صدمه للغرب
![عاشت الايادي المصرية](img/24/07/26/41083.jpg)
![](https://www.elyoumelekhbary.com/ix/GfX/logo.png)
#حالة_فهم
صدمه الغرب حدثت لخطأه الاستراتيجى عندما كانت المواجهات فى الشرق الاوسط حسمت بالعلامه الكامله له !!!
ولكن عندما صعد لدورى المجموعات قابل الفرق الكبيره وتعامل معها بنفس خطط دور ال ٣٢ فحدث الانهيار فى جميع خطوطه ????
. . . . . . . . . . . . . . . فهمت حاجه ؟!!
انت حتى على مستوى العقل الجمعى
غير مصدق لما يحدث للغرب لانك تعودت انهم لا يُقهرون
وهناك فارق بين انهم لا يُقهرون
وبين انك لاتقدر عليهم كشرق اوسط
لانك على مدى عقود اصبحت عندك نخب كاوبوى ...
نخب بريط☠️انيا ... نخب عثمانيين ... نخب فرس ..
جميع هؤلاء يقاومون التيار القومى الذى تنتهجه الاداره الحاليه للخروج من مستنقع الهيمنه .
كل من هؤلاء له شبكات مصالحه التى تدور فى فلكه والجميع يقودهم قائد اوركسترا واحد بعمل خناقات بينهم فى بيتك ويكسر بيتك على دماغك .
وهو ياسلام بيحاول يصلح بينهم جوه بيتك .
اللى مش شايف ده بمنتهى الوضوح
بلاش يتكلم فى السياسه لانه لا يصلح معه اى لغه حوار .
وأعمى بصر وبصيره قولا واحدا .
الفرق الكبرى المتصدره العاركه مع الغرب الان
مواطنيها لم يتم اختراقهم على مدى عقود
لم يضربوا داخليا بطاعون العصر ((الاسلام السياسى))
دول مواردها قويه ومتماسكه لدرجه فولاذيه داخليا
. . . عاوز مثال .
روسيا لو مجتمع ضعيف داخليا بعد العقوبات التى وقعت عليها كانت حصلت السودان واتقسمت سبعين قطعه
وهانروح بعيد ليه
ماتشوف اوكرانيا اتمزعت ازاى بقت زى غزه عندنا كده ????
ده الفارق الحادث الذى لم يستوعبه الغرب الا عندما انهارت خطوطه وهو الان فى مرحله ترنح الديناصور .
دول المواجهه الشرقيه الان تسقط الغرب بطريقه محمد على كلاى فى المبارايات عبر اجهاد الخصم
وفى حالتنا الحاليه بنسميها استنزاف للخصم
ثم يأتى الحسم فى اخر دقيقه فى الجوله الاخيره
لأن اسقاط ديناصور فجأه يدمر ماحوله لذلك اسقاطه لابد ان يكون بحرفيه خصوصا انهم لايريدون القضاء عليه ولا نحن فلن نستبدل الكاوبوى بالصين او روسيا
السلطه المطلقه مفسده مطلقه .
نحن نريد عالم متعدد الاقطاب متوازن القوى
قائم على العدل بقانون دولى يحمى مصالح الجميع بمؤسسات أمميه غير مسيسه .
بمعنى اوضح نعود ان سنن الله فى كونه
( لولا دفع الناس بعضهم لبعض لفسدت الارض )
وماشاء الله يعنى مافيش فساد اكتر من كده
إحنا قبل القاع بأمتار قليله ونقابل يأجوج ومأجوج .????
وعيك اهم ماتملكه الان
تانى
وعيك اهم ماتملكه الان
لاننا حقا وصدقا فى مفارق طرق
إقرأ كتير وتابع الاحداث العالميه بعقليه لاعب الشطرنج الاستراتيجيه .. الحركه هنا هاتسمع هناك والحركه هناك بتفتح المجال علشان اوقع طابيه او حصان على سبيل المثال .
مافيش حاجه بتحصل فى الهواء كده الايام دى حرفيا
كل حدث له بنك اهداف
إنتبه جيداً .. وتخلص من وعيك الزائف ..
تسمع منى واحد زائف كده ع الماشى
إحكي لى عن الخليفه امير المدمنين بتاع تركيا منذ ٧ اكتوبر أليس هذا من كان يحمل لواء نصره القضيه
أهو ماحضرش ولا جلسه منذ ٧ أكتوبر بل تعاون مع الخصم
هاتقولى سياسه ومصالح واصله ناتو والكلام اللطيف ده !!!
طيب طالما انت عارف الكلام ده إديته دماغك ليه وعملته خليفه ليه واستهبلت ونزلت استبيان على مواقع التواصل عباره عن سؤال ????
هل تفضل الإحتلال العثمانى أم إحتلال الكيان ????
على اساس انك عويل ولازم لك حد يحميك !!!
الوعى ده تقلعه وترميه فى الزباله
ماعادش يلزمك ولا يلزمنا كنا نضحك عليه زمااان
الآن لانمتلك هذه الرفاهيه
لاننا فى مفارق طرق ولابد لنا بأمر الله وفضله
من اخذ مكاننا الطبيعى
وبالمناسبه يخشى من مكانتك هذه الجميع
لأ .. الجميع بجد علشان كده كلهم ضدك حالياً ..
اشقاء وأصدقاء وحلفاء وأعداء
دى لعبه الهيمنه والإستحواذ والمصالح الجيوسياسيه ..
تدبر من فضلك بهدوء .. تحياتى ..
وكل ده علشان عندى أمل إنك تفهم صح ..
كتبه✍️
أخوكم / عبدالباسط مهدي