أهلا بكم مع عبده اخبار عالميه ومحليه
????أهلا بيكم مع عبده في..????
???? أخبار الكوكب ????
????كوكب الجمعة ١٨/٤/٢٠٢٥????
????ولو إنت مش متابع الاخبار اللي بتحصل فالكوكب بسرعة حضر كوباية الشاي بالنعناع اللي بيرخي.... الاعصاب حضرتك علشان هناخد لفة فأخبار الكوكب
ومطولش عليكم ... وقولولي لاء طول !!!
???????? روسيا....
????فروسيا بقا إمبارح حصل حاجة زلزلت الجيش الروسي
خير اللهم أجعله خير يا عبده يا ابومحمد !!
????إمبارح المحكمة الروسية حكمت على نائب رئيس هيئة أركان الجيش الروسي بسبع سنين سجن وتجريدة من كل الرتب العسكرية ونفية لجزيرة معرفش فين....
????حاجة كدا زي هيحطوه ف اوضة الفيران يعني وهيمنعوا عنه جميع الاتصالات والمواصلات حضرتك
????يعني حتى العيش والحلاوة محدش هيعرف يوصلهاله ...!!
????هتقولي طب الراجل ده عمل إيه فحياته علشان يعملوا فيه العمله السودة دي يا عبده !!!
دا لو إتجوز إسكندرانية مش هيعملوا فيه كدا ...????
????شوف يا سيدي نائب رئيس أركان الجيش الروسي جنرال فاديم شامارين ده عمل عمله سودة على دماغه ودماغ اللي جابته....
????الجنرال ده واحد من مجموعة مسؤلين كبار فالجيش الروسي متهمين بالفساد في سلسلة فضايح طالت المؤسسة العسكرية فالجيش الروسي
واللي على أساسها إتشال وزير الدفاع الروسي سيرجي شويجوا...!!
????بس الجنرال ده بقا ثبتت عليه التهمة واعترف انه تلقى رشاوي واموال تقدر ب ٣٦ مليون روبل من مصنع في جبال الاورال بينتج معدات الاتصالات العسكرية...
????طب اخدهم علشان إيه بقا يا عبده ....!!
????علشان يزود حجم العقود الحكومية مع المصنع ده بالأخص !!
????منا نسيت أقولكم ان الجنرال ده كان مسؤال عن سلاح الإشارة فالجيش الروسي والمسؤل عن الإتصالات العسكرية وضمان سريتها في ساحة المعركة....!!
علشان كدا نفوه فجزيرة نائية لا فيها اتصالات ولا مواصلات ????
???????? وه الناحية التانية من الكوكب ....
???????? أمريكا....
إمبارح بقا صحيفة بولتيكو كشفت إن عباقرة التكنولوجيا ف البنتاجون اللي هي وزارة الدفاع الامريكية يعني هيقدموا إستقالتهم من اول الشهر....!!
????معرفش ليه اول الشهر بصراحة يمكن عليهم جمعيات ومستنيين يقبضوا المرتب الاول علشان يدفعوا الجمعيات اللي عليهم وكدا ????
????بس السؤال اللي انا مستنيه من حضرتك عزيزي متابع عبده هما مين دول عباقرة التكنولوجيا فالبنتاجون ؟؟
????شوف يا سيدي ....
في وحدة كدا فالبنتاجون إسمها فريق التدخل السريع التابع للبنتاجون و الخدمة الرقمية ودي فيها عباقرة التكنولوجيا هناك
ودي كانت مسؤلة عن إيجاد حلول تكنولوجية سريعة لأي ازمة بتمس الامن القومي الامريكي
????حاجة كدا زي وادي السيلكون !!!
????بس بشكل عسكري ومختص بالتكنولوجيا العسكرية الامريكية
ومن اشهر الملفات اللي إشتغلت عليها مثلا...!!
????انسحاب الجيش الامريكي من افغانستان وازاي قدرت توفر قواعد بيانات فورا واستجابة سريعة للقوات هناك
????هو دا كان إستجابة سريعة !!
اومال لو مكنتش سريعة كان حصلهم ايه اكتر من كدا ????
????دا غير شغلهم في معركة اوكرانيا
????دا غير البرنامج اللي كانوا شغالين عليه لمواجهة الطيارات المسيرة
????الوحدة دي بقا قررت تقدم استقالتها او بمعنى اصح قبلوا الإستقالة اللي قدمها ليهم إيلون ماسك....!!
