اهلا وسهلا بكم مع عبده

????أهلا بيكم مع عبده في....???? ???? أخبار الكوكب???? ????كوكب الجمعة ١٤/٣/٢٠٢٥???? ????????????ولو إنت مش متابع الأخبار.....!!! بسرعة نحضر القطايف واللطايف علشان هناخد لفة في أخبار الكوكب... ????ومطولش عليكم.... وقولولي لاء طول... ????♦️ روسيا.... ????المعلم بوتين لبس المموه....!! إيه..... بتقول إيه يا عبده ؟؟ بقولك المعلم بوتين لبسلهم المموه وراح تفقد مركز العمليات التابع للجيش الروسي في كورسك هتقولي طب وإيه يعني يا عبده !!! ????هقولك لاااء خد نفس كدا واستهدى بالله علشان كل اللي فات دا حمادة واللي جاي حمادة تاني خالص.... ????علشان بوتين بيحارب من سنة ٢٠١٤ لما اخد جزيرة القرم وبعد كدا دخل على اوكرانيا وقعد يحارب ٣ سنين يا مؤمن وأخد تلت اوكرانيا وفلس اوروبا إقتصاديا وركع اقتصاد امريكا ومع ذلك كان لابس بدلة عادية خالص وبيتعامل ويكأنها عملية عسكرية لتأمين حدود روسيا ????دا حتى يا مؤمن قائد فاجنر قلب عليه سنة ٢٠٢٤ وكان على حدود موسكو ومع ذلك ملبسش البدلة العسكرية...!!! ????يقوم ييجي النهاردة يلبس البدلة العسكرية !!! ????هنا بقا لازم تاخد شفطة شاي وتفتحلي مخك كدا علشان اللي جاي مفيش فيه هزار خالص... اولا لازم تفهم ان رئيس اي دولة لما يلبس البدلة العسكرية فدا معناه انه هيدخل حرب فهمي نظمي رسمي... ????طب بوتين لبس ليه البدلة العسكرية رغم انه بالورقة والقلم الجيش الروسي منتصر ومسيطر على الارض ????حتى الثغرة اللي عنده اللي فمنطقة كورسك خلاص حاصرها تماما من جميع الجهات وقطع عن القوات الاوكرانية فيها كل طرق الإمداد زي ما وضحنا في اخبار الكوكب اللي فاتت ????مش كدا وبس دا الوفد الروسي فرض كل شروطه على الوفد الامريكي فالسعودية وتمت الموافقة عليها !!! ????الله ....طب إيه اللي حصل يا عبده يخلي بوتين يلبس البدلة العسكرية !!! ????????أقولك انا.... ????فرنسا وإنجلترا وكل الدول الاوروبية قرروا رسميا مساندة اوكرانيا.... ????هتقولي وإيه الجديد يا عبده طب ما هما من اول الحرب وهما بيساندوا اوكرانيا....!! ????ااه كانوا بيساندوها بالفلوس والسلاح بس....!! ????انما من يومين عملوا إجتماع وقرروا يدخلوا الحرب رسميا ضد روسيا ????دي انجلترا نفسها قررت ترسل الجيش الانجليزي لأوكرانيا رسميا.... ????قال إيه لحفظ الامن في اوكرانيا....!! ????ولحفظ اتفاق وقف إطلاق النار في اوكرانيا..!! ????هنا بقا بوتين قالهم لاااا انا مبكلش من الكلام ده ????ولا يلدغ المؤمن مرتين من جحر واحد ????سنة ٢٠١٦ قولتوا نعمل إتفاقية وعملنا إتفاقية مينسك وقولنا يا دار ما دخلك شر ????اذ فجأة لقينا الإتحاد الاوروبي وحلف النيتو بيسلح اوكرانيا وبيدرب الجيش الاوكراني ولولا اتفاقية مينسك دي كنا فسحنا اوكرانيا كلها فيومين تلاتة مش حرب ف تلات سنين...!!! ????لو سألتني وقولتلي طب يا عبده. إيه اللي فدماغ بوتين ؟؟؟ ????هقولك بوتين مش مآمن لإتفاق وقف إطلاق النار تماما رغم انه بشروط روسيا حرفيا ????بوتين حاسس انه فخ....!! وحط تحت كلمة فخ دي تلات خطوط ????علشان كدا بوتين لبس البدلة العسكرية وقالهم انا جاهز للحرب العالمية !!!???? ????