ايقاف تشغيل صندوق النقد الدولي حاليا
♟♟: صندوق النكد الدولي
???? وقف العمل بإجراءات صندوق النقد الدولي لأجل غير مسمى
???? بفكر اعمل كتاب اسميه كفاااااحي ضد صندوق الغم الدولي.. مستوحي من قدوتي الفوهرر ????????
" أيام من الدموع و الانتصارات "
في خضم الانتباه تجاه الانتخابات الامريكية و عودة أبو حنان
كان في انتصار يحقق علي أرض مصر ضد الهيمنة الاقتصادية
???????? وفقا لتصريحات رئيس الوزراء بعد الاجتماع مع أنثي الصندوق و اللي كان أول امبارح :
▪لا تعويم جديد
" الارتفاع و الانخفاض وفقا للطلب و العرض "
و دي حقيقة ???????? زيادة ربع جنيه و جنيه و انخفاض 30 قرش و الكلام ده مش تعويم .. ده اسمه استجابة لسعر السوق
▪لن نتخد اجراءات اخري ترفع الاسعار و تزيد العبء علي المواطن
" يعني مفيش زيادة بنزين و لا وقود و لا عيش و لا غيره .. يعني وقفوا اجراءات رفع الدعم ????????"
▪تعديل وثيقة ملكية الدولة وفقا لتوجيهات السيد الرئيس
" يعني برنامج الطروحات وقف ????????♀️ "
يعني اختصارا للكلام ???????? تم تعليق برنامج الاصلاح الاقتصادي التابع لصندوق النقد ... بس مستحي يقول ????
" هيييييييييييييييه .. ده هتاف الجماهير ???????????????? "
ده هو عين الانتصار
♦يسكت علي كده .. ابدااااا
لازم " البعععععض " اللي تاعبه في حياته
" و حابب اقول للبعض ان برنامج الاصلاح الاقتصادي اللي وضعه مصريين و ذلك بالتعاون مع صندوق النقد الدولي "
البعض بيقولك ???????? ملهمش فيها .. مش كارهم
????المصريين اللي سيادتك بتقول عليهم وضعوا الوثيقة التي يشوبها العوار الاقتصادي و الاجتماعي و الانساني لملكية الدولة
انما بنود الاتفاق مع الصندوق
تتضمن 6 شروط اللي وضعهم الصندوق و أملاهم علي سيادتك زي كل الشروط اللي دمرت دول سابقة لنا .. و نشرها الصندوق في 18 يناير 2023 و اترجمت علي السوشيال ميديا 3 مرات غلط لحد ما تم تصحيح الترجمة او نزلها الصندوق بالعربي ????????♀️????????♀️
هو بس سيادتك بتنسي كان الله في العون ????????
طب هسكت انا علي كده و اريح بقا ????????
ابدااااا .. صندوق الغم ده قضيتي ????????
???? هل احنا مش عايزين اصلاح اقتصادي ????
اكيد عايزين
لان محدش يكره مصلحة بلده .. و لا مصلحة نفسه
لكن عايزين اصلاح وطني مش استعماري
" و طبعا مش هستغرب من السادة الخبراء اللي كانوا ضد تخفيض العملة ... و مش عاجبهم قيمة الدعم العيني
و فجأة بعد المؤتمر الصحفي بتاع كريستالينا ... طلعوا في القنوات الفضائية يعظموا في عظمة عظماء الصندوق و قد ايييييه انقذنا لما خفض العملة و مدي حب الصندوق لمصر و لولاه كان المصريين جاعوا يا جددددع .. و يهاجموا اللي بتهاجم الصندوق ????????
عايزة اسأل الدكتور بتاعي هو الشاي بالياسمين حلو للمعدة و لا بيتعبها ???????? "
???????? الاصلاح الاقتصادي اول مؤشر لنجاحه
هو ان يشعر المواطن بنجاح ذلك البرنامج و ينعكس ايجابا علي حياته
و ده مش كلامي انا
ده كلام بروتوكول الصندوق نفسه ???????? نعمل من أجل أن تشعر الشعوب بالرفاهية
بس غالبا مكنوش يقصدوا الرفاهية دوكها بتاعت تحسين المعيشة
اكيد كانوا يقصدوا رفاهية تكفير الذنوب .. عشان نروحوا لربنا خالصين مخلصين ????
