مقال للعقول الكبيرة

**مقال للعقول الكبيرة الرئيس يبيع البلد... أيشي للإماراتيين أو السعوديين أو الصينين وقريباً للكويتيين والقطريين.... أهو أي حد معاه فلوس وخلاص. والله مش محتاج أشرح وأفهم حد، لإننا بالفعل لدينا عقول عصيّة علي الإستيعاب، يتمتعوا بضيق أفق - تحس إنهم ضد أنفسهم مش ضد قيادة بلد أو دولة. ⭕ أيوة بيع ياريس علي قد ما تقدر - وهاتلنا مستثمرين يضخوا أموال في مشروعات علي أراضينا، علشان نعمرها ونكبرها، ويشاركونا ويطوروا إقتصادنا وينموه أصل إقتصاديات الدول بتطور وتنموا "بالأمنيات والتمنيات وكفاح العواطف"، وليس بضخ أموال وإنشاء مشاريع ونقل تكنولوجيات وتطوير أعمال ⭕ بيع ياريس - علشان ولادنا يلاقوا وظائف ويقدروا يعيشوا ويفتحوا بيوت. ⭕ بيع وهاتهم نستفيد من وراهم بالضرائب اللي هتصرف ع التعليم والصحه. ⭕ بيع وهاتهم، يصنعوا اللي بنستورده نصنعه عندنا. ⭕ بيع وهاتهم، ينتجوا ويصدروا وتكتب علي صادراتها "صنع في مصر" ⭕ بيع وهاتهم، يستفيدوا ونستفيد معاهم، - ونتحول مع الوقت لدولة منتجه وصناعية كبري. ⭕ بيع وهاتهم، نكمل بهم خططنا بتحويل مصر لمحور لوجيستي تجاري عالمي. ⭕ بيع وهاتهم، يضخوا أموالهم عندنا علشان يحافظوا علي إستقرار البلد معانا، واكتر من كتير من ولادها. ???? وياريت سيادتك والناس اللي معاك تجتهدوا اكتر وتقنعوا الدول دي ومستثمرينهم يجوا يستثمروا عندنا اكتر من كده - عارف إن المنافسه صعبه جداً مع دول كتير عاوزين الناس دي، اللي معاها فلوس وعندها القدرة علي إدارة مشروعات - وشعوبهم بيقولوا عليهم مستثمرين وبيثمنوا أداء حكوماتهم علي قدرتهم بجذبهم. ???? إحنا في منافسه شرسه وبدل ما نفرح بنحاحنا علي جذبهم لضخ أموالهم في مشروعات عندنا - بعض قومنا بيقولوا عليك بتبيع البلد !!! واللي يشتري حاجه يبقي يخدها في إيده وهو مروح مش عاوزين إزعاج... حاجه ١١ خالص أقسم بالله.