♦️وع الناحية التانية من الكوكب... ????أمريكا.... ????لا امريكا مين.... والناس نايمين يا اسطى ???? ????دا إيلون ماسك طلع وقال.... لو مسرحناش كل موظفين الحكومة ومعاهم الجيش طبعا ولو معملناش خطة تقشف للموازنة والموارد..... امريكا هتفلس ????اه والله قال بالفم المليان كدا .... امريكا على وشك الإفلاس يا ولاد كوم شكاير الكلاب ????ياااخي سبحان الله.... سبحان المذل ????كل كلاب السكك بقالهم عشر سنين بيقولوا مصر هتفلس تقوم امريكا هي اللي تفلس.... او تفلقس واتيفر يعني ????????مش كدا وبس.... ????يقوم يطلع ترامب امبارح يقول.... والله يا رجالة أنا شايف ان كندا دي هتبقا ولاية امريكية حلوة اوووي.... وجميلة اوووي وراح شادد نفسين من الصنف اللي بيشربة وقال.... ????طب اقولكم ع الكبيرة...!! ????انا ممكن أسيبهم يحتفظوا بالنشيد الوطني بتاعهم طب والله انا هموت واعرف الراجل ده بيضرب إيه....!! اصله صنف فاخر من الآخر دا بيضرب التصريح بالليل من ????????هنااا وتاني يوم يقول محصلش وماقولتش كدا.... انتوا اللي فهمتوا غلط ???? ????دا قعد يقول غزة والريفيرا وههجر الفلسطينيين....!! ????ولما مصر ورته العين الحمرا ... و دوقته حتة من طرف المعلقة طلع إمبارح مع الرئيس الأيرلندي وقال... ????لا تهجير للفلسطينيين..... مين اللي قال كدا !!! ????مش كدا وبس.....!! ????دا ساب اللقاء وساب الإتفاقيات وساب كل حاجة بتحصل فالكوكب وقال لرئيس الوزاراء الإيرلندي..... الشراب بتاعك يجنن ???? ????اااه والله... مش ألش مني دا حصل بجد!! ????تخيل يا صديقي ترامب ساب كل حاجة بتحصل فالكوكب وركز فالشراب اللي لابسه رئيس وزاراء ايرلندا ????يا رجالة .... حد يشوفلنا الراجل ده بيشرب إيه ومخليه متسلطن كدا ... ????مهو مش ممكن التصريحات اللي بيضربها كل يوم دي ???? ????هو بيني وبينكم يعني أنا مش عايز اتكلم فموضوع الشرابات ده علشان الإسكندرانية ميزعلوش مني ???? ????♦️ وع الناحية التانية من الكوكب.... ???????? كندا... ????هو بعيدا عن الهرتلة اللي بيهرتلها ترامب بخصوص كندا... وبعيدا عن ان كندا هددت بقطع الكهرباء عن امريكا في حالة ان امريكا فرضت جمارك على المنتجات الكندية.... ????اه منا نسيت اقولكم ان أمريكا بتستورد كهربا من كندا وكندا بكل أريحية الدنيا قالت لترامب هتزود يا حبيبي جمارك على منتجاتنا هنزود عليك اسعار الكهربا وبالتالي انت هتزود اسعار الكهرباء على الشعب الامريكي هتبمبك اكتر هنقطع عنكم الكهربا...!!! ????هنا ترامب رجع فكلامه ووقف الجمارك عن كندا ????وطلع حلف طلاق تلاتة ان كندا هتدفع التمن غالي لدرجة ان التاريخ هيخلد العقوبات دي بس سيبك بقا من كل ده.... الضحك كله والمسخره كلها لما وزير خارجية امريكا راح كندا بسرعة علشان يحل المشاكل اللي بين امريكا وكندا ????خد بالك دي زيارة رسمية .... اوم مين بقا اللي إستقبله....!!! لا مش رئيس وزاراء كندا الجديد!! ولا القديم..... مممم ولا وزير خارجية كندا ????اللي استقبله فالمطار رئيسة جمعية الرفق بالحيوان ومسؤلة دار أيتام في كندا..... اه والنعمة ???? ????