و اللي بيحصل في مصر هو ان المواطنين تشعر بأعباء الحياة
???? هكون منصفة و اقولك ان مصر اتعرضت لظروف غير اعتيادية .. في ظل القيام بمغامرة انجاز طموحات اقتصادية
يعني انا مقتنعة اننا لولا كورونا ثم الحرب الروسية الاوكرانية ثم حرب غزة و ما تلاها
كان زمان الامور أكثر استقرارا
???? يعني مثلا وقت كورونا كان في استنزاف مالي كبير للدولة
الناس اللي تلقت العلاج .. ثم تكلفة اللقاح .. ثم دعم العمالة الغير منتظمة
في وقت العالم فيه مغلق و متوقف
حركة الاستثمارات واقفة
تدفق الايرادات واقفة
التجارة نفسها واقفة
????الحرب الروسية اوقفت سلاسل الامداد
بالتالي تكلفة كل شئ ارتفعت
حصل تضخم عالمي
و مصر جزء من العالم بالتالي حصل تضخم
بالاضافة لجنون اسعار النفط
اللي زاد من اعباء التضخم
ف واجهنا موجة ارتفاع اسعار
????حرب غزة و احنا اكتر دولة خسرت بسبب الحرب دي
خسايرنا 60% من ايرادات قناة السويس
اللي الحوثي هاجم كل السفن اللي متجهة لها .. ما عدا اللي رايحة مواني اسرائيل ????
ف من اواخر 2019 لحد اواخر 2024 اهو لم نلتقط الانفاس
بنطلعوا من ده .. ندخلوا في ده ????????♀️????????♀️
♦الظروف الاعتيادية تحتاج الي اجراءات غير اعتيادية
ينفذها عقول غير اعتيادية
▪يعني ميبقاش عندك اغلاق و بتدفع من جيبك لكل حاجة
و ده متسبب لك في عجز ميزان مدفوعات لانك بتشتري سلعك الاستراتيجية ومش قادر تصدر
و يا دووووب الدنيا تبدأ تفتح
ف تروح تخفض عملتك بمقدار 25% .. فتعجز ميزانك اكتررررر " تعويم يناير 2021 "
▪ميبقاش عندك هيكل الاجور والمعاشات كله عوار
و شريحة كبيرة معتمدة علي الدعم
و تيجي ترفع الدعم
بدون ما تعوضه ماليا
ف تتسبب في فقدان متحصلاته التكميلية الاساسية للحياة
" زي بطاقة التموين .. دعم السولار .. دعم الكهرباء "
ف تضطره يستنزف موارده المالية الضعيفة لتسديد الفجوة الحديثة دي
بالتالي تتسبب في افقاره ????????♀️????????♀️
فكرة غلط ???????? تنفذ بإجراء غلط ???????? اثناء توقيت غلط
ف الناس تطلع تقولك انجازات ايه اللي بتقدمها و تعملهالي و انا مش عارف اعيش
و يتعموا قهرا عن كل انجاز و تقدم بيحصل بسبب حالة العوز اللي هما فيها ????????♀️????????♀️
( و انا واحد من الناس اللي بعاني لما تيجي تقول خبر ايجابي .. او اتفاقية اقتصادية عظيمة .. او حدث استثماري ناجح
بتواجه بسؤال ???????? انا استفدت ايه .. انا هحس ب ده امتي يا دكتور .. طب ده هيخلي الاسعار تنزل .. طب ليه حياتي مش بتتحسن ????????♀️????????♀️)
ومن حقهم طبعا بعد سنين الصبر يسألوا السؤال ده
و الاجابة عليه انا عارفها
هو ان حصيلة النجاح تهدر في الاجراءات الخطأ
انت بقا گ رئيس حكومة و مجموعة اقتصادية ضعيفة الامكانيات وفقيرة الفكر
متعمدين تعملوا ده .. ما هو الريس اللي بيشيل في الاخر
او هي دي استطاعتكم
مش هيفرق معايا نواياكم
الكراسي في مصر بقت تيفال .. يعني محدش بيقدر يقعد لآخر عمره ????????
