اهلا بكم مع عبده في اخبار ساخره

????أهلا بيكم مع عبده في...♦️. ???? أخبار الكوكب ???? ♦️أخبار كوكب الجمعة ١٧/١/٢٠٢٥ ???? البوست ده يتبروز وخصوصا فقرة كوكب تحيا مصر ???? ♦️بسرعة بقا نحضر كوباية الشاي بالنعناع علشان هناخد لفة في أخبار الكوكب... ♦️ومطولش عليكم ... وقولولي لاء طول ،♦️ أمريكا.... في امريكا إمبارح طلع ترامب فبرناج دان بونجينو وفرش الملاية لبايدن وقال... دا إنسان غير مهذب.... يعني ناقص رباية وأهله معرفوش يربوه ولا عمره شاف التربية المذيع سأله... ليه يا معلم ترامب ؟؟ ♦️قاله علشان طالع في لقاء صحفي والمذيع بيسأله هل تستحق الفضل في صفقة وقف إطلاق النار فغزة ؟؟ ف رد عليه بايدن وقاله..... هل هذة مزحة...... !!! يعني إنت بتهزر ياروح أمك .... طبعا !! ♦️ترامب كمل كلامه وقال... كان من غير المهذب ان بايدن يقول اوووه اذا لم افعل شئ وإذا لم نتدخل فلن يتم إطلاق الرهائن و اذا لن يخرجوا ابدا بايدن ده مترباش ولا شاف بدولار واحد تربية ♦️فالمذيع قاله.... الفضل كله يرجع ليك ولمصر وقطر فالصفقة دي ♦️رد عليه ترامب وقال.... أنا مبدورش على اي مجد شخصي ... ♦️الناس اللي فغزة عاشوا فالجحيم ويجب إنقاذهم والأمر هيكون رائع عندما نفعل ذلك لقد غيرنا مسار الصفقة وغيرناها بسرعة ومن الأفضل أن يتم ذلك قبل أن أقسم اليمين ولقد تصافحنا ووقعنا على وثائق الصفقة كمان ترامب يسكت على كدا..... أبدااا ♦️كمل كلامه للمذيع وقال.... وحياة دي النعمة الشريفة ونور عنيا واللي إلهي ما اوعى اشوف لو بكدب عليك بايدن بيحاول يخلي عملية إنتقال الرئاسة فأمريكا صعبة ويجعل كل شئ صعب للغاية عمال يكعبلها ويعقدها علشان ممسكش امريكا ولولا انا فزت فالإنتخابات كان زمان الكوكب راح فستين داهية انتوا بس اللي غلابة علشان كدا ربنا بيحبكم وخلاني فزت فالإنتخابات ????على فكرة..... دا مش الش مني هو فعلا قال كدا ???? ♦️طب بايدن يسكت على كدا....أبدا !! بايدن النهاردة حطم الرقم القياسي فالعفو الرئاسي عن ٢٥٠٠ سجين كلهم من أشاوس تجار المخدرات في أمريكا وكلهم واخدين احكام بالمؤبد او السجن مدى الحياة ♦️دا غير حضرتك طبعا العفو الرئاسي عن ابنه عنتر ابن شداد في كل الأحكام القضائية مش كدا وبس دا كمان إداله الحصانة ان محدش يطارده بأي حكم قضائي فالمستقبل.... كلموني بقا عن جمهوريات الموز... علشان الكلام ده مبيحصلش ف أي دولة ولا حتى في إفريقيا حضرتك ،♦️ وعن الناحية التانية من الكوكب ... ♦️،???? ألمانيا... طلعت وزيرة الخارجية الألمانية البت الموزة دي اللي إسمها أنالينا بيربوك وقالت... بصراحة كدا اوروبا لازم تدور على مصلحتها علشان شكلنا هنشوف ايام سودة فعهد ترامب ليه يا ست انالينا....؟؟ قالت مهو بصراحة يا عبده ترامب بدأ أول القصيدة بكفر وطالب بضم جرين لاند وكندا وبنما وانا كمان بطالب الاوروبيين بالدفاع عن مصالحهم والدفاع عن النظام الدولي.... دا كدا مش هيبقا في نظام دولي كدا هيبقا شادر سمك حضرتك واللي هيحصل التاني .... مممم واتيفر يعني ???? ،♦️ وع الناحية التانية من الكوكب... ♦️،???? السودان... ف السودان بقا وبعد ما الجيش سيطر على ولاية الجزيرة راحت الإدارة الامريكية نتشت عبدالفتاح البرهان عقوبات ليه يا ولاد كوم شكاير الملحدين ؟؟ قالك اصل احنا رصدنا استخدام الجيش السوداني اسلحة كيماوية ضد المدنيين... اللي هو المنطق بيشخر عادي طب وقوات الدعم السريع حضرتك...؟؟ قالك دول كيوت خالص يا قلب امهم طبعا الدنيا مقلوبة ع السودان بسبب إن واحد ابن ستين كلب بيقولوا انه مقاتل تابع لإحدى الكتائب التابعة للجيش السوداني صور فيديو لنفسه وهو بيهدد بتصفية ٦٨٠٠ واحد من المتعاونين مع الدعم السريع ورفعة على السوشيال ميديا طبعا كدا عرفتوا خطورة الموبايل وتصوير الفيديوهات على الامن القومي للبلاد الجيش السوداني طلع وقال دي تصرفات فردية وهيتم التحقيق فيها وهيتم محاسبته طبقا للقانون طبعا كلنا عارفين القانون العسكري.... مش بعيد يلبسوه ماسورة الدبابة اللي كان راكبها ،♦️ وع الناحية التانية من الكوكب.... ♦️،???? البرازيل.... فالبرازيل الرئيس البرازيلي لولا دي سيلفا طلع قرار جمهوري عظيم جدا ... حقيقي الراجل ده بيبهرني كل يوم باللي بيعمله فالبرازيل.... الرئيس البرازيلي طلع قرار جمهوري بحظر الموبايل فالمدارس لاء ثانية واحدة بس.... مش قرار وزاري !! ولا حتى مدير الإدارة التعليمية اللي طلع القرار لا حضرتك دا قرار جمهوري وقال فيه ان اي طالب يتمسك معاه موبايل فالمدرسة يتم إستدعاء ولي امره وينضرب هو وأبوه وامه باوسخ جزمة المدرسة للتعليم فقط واللي عايز يتمرقع... يتمرقع عند امه يستثنى من القرار الطلاب ذوي الإحتياجات الخاصة ♦️طب ليه كدا يا عم ديسيلفا.... دا جروبات الماميز هيقطعوك قالك الماميز اللي هتنطق ..... تاخد باوسخ الجزمة التلاميذ والطلاب جايين المدارس ومعاهم الموبيلات وبيصوروا فيديوهات وتيك توك ورقص وآخر مسخرة ومش فاضيين للتعليم يا عبده يا اخوياا ...التعليم أمن قومي ♦️بس قالها بالبرازيلي طبعا.... قولته والله عارف يا عم ديسيلفا ولساني إتدلدل وانا بقول كدا بس نقول إيه التلميذ من دول لسه بشخه ومطلعش من البيضة وشايل آيفون ♦️تحس انه رايح شركته ولا مكتبه وهيتابع البورصة..... مش رايح المدرسة يتعلم حضرتك ،♦️ وع الناحية التانية من الكوكب.... ???? كوكب تحيا مصر ???? ،???? وفكوكب تحيا مصر.... إنتشر من يومين كدا ع السوشيال ميديا فيديو لخطف الاطفال في مصر .... إتنين راكبين موتوسيكل وماشيين يخطفوا الأطفال وطالع واحد ف آخر الفيديوا بيصوت وبيحذر الناس والأهالي من العصابة الدولية اللي بتخطف اطفال مصر من الشارع وبتاخد اعضاؤهم وبيتاجروا فيها ♦️الداخلية بصراحة إتحركت فورا... علشان تشوف المصيبة دي.... هي ناقصة خطف وتجارة أعضاء طبعا الداخلية تتبعت اصل الفيديو لقيته من صفحة على السوشيال ميديا ♦️طبعا الداخلية قدرت تحدد وتضبط القائمين ع الصفحة واللي نشروا الفيديو..... هتروحوا من الداخلية فين ؟؟ الداخلية لقيت إيه بقا.... خمس اشخاص شباب من المنيا ومعاهم الموتوسيكل اللي صوروا بيه الفيديو وإستعانوا فالتصوير بأطفال من القرية اللي هما عايشين فيها طب ليه حبيبي صورت الفيديو ده ؟؟ قالك علشان نزود نسبة المشاهدة للصفحة ونكسب بقا ونقب على وش الدنيا طبعا هما دلوقتي فالحبس وهيطبق عليهم القانون ♦️الصراحة انا لما شوفت الفيديو قبل ما الدخلية تقبض عليهم قعدت أضحك و الكومنتات كوميدية جدا.... بجد والله الشعب ده كوميدي علشان حرفيا مفيش حاجة إسمها خطف لسرقة الأعضاء .... هتقولي إزاي يا عبده ..... دي تجارة الاعضاء بالدولار وسبوبة عنب ♦️هقولك تعالى اشرحلك القصة كلها وكل القصص الفيك اللي إنضحك عليك بيها وهدمرلك اسطورة الخطف بالبنج.... أسطورة خطف البنات او الأطفال بالبنج لتجارة الأعضاء او الإغتصاب بين الحقيقه والخيال ..... ♦️ياخي اللي عمرنا ما سمعنا عن راجل إتبنج وإتخطف و واحدة إغتصبته هما ديما اللي بيتخطفوا بنات ???? طب وعهد الله انا نفسي حد يبنجني ويخطفني ♦️طيب تعالوا نتكلم ف الموضوع بجد جدا الفيديوهات والرسايل اللي بتتشير عالواتس وبوستات على الجروبات بتتشير عن خطف البنات والاطفال من الشارع عن طريق دهان كريم بيبنج أو فرد منديل فيه بنج او رشة برفان فوشك من سواق التاكسي ف تبنجك او شكة دبوس وانت فالمواصلات ويخطفوا البنت ويغتصبوها ويصوروها أفلام ولمؤاخذة وبعدها يقطعوها حتت لتجارة الاعضاء اويبيعوها قطع غيار بشريه إستيراد فالحرفيين..... كله كدب ونصب حرفيا.... ♦️مبدأيا هحاول أبسطلكوا المعلومه طبيا .... طب والله العظيم والقرآن والمسيح الحي ..... أديني حلفتلكم بكل الاديان مفيش حاجه فالبنج بالشم تتحط فمنديل او كريم يندهن او برفان رش والبني آدم ينام تماما غير ف أفلام جيمس بوند و أفلام محمود المليجي والسنجه فالرنجه والله يخربيت السينما اللي بوظت دماغكم ♦️ إنما البنج بالشم لازم ليه جهاز بنج وماسك تخدير ونفضل ماسكين العيان فالعمليات مش أقل من خمس دقايق علشان يادوب يدروخ وبمجرد ما بنشكه علشان نركب كانيولا ممكن يسفخنا بالقلم ودا بيحصل..... والناس اللي منكم دخلوا عمليات عارفين كدا كويس.... ♦️ان علشان تتبنج ومتحسش بالدنيا لازم نركب كانيولا ونحقن فيها ادوية البنج انما البنج بالشم ... فدا لازم جهاز بنج ويقعد المريض يشم لمدة عشر دقايق على الاقل علشان يادوب يدروخ ♦️نفسي بقا اشوف حد ف الشارع حد ماسكة وراكب فوقه لمدة عشر دقايق بيشممه البنج علشان يدروخه بس...???? ♦️روحوا المستشفيات وحد يفرجكم على جهاز التخدير عامل ذي العربيه النقل الرحمه يا ولاد التيت ♦️طب بخصوص بقا سرقة الأعضاء......!! مبدأيا لازم تعرفوا إني