حاجة آخر مسخرة والله ???????? هتلاقوا الخبر تحت فالكومنتس ???? ????♦️وع الناحية التانية من الكوكب.... ???????? سوريا... ????وفسوريا وبعيدا عن الإعلان الدستوري اللي الرئيس عمل نفسه فيه إله وممنوع ان حد يقدر يعزله او يقرب منه او حتى يلمسه أحمد الشرع عمل حتة دين حركة هتخلي السعودية تقلب عليه....!! احمد الشرع استضاف إتحاد العلماء المسلمين علشان يباركوا الدستور الجديد... ايون زي ما حضرتك فهمت كدا اتحاد علماء المسلمين اللي كان الرئيس بتاعه مين بقااا ????شاطر يا حبيبي .... اللي كان رئيسه المفحور يوسف القرضاوي طبعا السعودية هنا قالتله يا حلو بانت لبتك.... اول ما دابت قشرتك تحرم عليا محبتك وراح اتوب عن سكتك اااه يا قفاا ....يا قفاا ????كمان في سورياااا النهاردة في ١٠٠ واحد من شيوخ وكبار الدروز كانوا في زيارة رسمية لإسرائيل وهيعلنوا الدولة الدرزية فالجنوب السوري ????مش دي المصيبة.... المصيبة ان العلم بتاعهم استغفر الله العظيم بتاع السيكو سيكوو تخيلوا ان علم دولة ريمبووو هتلاقوه تحت فالكومنتس ????♦️ وع الناحية التانية من الكوكب ???????? إثيوبيا... ????دولة الكوميديا والله... بقالهم إسبوع بيعلنوا عن إفتتاح المصنع العالمي الدولي لصناعة الطيارات المسيرة ????انا قولت لا بقا دا هيبقا ولا إفتتاح المجمع الصناعي العسكري في صحراء نيفادا الامريكية وكدا وبعدين ببص....!!! ????لقيتهم جايبين صوان وطقم كراسي ودي جي ????قولت فبالي هو دا افتتاح مصنع حربي ولا حنة ام شيماء ???? ????بس مش مهم المهم انا عايز الشوف المصنع بصوا .... زي ما هتشوفوا تحت فالكومنتس كدا والله ورشة سمكري عربيات على ترعة المريوطية وقال إيه ... دا اكبر مصنع في إفريقيا لإنتاج الطيارات المسيرة دا السمكري اللي بعمل عنده عربيتي ورشته اكبر منه والله ????♦️ وع الناحية التانية من الكوكب... ???? كوكب تحيا مصر???? ???????????? وفكوكب تحيا مصر.... ???????? ????السنة اللي فاتت عيشنا مع بعض حملة ممنهجة من الإشاعات على السوشيال ميديا ضد مصر من اول الهانم اللي خطيبها وحيد امه وأبوه اللي دخل الجيش وراح ليبيا ومرجعش ????لحد الطماطم اللي عضها الحنش ????مرورا بالفينو... والكهربا اللي قطعت ع الأسانسير لحد الطلبة بتوع الثانوية اللي نزلوا القهوة علشان يذاكرو ????والناس اللي بتتخطف فالشارع بشكة دبوس علشان يسرقوا اعضاؤهم ????كلها حمالات ممنهجة على السوشيال ميديا لتكدير السلم والامن العام للشعب المصري ????بس كل اللي فات ده تقريبا كدا كانوا صبيان أهل الشر والتنظيم الدولي لأهل الشر ????ولما فشلوا فشل ذريع قالك باااس احنا ننزل بالتقيل... اااه ما اللي فات دا كان لعب عيال والصبيان بتوعهم فشلوا فيه ينزلوا بقا بالتقيل....!!! ????طب خير يا جماعة اللهم إجعله خير !!! ????قالك اللاجئين...... مالهم يا سيدي اللاجئين ؟؟ اصل الدولة نايمة على ودانها !!! لا يا حبيبي الدولة مش نايمة على ودانها ولا حاجة ????وملف اللاجئين دا ملف أمن قومي مش سارحين كدا في ملكوت ربنا ولا هي سايبة ????وكل السوريين اللي فمصر دخلوا ف السنة اللي حكمها الإخوان ????اما السودانيين فدول قصة تانية خالص..!! ????