???????? حل الازمة و الدايرة المغلقة اللي بتلفوا فيها بإصرار علي الخطأ مدهش الحقيقة
يتلخص في كام بند أبسط من بعض :
انك تعدل كل البرنامج المريض ده
ببرنامج يناسب حياة المصريين
و ياريت العيال بتاعت شعارات الاشتراكية ألقتها مخترعيها في القمامة .. و الدول المتحضرة لا تقدم الدعم و كله بيدفع تمن خدماته
بتفكروني ب الكحيت بيك فاكرينه .. احمد راتب
- العيال جعانين و الزبدة الصفرا نزلت في الجمعيات يا كحيت هي و الزيت
- بلا زبدة صفرا بلا زيت .. استني اما اشوف المصيبة دي العربية المرسيدس الفول اوبشن وصلت 750 الف جنيه .. انا خايف يزودوا اسعار شاليهات الساحل
اهو انتوا زيه بالظبط
كاسرين اقساط قروض
و عليكم مصاريف جامعات العيال الخاصة و بيجيلكم انذارات بعد دخولهم الميدتيرم
و قارفينا بشعارات نجاح الرأسمالية في العالم
مع انك لو متخصص و ذاكرت
كنت هتفهم ان النظام الرأسمالي هو نظام يزيد عدد الاغنياء ولكنه يزيد فقر الفقراء ????????♀️????????♀️
♦اااه ممكن اكون من محبي الاشتراكية و مبغضي الرأسمالية
لكن علي أرض الواقع
مبقاش ينفع تطبيقها
خلاص انت انسلخت من عباءتها .. وعايز تاكل سيمون فيميه وتشرب حليب لوز عشان الدايت ????
ومبقاش يناسبك السمك المشوي علي صفيحة فوق البابور و العيش البتاو ????????♀️????????♀️
يبقا هنا الحل في الرأسمالية الوطنية ????????????????
و ده هيودينا للمصيبة اللي اسمها وثيقة ملكية الدولة
خط الفقر بقا الحياة تحت 161.25 دولار في الشهر للفرد
و هنا بقا نتوقف قليلا
عشان نشرح شوية حاجات
" ديفيد ريكاردو يبكي في الزاوية ???? "
الراجل ده عراب الاقتصاد السياسي .. و افضل نظرية ميزة نسبية في التاريخ هو اللي وضعها
و وضع مبادئ مريحة
اهمها ???????? عشان تاخد قرار اقتصادي لازم ترجع لكل الارقام المرتبطة بالقرار ده و تشوف سلبياته و ايجابياته
لو سلبياته اقل لكنها تؤثر بشكل مباشر علي الاوضاع الاجتماعية السياسية للشعب
يبقا القرار فاشل ????????♀️????????♀️
???? جبت منين رقم الحد الادني لخط الفقر
▪الامم المتحدة حددت رقم 2.15 دولار في اليوم هو خط الفقر المدقع
خط الفقر متقسم ل 3 بنود
فقر مدقع - فقر قومي - معرض للفقر
بيتحسب خط الفقر القومي ب حاصل ضرب رقم مصروف الخط المدقع × 2.5 " ضعفين و نصف "
ف يبقا 2.15 دولار × 2.5 = 5.375 دولار / فرد في اليوم
يبقا في الشهر 161.25 دولار / فرد
بالجنيه 161.25 × 48.77 = 7864.17 جنيه
" ده للفرد يا بشمهندس ???? .. يعني الاسرة المكونة من 4 افراد تحتاج الي 31500 جنيه شهريا ???? "
عشان تعيش وفقا لخط الفقر القومي عالميا
ملناش دعوة بالكلام ده
ده كلام كفار .. واحنا ناس بتتشعبط في رضا ربنا ????????♀️????????♀️
♦نطبق نظرية ريكاردو للقرارات الاقتصادية
نقيس القرارات وفقا للفقر المصري
???? نروح علي يوم 19 ديسمبر 2022 و التقرير الصادر عن البنك الدولي بخصوص الفقر في مصر " بعد يومين من صرف اول شريحة من القرض الاسود اللي كانت 235 مليون دولار اللي راحت في الشبرقة ???????? "
▪قال ان معدل الفقر في مصر من الفترة من اول شهر اكتوبر 2019 الي نهاية مارس 2023
هتكون 29.7%
" ايه الفترة دي :
3 ارباع الاخيرة من موازنة 2019/2020
+
موازنة 2020/2021 كاملة
+
موازنة 2021/2022 كاملة
+
3 ارباع الاولي من موازنة 2022/2023 "
و اوعز ذلك لنسبة التضخم الغير متراجعة في مصر
انت مهما بتعمل اصلاحات
التضخم بيزيد
" ليييييه ???????? عشان انت بتلف في دايرة مفرغة و مسحول في معضلة شبه البيضة الاول و لا الفرخة ????????♀️"
▪يوم 17 اكتوبر 2022
صدر بيان عن الجهاز المركزي للتعبئة العامة و الاحصاء عن تراجع نسبة الفقر من 32.5% في العام المالي 2017/ 2018
الي 29.7% في العام 2019/2020
و دي كانت اول مرة تحصل في مصر ان يتراجع الفقر منذ اكثر من 20 سنة
حلووووو الكلام ... حلو
شوف الريمونتادا بقا ????
