الصين تضرب الاقتصاد الأمريكي في مقتل

✍️ عبدالباسط صابر ????الصين تضرب الاقتصاد الأمريكي ♦️ومجانا وبدون حق انتفاع من امبارح وأمر.يكا مقلوبة ع الخبر ده ، والبورصة راحت في داهية ، والأسهم التكنولوجية انهارت ، وحالة صدمة كبيرة تجتاح الأوساط العلمية والسياسية والاقتصادية في الولا.يات المتحدة ، ♦️طب ليه كل ده؟! الاسباب كتير ، لكن اهمها ان الذكاء الاصطناعي بشكل خاص مع مجموعة من العلوم الالكترونية بتخطط لها أمر.يكا انها تكون أداة سيطرتها ع العالم كله ، ♦️المستقبل يا جماعة هيعتمد على الخضوع فقط ، انت مش هيكون عندك خيارات كتير ، والخضوع ده بيتم عن طريق حل المشاكل علشان خضوعك ده يبقى ذاتي من غير فرهدة ، والذكاء الاصطناعي مع مجموعة من العلوم الأخرى كل دورهم كان ده ، الخضوع الذاتي ، فلما يفقدوا احتكار الأدوات دي تلقائي كده بيفقدوا معاها المستقبل ☺️ ♦️وده سر رعب أمر.يكا من الصين ، وده اللي مخليها تعتبر الصين المنافس الاخطر على وجه الأرض ، ان الصين أعدت القدرات الوطنية اللي تخليها تمتلك التكنولوجيا دي ذاتياً ، وانها قدرت توصل للمنتجات دي رغم كل الحصار التكنولوجي المفروض عليها من أيام الولاية الاولى لترا.مب ، وبالتالي محدش هيقدر يعطلها ، وبكده هتقدر تحافظ على سيادتها وتصدر منتجاتها الوطنية للحلفاء كمان! ♦️تاني سبب هنا هو التكلفة ، وكالعادة ، الصين بتضرب تكلفة حلول الذكاء الاصطناعي في الارض ، وكفاية انها بتعرضه مجاناً للأفراد ، وهتفضل الصين في موضوع التكلفة ده هي التحدي الرئيسي في الاقتصاد للغرب والرأسمالية المتوحشة ، لانها بتلعب بنفس أدواتهم وبنفس منهجهم وطريقتهم ومتفوقة عليهم ومحققة نتائج افضل كمان ، يعني كل هريهم في تبرير الغلاء والتضخم وارتفاع الأسعار فقد كل معانيه ، خلي لك حاجتك يا عم أنا هشتري من الصين ارخص ???? ♦️ثالث سبب ، الاوبشن الأفضل وتوفير خصوصية أفضل للمستخدمين ، ولو اني مش مؤمن بالخصوصية في عصر الانترنت أصلاً ، لكن قياساً بالموجود ، خصوصية المنتج الصيني أفضل بمراحل من نظيره الامر.يكي ، ♦️رابع سبب ، ضياع فرص الاستثمار الآمن اللي بيعوض خسائر سنين طويلة في امر-يكا ، يعني حتى المشروع القومي اللي كان بيجهزله ترا.مب مع ايلو.ن ما.سك للاستثمار فيه واستغلال عوائده في حل مشاكل الاقتصاد الأمر.يكي خلاص كده ، انت تعيش يا حاج ، الصين ضربت مفك والمنتج الجديد نزل ورقى نفسه في السوق وبقى نمرة ١ ، اشتغل واصرف انت بقى ونزل منتج منافس بشخروميت الف دولار ، وشوف مين هيسيب المجاني ويشتريه ???????? ♦️خبر صادم للغرب وللرأسمالية المتوحشة ، وهو نقلة مهمة ونوعية من الصين لعلوم المستقبل ، وتستمر الصين في كسر احتكار امر.يكا للأمل والحياة ، البشرية هي الفائز الوحيد من الصراع ده لان الإنسان هيكون قادر يعيش بكرامته في مستقبل عايزاه امر.يكا يكون بلا كرامة!