الاتحاد العالمي لعوالم الاخون
????????????الإتحاد العالمى لعوالم الإخوان .. !!
ا---------------------
????من يومين فيه حاجة كدة إسمها "الإتحاد العالمى لعلماء المسلمين" ... حاجة كدة فخمة .. وإسم يخض ... طلّع بيان .. المفروض إنه بيخاطب الأمة كلها ...
????طب مين "الإتحاااااااااد العالمى لعلمااااااااء المسلمين" ده !؟
???? ده ياسيدى إتحاد "مجازاً" أسسه فى 2004 _الم.حوم_ (حط الحرف الصحيح مكان النقطة) يوسف القرضاوى الملقب بمفتى الناتو ... وتم الإعلان عن تأسيسيه فى لندن .. ومقره الرئيسى طبعا فين !؟ .. فى الدوحة ..
واخدلى بالك من التوليفة الحلوة دى !!
????و ده كان جزء من تمهيد الأرض بخلق كيان دينى وهمى ، يكون أولاً بديل عالمى للأزهر الشريف .. وثانيا لكى يتم إستخدامه وإستخدام فتاويه لتدعيم فيما عرف لاحقا بثورات الهباب العربى ، أو الفوضى الخلاقة ...
.
????ده لأن القرضاوى بصفته رئيس ومؤسس الكيان ده ، هو اللى أفتى بعد كدة بشرعية ال*ج*ها*د ضد الأنظمة العربية .. وأفتى بــ ق*ت*ل القذافى وبشار الأسد .. وجواز ضرب الناتو وأميريكا للدول العربية .. ودعّم الإتحاد ده من خلال فتاوايه ، كل جماعات التأسلم السياسى اللى بتهد الدول العربية تحت مسمى الثورات فى ليبيا واليمن وسوريا ومصر وتونس ... و دعم الإتحاد بشدة جماعة الإخوان فى مصر .. ووقف ضد 30 يونيو .. وماتلاقيش أى خراب إلّا وتلاقى الإتحاد ده بيؤيده .. ومؤخراً دعم بشدة اللى عمله الجولانى فى سوريا .. وأرسل وفد كامل لمقابلته فى دمشق وإعلان دعم الإتحاد له .. وطبعاً دعم "سماح" فيما ذهبت إليه من أفعال أدت إلى تدمير القطاع ، وبيلم أصوات دلوقتى لدعم "عزة" ... لكن طبعا الضفة الغربية مش تبعه .. ما أخدوهاش فى الكلاس ????
????وعلشان كدة فــ الإسم الأدق والأصح للإتحاد ده .. هو الإسم اللى حطيناه فى عنوان المقال ????
.
????المهم إن الإتحاد ده أصدر بيانًا، شديد اللهجة، (أستر يارب) ..
بيقول إييه بقى البيان .. !؟
وموجه لمين !؟
???? البيان بيقول ويؤكد على "وجوب الجهاد المسلّح ضد الاحتلال الإخرائيلي .. داعيًا إلى حصاره برًا وبحرًا وجوًا، ومشدّدًا على ضرورة التدخل العسكري الفوري من قِبل الدول الإسلامية لدعم المقاومة الفلsطيnية على المستويات العسكرية والمالية والسياسية !! ...
كلام جميل وهايل جداً .. وبيجيب لايكات كتير ..
.
????طب وقال إييه كمان البيان !؟
???? البيان طالب بمراجعة المعاهدات المبرمة مع الاحتلال، وقطع العلاقات السياسية والاقتصادية والثقافية معه، ومقاطعة كل الشركات الداعمة له ..
.
????حلو كدة !؟
لأ طبعا مش حلو ..
ليييه !؟
????لأنه مع حالة الهجوم الإعلامى الممنهج على مصر والجيش المصرى (فقط) .. وبنقول تانى (فقطططط) .. والضغط الغير مبرر من خلال حملات اللجان الأليكترونية على كل منصات السوشيال ميدياً ضد مصر ومحاولة إستدرار عطف المصريين وإبتزاز مشاعرهم الإنسانية .. مع تضخيم مشاعر الإحساس بالذنب تجاه مايحدث فى غزة ، وكأن مصر هى المسئول الوحيد عما يحدث هناك .. فــ يأتى توقيت إصدار البيان .. وكأنه موجه لمصر تحديداً دوناً عن أى دولة أخرى .. وبالذات بعد ماذكر موضوع مراجعة جميع المعاهدات المبرمة مع الكيان ! .. يعنى يقصد كامب ديفيد .. اللى هى اصلا اصبحت حبر على ورق !!!!
.
✔️ طب هل البيان إتكلم عن الدول اللى عملت تطبيع مع الكيان !؟
... لأ
✔️ طب هل البيان إتكلم عن الدول اللى على أراضيها قواعد عسكرية بــ يتم إستخدامها لدعم الكيان فى عملياته العسكرية ضد القطاع !؟
... لأ
✔️ طب هل الإتحاد ده إتشملل قبل كدة ، وطلع بيان يهاجم فيه إحتلال جيش الكيان مؤخراً للأراضى اللبنانية أو مزيد من الأراضى السورية !؟
.... طبعاً وقطعاً لأ
.
أاااه .. معلش .. أصلى نسيت أقولك إن الم.حوم القرضاوى كان أفتى إن الدين لم يأمرنا بقتال اليــ%%هــو%%دد ...