▪يوم 25 اكتوبر 2023
د . هبة الليثي مستشار الجهاز المركزي للتعبئة العامة و الاحصاء " و بالمناسبة هي استاذ جامعي في جامعة القاهرة و رئيس قسم الاحصاء في كلية الاقتصاد "
في اليوم العالمي لمكافحة الفقر أعلنت عن النسب
- في 2020/2021 ???????? 31.4%
" بسبب جائحة كوفيد "
- في 2021/2022 ???????? 33.3%
" بسبب الحرب الروسية الاوكرانية "
- في 2022/2023 ???????? 35.7%
" بسبب الاحداث السياسية الخارجية "
دي الاسباب اللي اعلن عنها الجهاز
طب ملفتش نظرك انك رايح في الموازنة الجديدة تجاه 37% و 38% ????
طب ده معملكش alarm انك توقف اجراءات زيادة التضخم اللي انت بتاخدها عشان انت بتهدر حقوق ????
طب مسألتش نفسك هو نسبة الفقر بتزيد ازااااي .. يعني ايه ميكانيزم زيادتها ????
الميكانيزم هو تآكل الطبقات الاجتماعية يا سعادة البيه ????????♀️????????♀️
و ده بالطبع بيؤدي لانهيار الاجتماعي و اللي بدوره بيؤثر سلبا في الهرم الاقتصادي
لانه بيحفز الاقتصاد الغير رسمي زي الرشاوي و جرايم الحصول علي اموال من تجارات غير شرعية ????????♀️????????♀️
" طبعا انا بقول مفاجآت بالنسبة للبشكتبة اللي قاعدين بيحطوا وثايق متجاهلين البلاوي اللي بيعملوها ???????? "
???? تعالي اضحكك بقا علي الارقام اللي بتتلطع في البيانات كده و خلاص
في نهاية موازنة 2019/2020
طلع الجهاز المركزي للتعبئة و الاحصاء تقرير و بيان عن ان 69.06% من الاسر في مصر دخلها 70 الف جنيه سنويا
طيب 70000÷ 4 افراد = 17500 ج / فرد سنويا
نقسمهم ÷ 12 شهر = 1458.33ج شهريا / فرد
بيتحسب خط الفقر ازاي
الحد الادني من تكلفة الحصول علي احتياجات الفرد من السلع الاساسية للحياة من مسكن و مأكل و مشرب و علاج امراض مزمنة او طارئة
بجيبها ازاي :
جدول كده بيتحط فيه قيمة مدفوعات السكن + احتياجات الغذاء من بروتين حيواني و نباتي و كربوهيدرات + الحد الادني من تكلفة الحصول علي التعليم المجاني + 8.5% اسمها نسبة تكاليف طارئة
ده بيطلعلي احتياج الفرد
اللي هو الرقم الاولاني خالص بتاع 161.25 دولار
" و طبعا مننساش ان ال 161.25 دولار بتوع الدولار ابو 30.90 ج
غير بتوع الدولار ابو 48.77 ج خاااالص
و بلاش احسبهالك بقا عشان هنقعد كلنا نبكي في الزاوية .. والزاوية زحمة اليومين دول ???????? "
ف لما يبقا عندك هيكل اداري حكومي من الموظفين حوالي 3 مليون مواطن بيحصلوا علي الحد الادني من الاجور ???????? 6000 ج
و في 18 مليون عبيد في القطاع الخاص مرتباتهم اقل من 3000 جنيه
و في 5 مليون متقاعد معاشاتهم اقل من 4000 جنيه
ف هاااا بقااااا ????????
