الحرب بين أمريكا و الصين ليس عسكرياً ولكن إقتصاديا
????????????????الحرب بين أمريكا و الصين ليس عسكرياً ولكن إقتصاديا ????????????????
????يمكن اللي متابعني من بدري، هيعرف اني كنت اؤكد دايما فكرة ان الصين وامريكا الحرب بينهم مش عسكرية، وان الخوف الامريكي من الصين مش عسكريا او سياسيا... انما اقتصاديا.
????وان امريكا انقلب عليها سحر العولمة، بل من اكتر الدول اللي شربت مقلب العولمة رغم انها اللي ابتدعته... كمان كنت كل ما يقولوا الصين هتاخد تايوان، اقولهم الصين لسا مش مستعد عسكريا لحرب مع امريكا، وتايوان تحت رجل الصين مش فارقة معاها.
????بل ان الصين لعبتها بحنكة وده غير اعتيادي مع امريكا اكتر من روسيا، وعدوا من فخ تايوان، وقدروا يطلعوا من ولاية اوباما وبايدن بمكاسب قوية، وقدروا يديروا صراع امريكي بشكل محترم.
????هنا تعرف ان السياسة الصينية تطورت نوعا ما، لكن مش بقوة ولا بقت بالمرونة المطلوبة، لان عندها عيب قاتل، وهي مازالت لا قادرة تتنازل او تتعامل معه صح، وهو علاقة الصين المضطربة مع اغلب دول الجوار.
????ترامب من أول يوم قولنا، هو عارف انه الخطر الحقيقي والمباشر على امريكا وهيمنة امريكا، مش روسيا واكيد مش ايران او الشرق الاوسط، كل ده حرق بنزين على الفاضي، بل ان ترامب بيلعب لعبة قمار مع الروس دلوقتي عشان يقدر يلاعب الاوروبيين، وهو رهان محفوف بالمخاطر.
????لكن هو عارف ان العدو او الخطر هي الصين، طب نعمل ايه....!
كان المحاولات كتير يلا نطلع بديل بنفس مقومات الصين، مواد خام .. عمالة وفيرة ... رخيصة ... وتنفع تبقى مصنع العالم، او تسحب البساط من الصين (الهند) او مجموعة دول (شرق اسيوية
) لكن ده حل كمسكن او بمعنى اصح عشان بس تغلس على الصين.
????لان الهند وامريكا صحيح بنهم علاقات كويسة، لكن الثقافة الشعبية مختلفة، عندهم ازمات كتير، والاهم الهند عندها الطموح القوي في الريادة، فمستحيل اديها صوباعي.
????يبقى لازم امريكا نفسها تدخل الملعب، وتتحمل كل الخسائر لان اي خسارة هتكون ابسط من اي خيار تاني، لو لعبوها صح.
????طب امريكا كانت مستنية ايه...!
ان الصين تجيب ورا، وتقوله عم سام، احنا اسفين ... وهنعمل الي انتوا عايزينه، وطبعا دي احلام العصر.
????لان الصين نفسها، برغم انها مكنتش مستعدة لحرب عسكرية، لكنها استعدت لحرب تجارية، بشكل كبير، وده ظهر في ردة الفعل الصيني، والصين هتلعب على قدرة امريكا في تحمل الاعباء، وهل يتراجعوا سريعا او لا!!؟
????الحقيقة ان الامريكان فعلا علقوا الرسوم لكل الدول الي عليها 10 % ومنها مصر، لمدة 90 يوم، وانهاردة خرج اخبار ان مصر ممكن يتم رفع عنها الرسوم دي، لو حصل تسهيلات من مصر في جوانب اخرى غير جمركية، زي الشحن وبعض الشهادات، او حظر استيراد انواع معينة من هناك.... الخ الخ
????طب الخطة الامريكية باختصار مخل جدا جدا...
هو جرب سياسات كتير، منفعتش، فهو مضطر دلوقتي للانكماش ثم الانعزال، يعني هيلم تريليونات من السوق، وده ردة فعل طبيعية، وينغلق على نفسه، ويبدء ينتج تاني.
????عشان كده هتلاقي ترامب بيقولك يا عم الفحم كويس وحلو، وهنستخدمه في الطاقة، لانه عايز يقفل على نفسه يستخدم كل موارد الطاقة اللي عنده ويديرها بشكل استراتيجي.
????وطبعا الحرب التجارية دي مستمرة بين امريكا والصين، وصلت ان #ترامب أعلن رفع الرسوم الجمركية على الصين إلى 125% من 104% وبأثر فوري... متخيل الرقم!!
????طب نتيجة للعولمة، هل المواطن الامريكي يتحمل ده...! ويصبر ويكون مواطن صالح عشان بلده ... ده رهان مهم، خاصة ان الديمقراطيين طبعا مش ساكتين، واباطرة التكنولوجيا بيفكروا يمارسوا ضغوطات وعقاب جماعي على ادارة ترامب، والديمقراطيين شكلوا لجنة وفي انعقاد مستمر، وفي انتخابات جاية.
????طب هل مع كل ده ... امريكا هتضرب ايران .....! لا
????لانهم مش حمل مصاريف، ولا رد ورد مضاد، ولكن طبعا على حسب برده مسار المفاوضات، وتحيد ايران عن الصين وروسيا، لان الاصل في الامر ان ايران صناعة غربية، وعدو للروس... ايوة والايرانيين كان لهم دور في سقوط الاتحاد السوفيتي، ولهم دور في انهيار العراق، وغزو افغانستان وغيره...
????واصلا ايران بالنسبة للصين وروسيا دلوقتي، عبء مالوش فايدة، مش عايزينها دولة نووية، ولكن مش تختفي من الوجود برده، لانها اداة... وده نفس رأي الامريكان.
????وغالبا ايران هتسمع الكلام، لان المرشد الايراني، مستعد يضحي بكل حاجة، وكل رجاله، الا الكرسي، او ان ايران تنهار تماماً.
????مشكلة تحركات ترامب ايه!! انها احادية وغير مرتبة، بمعنى مفيش تمهيد لها بتوفير البديل، وان ترامب لما يطير كل الاجراءات بتاعته بخ.
????عشان كده في قلب العشوائية دي والتخبط، لازم نكون عاملين حسابانا على كل السيناريوهات وواعين كويس للي بيحصل حوالينا.
????عبدالباسط صابر
⇧