???????? كمان في أمريكا ...
النيويورك تايمز منزلة إمبارح عنوان ضخم جدا بتقول فيه....
حان الوقت لحماية أمريكا من رئيسها !!
????ليه يا عم الحج ...!!
قالك طور هايج ومحدش عارف يوقفه.... مممم يوقف ترامب يعني ولمؤاخذة ????
????طب ليه يا عم الحج الراجل بيعمل كل ما فيه صالح لأمريكا !!
قالك لاء.... دا نظام إستبدادي يقصد ترامب يعني
????وقالك كمان تراجع سيادة القانون في الداخل الامريكي واستهداف ناشطين طلابيين بسبب مواقفهم السياسية
????وإضافة إلى قراءة في تحولات الدور الأمريكي العالمي وصعود قوى آسيوية بديلة..... يقصدوا الصين طبعا ????
???????? وع الناحية التانية من الكوكب...
???????? الصين...
الصين خلاص.... مبتهزرش !!
وطلع رئيس الصين شي جين بينج وقال...
لأمريكا وش كدا بقا بترفعوا الضرايب علينا !!!
بقا بتحاربونا ف اكل عيشنا !!!
طب اللي يلعب الدح .... ميقولش اح
????وراح يا معلم مطلع قرار بحظر المعادن النادرة على أمريكا !!!
????يا ترى سمعت جملة المعادن النادرة دي فين يا عبده !!!
????ايون ... لما امريكا باعت اوكرانيا واوروبا للروس في مقابل صفقة المعادن النادرة !!
????عرفتوا بقا ليه ترامب من ساعة ما جه وهو هايج على المعادن النادرة في اوكرانيا !!!
هتقولي إيه هي المعادن النادرة دي يا عبده وليه العالم كله هايج عليها ؟؟
????شوف يا سيدي المعادن النادرة دي ١٧ عنصر موجودين فالطبيعة بس بصورة نادرة جدا ومحدش بيعرف يستخلصهم بسهولة
انما الصين بنت العفريتة وصلت لتقنية حديثة جدا خلتها بتستخلص العناصر دي وبتصدرها للعالم
هتقولي طب ايه لازمة العناصر النادرة دي يا عبده ومالهم ملهوفين عليها اوي كدا !!
????شوف يا سيدي يعني عندك من العناصر دي مثلا....
النيوديميوم...
????ودا بيُستخدم في تصنيع المغناطيس اللي بيدخل في صناعة مكبّرات الصوت، وف تصنيع الأقراص الصلبة بأجهزة الكمبيوتر...
????وفي محرّكات السيارات الكهربائية ومحرّكات الطائرات النفاثة
????شوفت بقا مدى أهمية عنصر واحد بس من ال١٧ ؟؟
????عندك مثلا عنصر ....الإيتريوم واليوربيوم
????بيستخدموا في تصنيع شاشات أجهزة التليفزيون والكمبيوتر وهما دول السبب في ظهور الألوان اللي بتشوفها ع الشاشة
????من الآخر كدا طلع توماس كرومر مدير مجموعة غينغر للتجارة والاستثمار الدولي وقال...."المعادن الأرضية النادرة تدخل في تصنيع كل ما يمكن تشغيله أو إطفاؤه من أجهزة".
????إنتوا متخيلين مدى قوة الصين انها بتقدر تتحكم في إنتاج كل الاجهزة فالكوكب !!
هتقولي انت بتهول اوي يا عبده !!
????هقولك يا حبيبي الصين بتنتج ٦١٪ من انتاج الكوكب كله
فسيادة الرئيس الصيني شي جين بينج دلوقتي قاعد على كرسي وقدامه الشيشة وراكب دماغه وحالف بالطلاق مهو مصدر اي عنصر نادر لامريكا غير لما ترامب ييجي يغيرله حجر الشيشة
????ترامب يسكت على كدا ....ابدا !!
ترامب طلع وقال هنجمد التعريفات الجمركية على الصين في بعض المنتجات والمسامح كريم !!!
????يسكت رئيس الصين على كدا .... ابدا !!
????طلع وقال والنبي لو جمدت امريكا كلها انا مش هرفع الحظر عنك غير لما تيجي تغيرلي حجر الشيشة
????وتبدي امريكا إحترامها للصين امام العالم كله !!
????يعني عايزة ييجي يبوس راسه... ????
???????? وع الناحية التانية من الكوكب ....
???????? الهند...
