهم ناس طيبين وعبـ،،ـط وتقدر تضحك عليهم بكلمتين والقطة بتاكل عشاهم ، هما مؤمنين بذكائهم وانهم قادرين على خداع العرب في اي وقت وبأي طريقة ، ولو رجعتوا لتفاصيل نمو الكيان ده من البداية هتلاقوها ماشية في الاطار ده ،
بدأت بالهرب من الإضـ،،ـطهاد في أوروبا ، ثم الثناء على الحضارة الإسلامية وعدلها معاهم في الماضي (وده اللي حصل على فكرة) ، وصلت بيهم لدرجة جمع التبرعات من العرب علشان يبنوا بيوت يعيشوا فيها رغم انهم مقتدرين مادياً ، لكن الهدف كان تغفيل العرب ومحو اي شكوك من ناحيتهم تجاه الغلابة الجدد!
ثم انتقلت مع بداية القرن العشرين لمرحلة نقل الحضارة ، اصبر بقى يسطى ده أنا هعمل لك محطات مياه وكهرباء وهنغنغك ، بص ، هنعيش على وش الفتة وهنعمل اللي مايتعلمش ، والعرب تصدق وتدي تصاريح وتبني مستوطنات وتعمل شركات وهيصة بقى ☺️
كان طبيعي بعد التواجد والترسيخ وامتلاك القدرة انه يحصل اللي حصل فيما بعد الحرب العالمية الثانية ، وهو كان حاصل تراكمي للتغفيل على مدى ١٠٠ سنة تقريباً من بداية الهجرات ، التغفيل ده كان جزء من استراتيجية التفوق بالذكاء ، وخليني اقول ان الفشل الاستراتيجي هو اساس كل فشل في اي حاجة ، الفشل الاستراتيجي بيجر وراه فشل سياسي ثم فشل عسكري ثم فشل شامل في كل شيء!
السبب الثاني لصدمتهم هو إحساسهم بالقلة ، هما قليلين اوي ، ميستحملوش كل يوم ٧ مصابين و٧ قتـ،،ـلى ، هيجيبوا منين ، عد غنماتك يا جحا ، هي واحدة قايمة وواحدة نايمة وخلصنا ، الناس مهما تملكت حاسة بالفقر ، مهما تكبرت وتجبرت حاسة بالضعف ، مهما عليت حاسة بالنقص ، ده لان الاحساس عندهم مفيهوش راحة ولا طمأنينة ، مهددين دايماً وحاسين ان في يوم هيترد عليهم كل اللي بيعملوه ده ، وان كان في رغبة عند بعضهم في السلام فالرغبة دي سببها يقينهم ان اليوم ده جاي جاي ، ومحاولة لتجنب المصير المحتوم!
في الجنوب تلاقي في اسباب خاصة فوق الاسباب العامة دي ، يمكن اهمها انهم لم يتدخلوا برياً إلا بعد يقينهم ان العملية مضمونة ١٠٠٪ ، يا سيدي قول ٩٠٪ ، اغـ،، ـتيال قيادات مع غزوة بيجر مع ضرب منصات صواريخ ودفاع جوي ، انت تعتبر خلصت الحرب قبل ما تدخل ، ياللا بينا بقى ، وهوب ، تلاقي إن التقديرات غلط ، وإن الموضوع مخلصش ولا حاجة!
السبب الثاني للصدمة من العملية النوعية دي هو القدرات الاستخباراتية للحزب ، ازاي قدر يرصد البيت ده اللي بيعتبروه مقر اقامة للقوات هناك ، وازاي قدر يقوم بالعملية دي بنسبة نجاح ١٠٠٪ رغم ان المنطقة بالكامل تحت سيطرتهم ، كده يبقى في شيء ناقص وكده يبدأوا يقلقوا!
في سيناريوهين لحد دلوقتي للعملية النوعية دي ، الاولى هي ان في ٤ مقا، تلين تبع الحزب رصدوا البيت وانتظروا القوة لحد ما دخلت وقفلوا وفتحوا عليهم النار ، ولما ظهر صوت الاشتباك ضربت طيارة تبع الكيان البيت ده بصاروخ فاتهد ع الكل ، دخلوا بعد ما البيت اتضرب لقوا الناس بتوعهم بس وملقوش حد من الحزب ، وبيقولوا انهم لقوا انفاق تحت البيت يتوقع انها الانفاق اللي هرب منها الجماعة بتوع الحزب بعد نهاية المهمة!
السيناريو الثاني ان يكون في تفـ،،ـخيخ حصل للبيت ليلاً لأنهم من عائلات محافظة مش بيباتوا برا بلدهم (ناس محترمين اوي يا خال) ☺️ ، وتم تنفيذ تفـ،،ـجير عن بعد تاني يوم الصبح ، وسواء كان ده او ده فالمحصلة واحدة ، فشل استراتيجي كبير ادى إلى فشل استخباراتي كبير أدى إلى فشل عسكري اكبر!
وللعلم ، رغم إعلانهم السيطرة على قرى المرحلة الاولى من الهجوم (٥ كيلو داخل الجنوب) فلازم نفهم ان مفيش سيطرة ولا حاجة ، مفيش تواجد دائم ، شغالين موظفين في الجنوب من ٨ إلى ٤ وسلامو عليكو ، بخلاف ان ٥ كيلو في شهرين ونصف من القـ،،ـتال ده نجاح كبير للفصائل اللبنا،نية ، ده حضرتك في ٨٢ بسم الله ما شاء الله يعني وصلت لبيروت في اسبوعين ????????
ولازم نفهم ان قبولهم بالتفاوض على وقف اطلاق النار في الجنوب اعتراف بالفشل ، وكل شروطهم علشان يقبلوا بيه مجرد كلام يستروا بيه نفسهم وهما خارجين ، بس لاء يا حبيبي هتخرج بلبو،ص وواخد بالجزمة كمان ☺️
في النهاية لازم كشعوب نفهم حاجتين مهمين جداً من نتائج تأثرهم الشديد بالعمليات النوعية دي ،
???? اول حاجة ، ان الصراع عقلي قبل ما يكون عسكري او ديني ، لعب ع الإرادة والإيمان والقوة الذاتية للشعوب قبل ما يكون على قدراتها الشاملة ، لعب ع المخ مش ع العضلات ، لان المخ لو استسلم العضلات مش هيكون ليها اي لازمة!
???? ثاني حاجة ، الإسترتيجية يا جماعة ، استراتيجية المواجهة اهم من قرار المواجهة ، تحديد الاهداف والخطط اللي اقدر أحقق بيها الاهداف دي اهم من الحرب ، اللي بيدخل حرب بدون استراتيجية خسران حتى لو كسب كل حاجة ، ليه ، لان ساعات المكسب ده بيكون اقل من ثمن المواجهة ذات نفسها!
الفكرة مش اني احارب وبس ، خالص ، الفكرة اني احارب واحدد هدف غالي الثمن وعالي القيمة يستاهل التضحيات اللي هتحملها علشانه ، وده اللي يميز الدول عن التنظيمات الشعبية المـ،، ـسلحة ، وده اللي بيخليني اقولكم احنا لسه مدخلناش الحرب ولا نزلنا الملعب ، وده اللي نخلي الجنوب اصعب من غز//ة ،
وعلشان كده بقولكم اطمنوا ، احنا لو نزلنا الملعب هنخلص ، الفكرة بس اننا عايزين نخلص باقل الخسائر لان الهدف رخيص وتافه ومايستاهلش ????
⇧