???? تخيل بقا اني بحكيلك الحدوتة دي كلها و بصدعك بالارقام دي و المعادلات عشان اجاوب علي سؤال ???????? ليييه مش حاسين بانجازات .. ليه الطبقة المتوسطة بقت فقيرة .. ليه حالتنا المالية بتسوووووء
شايف يا بشمهندس الاقتصاد صعب ازاي ... مش فهلوة و لا فكاكة
???? طب كل ده ايه علاقته بالوثيقة بقاااااا
ان مينفعش يبقا دي ارقامك
و دي معدلات الفقر و التضخم عندك
و ده مظهر تدمير العملة
و عشان تعمل برنامج طروحات تيجي علي حاجتين حرفيا أمن قومي و تطرحهم للقطاع الخاص
اللي هما ايييييه ???????? التعليم و الصحة
???? قانون تأجير المستشفيات الحكومية للقطاع الخاص ده افشل قانون ممكن دولة في ظروفنا تاخده
ليييييه ???????? لأن ارقامك بتقول انك هتعمل كارثة صحية
في ان اللي معاه فلوس هيتعالج و اللي معهوش هيموت ????????♀️????????♀️
المستشفيات لاااازم تفضل حكومية
انت تطورها
مش تسندها للقطاع الخاص
و لو انت أكتع متقدرش تطورها ... اسندها لمطور لمدة 12 شهر بنسبة من الايرادات انت گ دولة تخصمه من حصتك .... مش تحمله علي المواطن ????????♀️????????♀️
منظومة التأمين الصحي اللي بيعملها الريس مينفعش تقربوا منها يا مجموعة التمويل ????????
????التعليم برغم كل عيوبه و مساوءه و الدروس الخصوصية
لااااا يجوز اسناده للقطاع الخاص ابداااا
عشان مدارس القطاع الخاص هدفها الربح
و 69.06% من الاسر وفقا لاحصائياتك مش هتقدر تحقق لهم الربح ده
ف نسبة التسرب من التعليم خصوصا في القري و الريف هتتضاعف ل 10 اضعاف ... و ده ضد برنامج مكافحة التسرب من التعليم اللي اقره الريس في 2016 بعد خطة تطوير العشوائيات
عندك عجز معلمين و اطباء خرااافي .. وعندك عدد خريحين طب و تربية و اداب خرافي اكتر
و مش قادر تعمل matching لانك خايف تزود هيكل الرواتب الحكومي
و تفضل محافظ عليه نسبة معينة في الموازنة
و ده اسمه عك
دي اسمها تمامات 67 ... بتاعت رقبتي يا ريس ????????
" حسب الله الكفراوي قال لمبارك زمان لازم الحديد و الاسمنت يفضلوا تحت ايد الدولة و الا الناس مش هتعرف تسكن
مسمعش كلامه و سمع كلام محمود محي الدين
و النتيجة هي السواد اللي احنا فيه دلوقت
الوزارة عاملة شقق لضيعفي الدخل بقسط 5400 جنيه في الشهر ???????? "
انا بدي افهم
بتعملوا كده ليه ????????♀️????????♀️
طبعا كل حاجة لها حلول اقتصادية
و ما دمنا اخدنا خطوة تعديل كل شئ ف ده شئ جيد
أن تأتي متأخرا خير من ألا تأتي
????اما بالنسبة لشعارات ???????? اصل مفيش حاجة اسمها ازودلك الرواتب بنفس معدلات التضخم و ادعمك
من موقعي هذا احب اقوله : بس يا بابا .... كخ كده يا حبيبي
الرواتب و الاجور و الدعم ده فصول اقتصادية متكاملة
كونك بتتابع واحد علي يوتيوب بيقرأ كويس ده ميسمحلكش تتكلم فيها .... ريحوا شوية و ريحوا دماغنا معاكم
و للحديث بقية ????????????????
عبدالباسط صابر
⇧