بعد ما كل الطرق و السبل إتقطعت بشركة آيفون الأمريكية علشان تعرف تشغل مصانعها ف الصين !!
راحت الهند وعملت هناك تاني اكبر مصنع للآيفون فالهند بعد مصنع الصين بالشراكة مع شركة فوكسكون الهندية
????بإستثمارات وصلت ل ٢.٥ مليار دولار
????لدرجة ان الهند مسمياه مشروع الفيل
????وبيستهدف انتاج ٣٠ مليون ايفون فالسنة
????يعني الآيفون هيبقا هندي هندي يعني ????
???????? وع الناحية التانية من الكوكب ...
???? كوكب تحيا مصر ????
،???? وفكوكب تحيا مصر ....
الخبر الأبرز والأهم ع الساحة الدولية....
???? نسور الحضارة ????
إيه نسور الحضارة دي يا عبده !!!
أبدا كل الحكاية ان وزارة الدفاع الصينية طلعت وقالت في بيان رسمي انها هتجري تدريب جوي مشترك مع أقوى الجيوش فالمنطقة.....
????اللي هي مين يا صين ...؟؟
قالك القوات الجوية المصرية
والتدريب ده هو الاول من نوعه في تاريخ البلدين والمنطقة كلها ....????
????خد بالك.... هما اللي قالوا مش إحنا ????
????وقالوا كمان ان التدريب هيقعد ١٥ يوم وهيشمل أسلحة وطيارات مقاتلة وطائرات استطلاع وتخفي وسيطرة جوية وإنذار مبكر لم يشهدها العالم بعد !!
????يعني طيارات وأسلحة لسه بالتكت بتاعها ????
????شكلهم كدا هيجيبوا الاطباق الطائرة بتاعة الفضائيين اللي كانوا بيزاولوا بيها أمريكا ????
????طب ليه يا جدعان كدا بشويش علشان في ناس هتدايق !!!
????قالك المناورة دي ستعزز الصداقة والتفاهم بين البلدين
أنا بصراحة إشتريت على كدا. ????
????طيب ليه احنا بنعمل مناورات يا عبده ...!!!
????مع امريكا مثلا زي النجم الساطع
????وزي المناورات مع فرنسا فالبحر المتوسط
????وزي المناورات مع القوات الجوية الصينية
????وزي مناورات الصداقة مع روسيا...!!
????شوف يا صديقي وهقولك رأيي الذي ليس له اي قيمة على الإطلاق ..... بصوت كابتن متحت ????
????الجيش المصري مبيشتريش سمك فمية !!!
????يعني بالبلدي كدا الجيش المصري بعد دراسات وابحاث بيشوف هو عايز يطور ويحدث انهي سلاح عنده مثلا
????وبعد ما يعمل دراساته وأبحاثة وبيختار البلد اللي هيشتري منها السلاح بيقولهم احنا مش هنشتري السلاح ده غير بشرطين !!
اول شرط انا مبشتريش سمك فمية ..!!
????انتوا تجيبوا السلاح وتجربوه مرة واتنين وتلاتة فمناورة بينا وبينكم...!!
????مش جايز ميكونش مناسب للأجواء المصرية !!
وكمان علشان رجالتنا يتدربوا عليه كويس !!
????طب وتاني شرط....!!!
هناخد اول دفعة منكم بس تاني دفعة مش هناخدها من عندكم ...
اومال هتاخدوها منين ....!!!
انتوا تيجوا تنورونا فالبلد وتفتحوا مصنع عندنا وتنقلوا التكنولوجيا دي عندنا ونطوره مع بعض ونصنع قطع الغيار بنفسنا ونصدرها كمان
????خد بالك بقا هو ده هدف الجيش المصري فكل الاسلحة من ساعة ما مسك عبدالفتاح السيسي
علشان كدا هتلاقي المنطقة الصناعية الروسية فيها مصانع للتصنيع العسكري
????ومدرسة ومصنع داسو الفرنسية في حلوان علشان تصنيع قطع غيار الرافال
????دا غير الترسانة فالاسكندرية اللي بتصنع الفرقاطات الفرنسية والالمانية
????كل دا بقا كوم..... وانك بتقول لترامب كش ملك كوم تاني !!!
هتقولي إزاي يا عبده !!!
شوف يا سيدي ...