عرفنا بقى لييه قولنا إن الإسم الصح للإتحاد ده هو "الإتحاد العالمى لعوالم الإخوان" ! ????
.
???? على فكرة ..
الجهاد ضد العدو هو فرض كفاية .. يعنى إييه فرض كفاية !؟ .. يعنى إذا قام به البعض ، سقط عن الكل .. زى الأذان كدة ...
لكن على مدار سنين من الخطاب الإخوانى الموجه .. واللعب على مشاعر المصريين .. تم ترسيخ فكرة إن الجهاد ضد الكيان هو فرض عين على "مصر" فقط ... مصر وجيش مصر بس ????
.
والمشكلة إن الإحساس ده إترسخ عند معظم العرب ..
إن مصر هى اللى لازم تحارب ..
مصر هى اللى لازم تتحرك ..
مصر هى اللى لازم تضرب ..
وإفتحوا الحدود يامصاروة باش نحرر الأودس ... وكأن مصر قافلة باب الأودس ، وحاطة المفتاح فى جيبها ومش عايزة تعطيه لحد !!
.
⬅️ سوريا لها حدود مع فلsطيـn وتمتلك معابر ..
⬅️ لبنان لها حدود مع فلsطيـn وتمتلك معابر ..
⬅️ الأردن لها حدود مع فلsطيـn وتمتلك معابر ..
???? عمرك سمعت حد بيطالب الدول دى تفتح لهم الحدود علشان يحرروا الأودس !؟
وناهيك طبعا عن إن فلsطيـn لها سواحل ممتدة على البحر المتوسط .. يعنى ياسيدى لو الدول اللى لها حدود مع فلsطيـn كلهم متواطئين .. طب ما البحر موجود ..
.
????لكن لأ .. لا دول ولا معابر ولا بحر ولا أى حاجة من دوول ..
هى مصر مافيش غيرها اللى لازم تحارب ..
????ولو ماحربناش .. نبقى عملاء .. وجيش متـsهيـn .. وبعنا القضية
وعلى فكرة .. إحنا مانقصدش بــ كلامنا ، حد بعينه ، أو شعب بذاته .. لكن ده شعور عام عند معظم العرب .. إن مصر هى اللى لازم تشيل الطين على دماغها ، بغض النظر عن مصلحتها ومصلحة أمنها القومى ... برغم إنه مافيش حد ضحى علشان القضية ودافع عنها وشالها على اكتافه أكثر حتى من أهلها ، قد مصر والمصريين ..
.
????يكفى إنه حتى فى الأحداث الأخيرة من أول 7 أكتوبر 2023 لحد النهاردة ، ومصر هى اللى واقفة زى الصخرة للحفاظ على الرمق الأخير من إستمرار القضية برفض التهجير وعدم ضياع الأرض .. وحتى على مستوى المساعدات الإنسانية .. فــ مصر أدخلت 70% من إجمالى المساعدات اللى دخلت القطاع خلال سنة ونصف كاملة برغم ظروف مصر الإقتصادية الصعبة .. فى حين إن العالم كله بشرقه ، وغربه ، وعربه ، وعجمه .. أدخلوا 30% فقط !!!
.
إجمدوا يامصريين .. وماتخلوش حد يلعب على عواطفكم وإحساسكم بالذنب .. لأن اللى جاى أصعب .. فــ ماتخلوش حد يبتزكم إنسانياً
.
⭕️ كلمة اخيرة ..
ماتخلوش حد يستخدم الدين كحصان طروادة علشان يدخل جواك .. ويخليك تخسر بلدك كل المكتسبات اللى حققتها بيك .. وعلشان كدة فيه نقطتين مهمين لازم نبقى فاهمينهم كويس يامصريين:- ..
.
⛔️ قضية فلـsطيـn كدولة محتلة ، هى قضية تخص الشعب الفلسطينى أولاً ثم الدول العربية ثانياً ثم المجتمع الدولى ثالثاً .. وليست قضية تخص مصر وجيش مصر فقط ! .. واحنا لما ارضنا كانت محتلة .. احنا اللى دفعنا الثمن وحررناها .. وماروحناش لحد وقولناله إلحقنا !
.
⛔️ قضية القدس كحرم إسلامى ، هى قضية تخص الدول الإسلامية أولاً ثم الدول العربية ثانياً ثم أهل القدس ثالثاً ثم المجتمع الدولى رابعاً .. وليست قضية تخص مصر وجيش مصر فقط !
.
فــ ماتسمحوش لحد انه يلعب على مشاعركم ، ويشيلكم الشيلة لواحدكم ويقف يتفرج عليكم وإنتم بتقطعوا شراينكم من فرط إحساسكم بالذنب ..
.
لو هــ يكون فيه تحرك .. يبقى نتحرك كلنا ... ومصر والمصريين ساعتها هــ يبقوا فى الصفوف الأمامية ... لكن مصر مش هــ تتحرك لواحدها بكل ماقد يترتب عليه التحرك ده من خسائر اقتصادية وبشرية وعسكرية ، إلا لحماية أمنها القومى ولوأد أى تهديد مباشر على المصريين وعلى ارض مصر ... وفقط
.
حفظ الله مصر برئيسها وجيشها وشعبها ????
.
#تحيا_مصر ????????????????
#مصر_أم_الدنيا_وهتبقى_قد_الدنيا
⇧