علشان نزرع فص كبد او كلية او اي عضو لازم نعمل توافق أنسجه وتوافق فصيله بين المتبرع والمستقبل وندي ادويه تثبيط مناعه قبل الزرع علشان الجسم ميهاجمش الفص بعد الزرع ودا محتاج تجهيز وتحاليل وإشاعات وسونار للمتبرع والمستقبل من تلات شهور لست شهور دا فزرع الكبد وتعقيم فائق جدا ... ♦️أقصد يعني مش بنجيب الفص من الحرفيين ونزرعه ولا بنجيبه طازه من الشارع من اي واحدة ماشية ونزرعه .... ♦️طب زرع الكلى.... الموضوع أبسط حبتين بس نفس البروتوكول الطبي ♦️مهو لو معملناش كدا الزرع هيفشل والعضو اللي إتزرع مش هيشتغل ????السؤال هنا... ♦️ ليه رئيس العصابه يخطف واحدة ويدبحها ويقطعها لما ممكن يطلع على اي غورزة مدمنين ويدي المدمن اللي بيبحث على اي مال علشان يوفرله جرعة المخدرات خمسة او عشر تلاف جنيه ويقنعه انه يقدر يعيش بكليه واحدة او فص كبد واحد ...!! وهيروح معاه اي حته ... ♦️وهما دول بالمناسبه سماسرة تجارة الاعضاء هما هما تجار المخدرات اللي بيجيبوا الزباين اللي هما المتبرعين و99%من زراعة الكلى سماسره وبيكون المتبرعين مدمنين والصراحه دي مافيا موجودة فعلا بس بمحض ارادة المتبرع اللي هو مدمن اصلا وعنده استعداد يبيع اي حاجة حتى ولو امه مش أعضاؤه وبس وهي دي خطورة تعاطي المخدرات علشان المدمن عنده استعداد يبيع نفسه ♦️بالمناسبة كانت الدنيا مليطة والقوانين آخر مليطة والمستشفيات بتزرع بدون ما تسأل على الموافقات ولا التصاريح لحد سنة ٢٠١٦...... لما السيسي والحكومة حطت إيديها ع الملف ده وبالمناسبة قفلت مستشفيات كتير وحبست ناس كتير والقوانين بقت صارمة جدا على كل المستشفيات وعلى تصاريح زرعة الأعضاء ومن سنة ٢٠١٦ أي مستشفى بتتمسك بتزرع أعضاء بدون تصاريح أوموافقات من وزارة الصحة... المستشفى بدكاترتها بتمريضها بعمالها بالمريض والمتبرع بيتحبسوا.... قولا واحدا ♦️طب خطف الأطفال يا عبده ...!! مبدأيا كدا مفيش زراعة أعضاء أطفال فمصر.... قولا واحداا ماعندناش التكنولوجيا العاليه دي اننا ناخد أعضاء من أطفال علشان نزرعها ف أطفال تانية... أي حد يقولك لاء في.... إديله بضهر إيدك وقوله بس يا هجاص ♦️إنما نقدر نزرع لطفل عضو من حد كبير وخصوصا لو الام هي اللي متبرعه لإبنها الزرعة بتنجح جدا انما من طفل لطفل.... مستحيل ♦️و٩٩٪ من الأطفال اللي بتزرع فمصر أمهم هي المتبرعة بعضو منها ♦️طب الاطفال اللي بتتخطف بتروح فين يا عبده ...!! بصوا أعتقد يا إما للتسول ف محافظات تانيه او للبيع ... تجارة رقيق يعني .... بس 99% من الاطفال اللي بتتخطف بيكون للتسول طب بخصوص بقا انهم بيخطفوا البنات و يغتصبوهم ويبنجوهم علشان يصوروا مقاطع فيديو ساخنة..... حقولك فعلا ممكن شاب بتوكتوك ضارب استوركس يخطف واحدة ويغتصبها بس مش بيبنجها هو اصلا مش شايف قدامه من الاستوروكس اللي ضاربه بس المهم انه بيرجعها تاني الصراحه يعني او بتموت منه انما