????العلاقة بين الجيش المصري والبنتاجون علاقة إستراتيجية فوق مما يستوعبه اي عقل
والبنتاجون ديما عارف ومتأكد وعلى إستعداد يقدم الغالي والرخيص لمصر بشرط ميخسرش العلاقة الإستراتيجية دي وحط تحتها خط.... لا انت تحط تلات اربع خطوط يا معلم
????وعلى مر العصور والسنين لما الدولة المصرية بتختلف مع الرئيس الامريكي مهما كان إسمه في اي ملف ديما اللي بيتدخل ويوقف الرئيس الامريكي عند حدوده مع مصر هو البنتاجون .... قولا واحدا
????للحفاظ على العلاقة الإستراتيجية دي
????وبالمناسبة ده حصل مع اوباما سنة ٢٠١٣
????وأيام مبارك كان بيحصل خلاف كتير وخصوصا بسبب ملف القضية الفلسطينية
طب و دلوقتي !!!
????دلوقتي المشكلة ان ترامب أصلا حاطط على البنتاجون عنده وغير كل القيادات...
????فالبنتاجون نفسه مش خلصان من ترامب ????
????فالحل إيه بقا.....!!!
انك تقول لأمريكا بالفم المليان...... كش ملك
????وإن المناورات بين مصر والصين ... دي البداية !!
وبشوقكم بقااا ????
،???? كمان فكوكب تحيا مصر....
زيارة الرئيس السيسي لقطر وللكويت !!!
لا هي مش زيارة إقتصادية وبس...!!
????لا دا انت بتكون جبهة وتحرك ديبلوماسي مدروس للوقوف ضد المخطط اللي بيحصل فالمنطقة
المخطط اللي بيحصل فالمنطقة أفظع مما يستوعبه اي عقل بشري لو العرب متجمعوش على كلمة واحدة المنطقة كلها هتكون تاريخ !!!
ف مصر بدورها الاخت الكبيرة عليها النصيحة وبشوقكم بقااا
،???? كمان فكوكب تحيا مصر....
غلق سلاسل وفروع بلبن....!!!
ووهمي وكرم الشام وبلح الشام وكلها اسماء ما تعرف بارد من حامي
طب هو ايه اللي حصل يا عبده !!!
لا خالص .... كل الحكاية انت فعلت القانون
فبتالي كل قرد هيلزم شجرته
????القصه مش غسيل اموال ...القصة هي حركة الفلوس علي الانظمه البنكيه وخصوصا لما تكون بالحجم المهول ده بدءا من التمويل وانتهاء بالمصب
وحط تحت كلمة المصب دي تلات اربع خطوط
????مش قولتلكم ان الدولة المصرية ماشية بمبدأ....
أخد الحق حرفة ????
،???? كمان فكوكب تحيا مصر....
البوست والكلام اللي داير وبيضحكوا بيه على الشباب المصري اللي مش فاهم جغرفيا وبيقنعوا الشباب المصري
ان حم????اس هي اللي هتصد العدوان عن مصر فلازم نحافظ عليها علشان هي اللي بتحافظ على حدودنا بين مصر وإسر????ائيل
????شوفي يا حبيبي .... وبص على الخريطة كدا وخد شفطة شاي وفتحلي دماغك وبلاش حد يلعب فدماغك...
الحدود المباشرة بين مصر واسرائيل 268 كم
منهم 14 كم بس هي حدود مباشرة مع غزة
????يعني مصر بينها وبين اسرائيل ٢٥٠ كيلوا حدود حضرتك كحماس مش موجود فيها
حاجة كدا زي المسافة بين القاهرة واستغفر الله العظيم إسكندرية ????
????والجيش المصري عارف يحميها كويس جدا
????تاني حاجة بقا والنبي سلاح ولمؤاخذة المقاومة اللي هيموتوا عليه اللي مقدرش يمنع وقوع اكثر من 60 الف شهيد و100 الف مصاب ، وتدمير غزة كلها هيقدر يدافع عن 120 مليون مصري...... إكنيعني حضرتك !!!
????فلما مصر تقول نزع السلاح.... يبقا تنزع السلاح والجزمة فبوقك وتسكت
كفاية كدا ...... وتقعدوا بالعافية
???????? يديمك ????????
بيعيرونا بفقرنا....... بس انا مش هسكت
????عبدالفتاح السيسي
والسلام عليكم ورحمة الله وبركاته
????تحيا مصر ????????
????تحيا مصر ????????
????تحيا مصر ????????
عبدالباسط صابر
@إشارة
⇧
