من الاخطر الإخواني التنظيمي ام الفكري

مين الأخطر ، الاخواني التنظيمي ولا الاخواني الفكري الثقافي؟! سؤال مهم نسأله لنفسنا كلنا لان الاخواني التنظيمي انتهى خلاص ، ونقدر نقول ان تنظيم الاخوان فعلياً انتهى ومحتاج معجزة كبيرة علشان يرجع حتى جماعة محظورة زي ايام الرئيس مبارك ، طب اللي معانا دول في حياتنا مين؟!! دول اخوان الفكر والثقافة ، الناس اللي عاشرت الاخوان فترة كبيرة من الزمن واكتسبوا صفاتهم وفكرهم وثقافتهم وطريقتهم في الحياة من غير ما يشعروا ، وقلت لحضرتك كتير اوي انك لما تحيط نفسك بوسط معين بتاخد صفاته وطباعه بمرور الوقت دون ان تدري ، اللمبة الحمراء بتنور اول الطريق بس ، لو حضرتك طفيتها وكملت مش بتشوفها تاني مهما حصل! لذلك في نقاشي لبوست الطبيبة ركزت اوي ع الحتة دي ، البيئة الحاضنة للاخوان لانها النهاردة هي مصدر الخطر ، شوف الصفات الإخوانية هتلاقيها في ناس كتير حواليك ، الاستعلاء بلا مبرر ، أنا الصح وغيري ولاد سنين في سبعين ، أنا أسألك عن حياتك وانت مش من حقك تسألني عن حياتي ، أنا بلزمك وبحملك المسئولية لكن عمري ما هلزم نفسي ولا هحاسب نفسي! اقتصادياً تلاقي ثقافة المكسب مع الشكوى ، بكسب حلو اوي وبستفيد كويس جداً بس لازم اشتكى ، بشتغل تحت الارض بدون تراخيص ، علاقتي بالدولة one way فقط ، هي ملزمة تعمل لي كل حاجة وانا مش ملزم اعمل لها حاجة خالص ، حتى الشارع هوسخه وهرمي فيه زبالة ، حتى العلاج على نفقة الدولة هزاحم فيه رغم اني مقتدر والعملية تكلفتها بسيطة مش محتاجة ، هودي عيالي مدرسة حكومية رغم اني اقدر اوديهم انضف المدارس الدولية ، هزاحم في شقق الإسكان الاجتماعي واجيب كحول من هنا ومن هنا علشان اشتري شقق مدعمة بأساميهم وابقى أبيعها كمان ٥ سنين بالشىء الفلاني!! وطبعاً مع كل الكلام ده طبيعي جداً يخليني كمواطن محسش بأي تحسن في حياتي ، هما اللي بياخدوا الدعم وهما اللي بيشتكوا ، وانا المطحون ما بينهم في النص ، هما ضاغطين على كل قنوات الدعم وعاملين عليها زحمة كبيرة بلا هدف! وعلى فكرة مواجهة اخواني التنظيم اسهل ١٠٠٠ مرة من مواجهة اخواني الفكر والثقافة ، اكتشاف اخواني التنظيم اسهل بكتير من اكتشاف اخواني الفكر والثقافة ، وللاسف اخوان التنظيم بيعتمدوا على شكاوى اخوان الفكر والثقافة في خلق التريندات اللي حضرتك بتتسحل فيها بلا هدف! الطبيبة دي قالت بوقين وخلصنا ، فجأة لقيت اخواني تنظيم على تويتر بيقولك ادعو شرفاء القوات المسلحة والشرطة وأبناء مصر الافاضل للقيام بثورة ، ثورة ليه يا عم الحاج؟! ، قالك للحفاظ على الشرف ، أنا قعدت اضحك بصراحة حتى ابتلت لحيتي من الدموع ???????????? الخلاصة في النهاية حاجتين مهمين جداً لازم ناخد بالنا منهم ، ???? اخواني التنظيم اضعف واجبن من انه يتحرك على الارض بشكل منفرد ،لازم يكون في ادوات وجدران حماية تطمنه انه هينزل يعمل مصيبة ويرجع بيتهم تاني ، لو عنده شك ١٪؜ انه مش هيرجع عمره ما هيتحرك???? ???? اخوان الثقافة والفكر هما التحدي الحقيقي والكبير لانهم مش مدركين لخطورة اللي بيعملوه + أنهم فعلا اصحاب وعي منخفض + أنهم فعلاً بيقولوا كلامهم ده للإصلاح والخير (من وجهة نظرهم) ، لكن محتاجين معجزة علشان يعرفوا ان كل اللي بيعملوه ده غلط ، ويعرفوا انهم شايفين الصورة غلط ، وانهم في الجانب الغلط من المعادلة! ودول بالتحديد اللي تلاقيهم دايماً بيحنوا للماضي وبيعشقوا الرئيس السابق ، مع انهم لما كان الرئيس السابق ده موجود كانوا بيمسحوا بكرامة عيلته كلها البلاط ، طب ليه ده بيحصل؟! ، وعي منخفض + رؤية غلط بمحددات غلط واسباب غلط وحلول غلط في غلط بكل تأكيد /بقلم عبدالباسط صابر حفظ الله مصر وشعبها