كلمتين وبس
![كلمتين للحكومة](img/24/07/26/41082.jpg)
![](https://www.elyoumelekhbary.com/ix/GfX/logo.png)
????????كتب : عبدالباسط صابر
???? انا مع الشعب يوجد غلاء
???? طبعا ناس كتير قاعدة مستنية اني اطلع دلوقت انزل بوست .. اؤيد فيه قرار تحريك سعر المحروقات.
و اقول للناس ان بعد القرار ده الدولة هتقدر توفر في الميزانية 36 مليار جنيه
و ان احنا دولة مش نفطية
و اننا بنعتمد علي الاستيراد للمواد البترولية و انها اسعارها زادت 40% عالميا
و زادت علي مصر 57% " بسبب الزفت تخفيض العملة "
و اوجد المبررات
بس الحقيقة انا لو عملت كده مش هعرف احترم نفسي تاني
انا لا املك في حياتي غير شوية العلم علي شوية الضمير و الاحترام لنفسي ????????♀️????????♀️
♦ف اسمحيلي يا حكومة انا هكلمك المرة دي نيابة عن المواطن المصري
و بما اني املك بفضل الله العلم الاقتصادي
ف اسمحيلي يا حكومة انا هكون محامي الناس بقا
???????? اااه انا من المؤيدين لرفع الدعم
لكن رفع الدعم ده له شروط
لو لم تفي بتلك الشروط يبقا مش من حقك انك تقترب من الدعم ????????♀️????????♀️
اهم شرط في الشروط دي ???????? ان الرواتب و المعاشات تتحمل زيادات الاسعار .. تقدر تواكب التضخم
لكن ده مش موجود علي الارض
اصحاب المعاشات حاطين علي بقهم شريط لاصق و بيقولوا مش هنعيش قد ما عيشنا
و موظفي القطاع الخاص عبييييد عشان انت معندكش قانون يحمي ادميته
و موظف الحكومة انتاجيته 47 دقيقة يوميا عشان معندكش لا ظابط و لا رابط عليه
???? قولنا لا تقترب من السولار لانه اللي متحكم في لقمة الناااااس
و لا حياة لمن تنادي
15% زيادة
????شوف انت بقا عملت ايه :
▪ المواطن كان بيجيب 60 رغيف ب 3 جنيه
اصبح 60 رغيف ب 12 جنيه
كل 3 ايام
الشهر فيه 10 .. 3 ايام
يبقا العيش زاد عليه 90 جنيه في الشهر
▪ السولار زاد 15%
يعني ارتفاع من 50 قرش الي جنيه في وسائل المواصلات
هقول 75 قرش في اليوم لاسرة 4 افراد
يبقا 75 قرش × 2 مواصلة × 4 افراد × 30 يوم
الزيادة 180 جنيه في الشهر
▪ اسعار الادوية ارتفعت من 80% الي 120%
متوسط 100%
يبقا الانتيبيوتيك ابو 60 ج بقا ب 120 ج
لو صنفين دوا
الزيادة 100 جنيه
يبقا اجمالي الزيادات 90 + 180 + 100 = 370 جنيه
▪ زيادة 15% سولار هيقابلها زيادة 15% اسعار سلع " ده علي افتراض ان التجار عندهم ضمير ????????♀️ "
يعني الحد الادني للرواتب اللي هو 6000 ج انخفض قيمته الشرائية بنسبة 15%
ف اصبحت قيمته 5100 ج
بخسارة 900 جنيه
حط عليهم ال 370 جنيه اللي فوق
يبقا المواطن خسر 1270 جنيه
بالله حرام عليك ????????
♦انا معاك ان الاسعار عالميا للمواد البترولية زادت جدا
لكن انت زودتها علي نفسك بخطيئة التعويم ????????♀️????????♀️
و ده مش ذنب الناس
ده ذنبك انك مقدرتش تسيطر علي السوق السودا أمنيا
و هاتلي اي حمار في الكوكب يقولك ان حل الاسواق الموازية حلول اقتصادية .. وانا اديله بالجزمة في ميدان عام
يا اخي ده نظريات ديفيد ريكاردو الاقتصادية معتمدة علي قطاع أمني يحمي التقلبات الاقتصادية ????????♀️????????♀️
ال 17% الزيادة المفرطة بتاعت المواد البترولية اللي بتستوردها .. يسأل عنها حسن عبد الله اللي فرطت منه و معرفش يلمها
لا يسأل عنها 50 مليون مصري في عرض ال 1000 جنيه اللي ذابت ك الملح في الماء دي ????????♀️????????♀️
????و انا شوفت ان الحكومة هتبذل قصاري جهدها عشان تسيطر علي ارتفاع الاسعار
يعني انت عارف ان الاسعار هترتفع
طب انا جيالك من المستقبل و بقولك لو كنت عرفت تسيطر امبارح يبقا هتسيطر بكرة
عارف ليه ???????? عشان معندكش بند و لا مادة دستورية تمنحك الحق ده ????????♀️????????♀️
???? انت بقا گ حكومة هتعاني زي المواطن بالظببببط
ارتفاع سعر السولار 15%
هيعادله ارتفاع تضخم 10% دفتري .. 15% سوقي
يعني الانجاز الوااااو العظيم بتاع تباطئ التضخم ل 26.5% هيوصل ل 36.5% دفتري .. 41.5% سوقي
ف هترووووح تجري علي السياسات الزفت النقدية
عشان ترفع الفايدة تااااني
في وقت كل بنوك العالم هتخفض فايدة
و تعمل شهادات بفايدة مرتفعة تااااني
ف تزود الدين الداخلي تاااااني ????????♀️????????♀️
عشان ايه
عشان الشريحة العرة ام 820 مليون دولار
بتاعت سبتمبر
ده انت شريك في ساوث ميد
يعني كان سهل هشام طلعت يوفرهملك ????????♀️????????♀️
بس واضح ان صندوق النقد الدولي مصمم علي أجندته السياسية
و هنا اوقف كلامي للحكومة
و اخاطب القائد
كفاية كده علي صندوق النقد ياريس
عشان خاطر 50 مليون مصري .. بيتغطوا بالستر و عايشين علي الرضا
انا خلصت كلامي
و مستاءة زيكم و اكتر اقسم بالله .. برغم اني لا باخد دعم و لا مستفيدة من شئ
بس انا بكره التوقيتات الغبية لاتخاذ القرارات الغبية بردو ????????
هذا الشعب غير مستعد حاليا لرفع الدعم الفجائي بسبب احوال العالم الاقتصادية و التضخم العالمي
رفقا .. رفقا يا حكومة
#زيادة_الأسعار
#أسعار_البنزين
#تحيا_مصر