لماذا شراء السلاح الان
من علامات قوة الجيش المصري التشغيل.
اي دولة معاها فلوس تجيب سلاح.. السعودية والامارات معاهم فلوس يشتروا اد اللي عند امريكا.. بس هيشغلوه ازاي؟!
الحرفنة ف التشغيل.. قطر اشترت طيارات رافال ماعرفتش تشغلها.. مش طيران بس كمان.. لا.. دي ماعرفتش تكودها على شبكة الدفاع الجوي بتاعتها علشان دفاعها الجوي امريكي والطيارات فرنسية، وجابت امريكان يكودوها.
التكويد دا (جاية من الكود) علشان دفاعك الجوي يميزها طائرة صديقة فمايضربهاش.
طيب نيجي لمصر ونشرح يعني ايه حرفنة تشغيل..
اي دولة ف العالم سلاحها اما شرقي او غربي.. شرقي يعني روسي او صيني او م الدول اللي حواليهم.. وغربي يعني اوروبا وامريكا.
السعودية سلاحها غربي.. الامارات غربي.. الخليج كله ماعدا ايران واليمن
تركيا غربي (لما تركيا اشترت منظومة دفاع اس٤٠٠ الروسية لغاية النهاردة مش عارفة تستوعبها وتعتبر مواسير مية بتمويه حربي).. الجزائر شرقي.. السودان واغلب افريقيا شرقي.
طيب فين المشكلة؟
المشكلة لما دولة يكون سلاحها غربي وتدخل عليه شرقي او العكس.
يعني السعودية لو اشترت طيارات روسي هتلف حوالين بعضها.. هتلاقي صعوبات كبيرة ف توليف دا على دا.
غير الصيانة.. خبراتهم ف الصيانة غربية.. الورش غربية.
لو اشترت دفاع جوي روسي جنب الامريكي هتقابل مصايب ف تشغيل دا جنب دا بنظام واحد.. ومش بعيد توقع طياراتها بالغلط.
وكذلك الدبابات والقطع البحرية.
طيب مصر ظروفها ايه؟
لك ان تعلم ان شبكات الدفاع الجوي المصرية صنفت انها اعقد شبكات الدفاع ف العالم.. مشغلة امريكي وروسي وصيني وايطالي وألماني ومصري، وقادرة تشغلهم كلهم بسيستم واحد وهي اللي بتكود وتشفر شبكاتها.
دي حاجة صعبة جدااااا لا يمكن لاى دولة فى العالم استيعابها بالمناسبة.
ف دبابات القتال الرئيسية مصر هي الدولة الوحيدة ف العالم هي والعراق اللي مشغلين الابرامز الامريكي وعائلة الT الروسية واخرهم t90
مش كدا وبس.. بتصنعهم كمان
العراق هي الدولة الوحيدة اللي شغلت زينا روسي وامريكي، وذلك لظروف ان ايام صدام كان تسليحهم شرقي، وبعد الاحتلال امريكا ادتهم سلاح.. بس هما اتحولوا من شرقي لغربي.. مايقدروش ع الاتنين بكفاءة.. احنا لا.. مشغلين الاتنين بكفاءة تامة.
فاكر ف فيلم الممر لما الصف ظابط قال لاحمد عز لما طلب منه يشغل الدبابة اللي اسرها من اسرائيل فرد عليه الصف ظابط وقاله دي دبابة امريكي يافندم واحنا تسليحنا روسي؟!
أهو هو دا قلب الموضوع.. انت مش عارف حتى تشغلها. طبعا دا ايام السادات والتسليح الشرقي.. السادات ومن بعده مبارك بعد معاهدة السلام ابتدوا يجيبوا الغربي، وهنا ابتدت ملحمة تشغيل جنسيتين بكفاءة.
السيسي بقى عمل كوكتيل مرعب من جنسيات كتير صعب يتكرر ف اي جيش ف العالم. لا لشيئ إلا لعدم قدرة اي دولة لاستيعاب كل المدارس دي ف جيش واحد.
من ضمن مقاييس قوة الجيوش حول العالم هو قدرتك واستيعابك لتشغيل انواع مختلفة بكفاءة وانسجام تام مع بعض والاسلحة تتناغم مع بعضها.
في قواتنا الجوية مثلا مشغلين روسي وامريكي وفرنسي بصيانتهم..
الخلاصة السر ف قدرة التشغيل، مش مجرد يبقى معاك فلوس وتشتري، وإلا كانت دول الخليج بفلوسها اشترت سلاح العالم.
جيش مصر متفرد ف النقطة دي ف العالم كله ومفيش دولة ف العالم زيك او شبهك حتى.
السيسي وجيشنا حاجتين مستغربهم العالم كله
#تحيامصر✌????????
حفظ الله مصر قائدا وشعبا وجيشا وارضا✊????????
????????????????????????????????????????????????????????????????????????????????????????????????????????????????