طب هل الدولة ساكتة ????ومبتتحركش فالملف ده ؟؟ لا خالص..... بقولك دا امن قومي حضرتك ????ولا أي مبقع ولا مبقعة ع السوشيال ميديا يعرف عنه حاجة علشان يهبد فيه هتقولي بس يا عبده الدولة لازم تتحرك....!!! ????ايوا يعني حضرتك عايز الدولة تعمل إيه مع ١٥ مليون لاجئ...!! تلمهم كلهم ف إتوبيسات وترميهم فالبحر مثلا؟؟ ????كان غيرك اشطر.... دي امريكا بترامب الفتوة بتاعها مش عارف يرحل مليون ونص لاجئ حضرتك أوروبا كلها عندها كوارث بسبب اللاجئين ومش عارفين يرحلوهم ????هتقولي طب نلمهم كلهم ونعملهم معسكرات فالصحراء.....!! هقولك دا اغبى حل ممكن يحصل فالوجود ????علشان لو حضرتك لميت ١٥ مليون لاجئ وحطيتهم فمكان واحد..... بعد سنة بالظبط هيكونوا قوة بمساعدة وتمويل دول بتكرهك وهيطالبوا بإنفصال المكان ده وإعلان منطقة حكم ذاتي ..... وهو ده اللي هما عايزينه بالظبط هتقولي طب إيه الحل يا عبده ....!! ????هقولك الدولة المصرية قالت.... أخد الحق حرفة..... وبالقانون ????اللي هو إزاي يا عبده ؟؟؟ اول حاجة صدر قرار سيادي نافذ باات ممنوع دخول اي سوري او فلسطيني مصر ????هتقولي ... ما انت لسه بتقول مفيش سوري دخل مصر من ساعة ما مسك الرئيس السيسي ازاي بقا لسه مطلعين القرار السيادي من اول ٢٠٢٥ ؟؟ ????اه منا نسيت اقولك ان فعلا الدولة المصرية منعت تماما استقبال السوريين والفلسطينيين اللي جايين من سوريا من ٢٠١٤ انما كانوا بيلعبوا لعبة تانية خالص.... وكله بالقانون ????كانوا حضرتك بيطلعوا على اوروبا او امريكا وياخدوا اي جنسية ويدخلوا بيها مصر..... شوفت اللفة بنت الوسخة اللي لفينها لفة جاتوهات ؟؟ ????طبعا الدولة المصرية قفلت الحتة دي بقرار سيادي ????وقالت اي سوري او فلسطيني حتى لو معاه الجنسية المصرية ان شالله لو معاه جنسية امريكية .... ممنوع دخوله الاراضي المصرية غير بتصريح امني من الجهات السيادية..... ????طب القصة والحدوتة تخلص على كدا .... ابدا ????مجلس الشعب اصدر قانون اللاجئين وقالك الحكومة هي اللي هتشرف على قوائم تسجيل اللاجئين مش مفوضية اللاجئين اللي كانت بتلعب فالورق وكانوا ممشينها دا الورق ورقنا والدفاتر دفاترنا مش كدا وبس.... ????هنا بقا الزتونة يا معلم....!! قالك اي لاجئ مش متسجل او ممعهوش ورق رسمي لو إتقابل فلجنة او راح يقدم فمدرسة او كلية او اي شغل او حب يسافر هيترحل فورا ومش هيرجع يعني ايه الكلام ده.... يعني الحكومة هتتسلى فيهم واحدة واحدة يا برنس منا قولتلك فوق.... اذا اردت ان تطاع فأمر بما هو مستطاع يعني متطلبش من الدولة انها ترحل ١٥ مليون لاجئ مرة واحدة حضرتك ????بالهداوة يا حبيبي وواحدة واحدة و اخد الحق حرفة ????من يومين كدا مجلس الشعب اصدر قانون العمالة الأجنبية.... حلو !! ????وقالك لا مش هنحط نسبة للعمالة الاجنبية يا عم احنا بنشجع الإستثمار وخلي حمادة يفرح بلبس العيد..... الدولة المصرية بتضحي ????بس تعالى هنا..... انت يا نني عيني من جوه عايز تشغل اجنبي سيان سوري او فلسطيني او اي جنسية تانية غير مصرية يبقا هتدفع عليه فالسنة ٣٠٠٠ آلاف دولار للدولة المصرية علشان ياخد تصريح عمل.... دا غير طبعا مرتبة..... اه اومال انت فاكرها سايبة ؟؟ ????طب لو حد شغل عنده عمالة اجنبية منغير تصريح العمل اللي هيندفع فيه ع الراس تلات تلاف دولار ؟؟ ????صاحب العمل هيدفع غرامة ٥٠ الف جنيه وهيتحمل تكاليف ترحيل الاجنبي وأسرته بالكامل خارج مصر فورا.... ????ويبقا وريني واحد مشغل اجنبي من غير تصريح عمل ????يبقا كدا الدولة المصرية هترحل كل اللاجئين على حساب مين يا أسطى ؟؟؟ شوف انت بقااا ???? ????طب والله حركة صايعة..... واللي عملها قانون مصري وفهلوي ومدقدق وراضع من لبن امه ????تاني وهقول الدولة المصرية ماشية بمبدأ... ????أخد الحق حرفة لا هي جعجعة ولا قلع هدوم.... ????بس إن جيتوا للحق الواحد لازم يقول كلمة حق برضوا الناس اللي عمالة تقول ان اللاجئين هياخدوا الشغل من المصريين.... !!! ????والمصريين مش لاقيين شغل...!!! والله يا جدعان انا بقالي شهر عايز اشطب شقة ومش لاقي صنايعية خمس سباكين يدوني مواعيد ومحدش منهم فاضي ييجي يعمل الشغل.... ????طب والله بقالي اسبوعين بدور على بنا يبني الف طوبة وياخد اللي هو عايزة ومش لاقي ..... كلهم شغالين وكله بيرد عليا ويقولي ف ايدينا شغل لحد بعد العيد !!! ????الكهربائي..... علشان معرفة وخدمته قبل كدا بييجي عندي يوم ويريح تلاتة ????وكل ما اتصل بيه واقوله انت فين يا عم...!! ????يقولي معلش استحملني بشطب شغل ومعايا كذا شقة وكلهم مستعجلين !!! ????النجار بقا دا قصة تانية وحدوتة تانية خالص....!! ????رفع المقاسات واخترت الموديلات من شهرين واخد تلاتين الف جنيه تحت الحساب... ????وبأتصل بيه انت فين يا عم....؟ يقولي الابواب بتتكبس وبتتجهز !!! قولتله يااعم دا انت لو روحت غابات الامازون وقطعت الاشجار بإيدك وشيلتها على كتفك وجيت ????على مصر مش هتاخد الوقت دا كله....!! ????يقولي أصبر يا دكتور علشان تاخد حاجة نضيفة ????ف اللي هييجي يقولي المصريين مش لاقيين شغل علشان اللاجئين .... هقوله إلعب بعيد يا شاطر ????احنا أصلا مش ملاحقين ع الشغل ومش لاقيين صنايعية من كتر المدن الجديدة اللي إتبنت حضرتك ????أتحدى أي بني آدم فمصر يجيبلي صنايعي قاعد فالبيت ومش لاقي شغل إلا اذا كان صنايعي عويل ومش شاطر فصنعته !!! ????انا بس مش غايظني والله غير السباك اللي جه يقابلني وشاف الشغل وقالي تمام قولتله هتبتدي إمتى ؟؟ راح مطلع اجندة المواعيد وقعد يدور فيها على معاد فاضي وفالآخر قالي ممكن أبتدي عندك ف اول شهر ٤ يابني انا لو واخد معاد مع وزير الصحة هقابله قبل كدا !!! ????مصر بخير..... وفيها شغل كتير ما شاء الله بس للي عايز يشتغل مش اللي نايم على بطنه طول النهار والليل وعايز الدولة تأكله وتشربه وتجوزه كمان ????كمان فكوكب تحيا مصر.. ???????? ????الأهلي والزمالك والرياضة فمصر.... الفن ومسلسلات العشوائيات..... القوى الناعمة المصرية ودا اللي هنتكلم فيه فالبوست اللي جاي علشان انا طولت عليكم ????كفاية كدا ...... وتقعدوا بالعافية ???????? يديمك ???????? ????بيعيرونا بفقرنا.... بس انا مش هسكت ????عبدالفتاح السيسي ????والسلام عليكم ورحمة الله وبركاته ????تحيا مصر ???????? ????تحيا مصر???????? ????تحيا مصر????????