يخطفوا علشان يصورو فيديوهات...... ف دي جديده الصراحه ♦️طب ما رئيس العصابه اللي بيخطف البنات علشان يصور ليهم فيديوهات يطلع على شارع الهرم ولا شارع جامعة الدول او اي نادي ليلي وبخمسميت جنيه هينقي واحدة ملفاية ووش القفص كمان وهتعمله كل اللي نفسه فيه وبمزاجهاا ... وأرخصله والله ومنغير خطف وبنج و وجع قلب ♦️هتطلعلي واحدة من المنصورة واقفة فالبلكونة وبتشرب شاي بالنعناع وتقولي طب يا عبوده ليه كل رسايل وبوستات التحذير دي من الخطف اللي بتجيلنا ؟؟ بصي مدام قولتيلي يا عبودي .... هفهمك ♦️فرأيي المتواضع إني شوية متعاصين قاعدين عالواتس والفيس بيعملوا بلبله ويحسسوكم بعدم الامان وتصوير اي حادثه فردية حصلت على انها جريمه ومافيا وعصابات طبعا مع التاتش المصري فكل حدوته المقصود من كل ده نشر حالة الرعب فالمجتمع المصريين ليل نهار بيقولوا الحمد لله على نعمة الامن والامان.... الناس دي طبعا مش بيعجبهم الكلام ده .... ♦️او ربما حدوادث فردية.... زي بنت اتعرفت على عيل ولمؤاخذة وهربت من اهلها وعمل الغلط معاها ... ولما أهلها لقيوها قالتلهم انا إتخطفت واتبنجت والعصابة اغتصبتني علشان تداري ع المصيبه اللي عملتها وطبعا لولا انها هربت كانوا قطعوها قطع غيار .... دي حتى شافت المنشار بعنيها وهي فالحرفيين فمخزن تحت الارض وطبعا انتوا عارفين البنت المصريه فالسيناريوا والحوار والإخراج???? ♦️زي بالظبط قصة إنتحار البنات ف ايام امتحانات الثانويه العامه.... تبقى البنت طول السنه بتاخد فلوس دروس من اهلها ولا بتروح درس ولا زفت .... وبتروح تقعد فالكافيهات ولما تيجي فالامتحانات تروح داخله اوضتها وجايبه موس وتشرط ايدها شرطه خفيفه طبعا يا قلب امها بتشوف الدم من هنا .... بيوغمن عليها واهلها بيموتوا من منظر الدم مع العلم انه جرح اهبل بشوية بن بيقفل انما لو هي ناويه تنتحر بجد ... ♦️تجيب الشريان مرة واحده ومش هتكمل ثواني وهتفطس انما هي عامله حوار علشان اهلها يقولوا دا من الضغط العصبي بتاع الثانويه العامة وتعليم بايظ وبلد بايظه وهيموتوا ولادنا اديهم غيروا الثانوية العامة علشان تستريحوا... ♦️بصراحه البنات ولاد لعيبه غطوا على مروحهم الكافيهات وبالمناسبه دا حصل لتلات بنات والله فشارعنا السنة اللي فات وكل ما اروح اشوف الدم ألاقي الدم اللي بينزل فالطهاره اكتر منه مع العلم كنت بشوف البنات دي فالكافيهات يوميا فوسط البلد وبقول الله يكون فعون أهلهم... ♦️وجايز يكون البنات اللي بتهرب من أهلها دي مريضه نفسيا وبتطفش من اهلها وبيشتغلوا خدامين فالبيوت فالكامبوندات فمحدش بيعرف عنهم برضوا حاجه ♦️انما الكلام اللي فبوستات سرقة البنات ده مياكولش معاياا ♦️كلها إشاعات متفبركة علشان يبان إن البلد مفيهاش لا أمن ولا آمان وإن الشرطة نايمة على ودانها رغم إن كل شوارع مصر فيها كاميرات بتصور اللي بيحصل لحظة بلحظة ♦️نيجي بقى لعمنا ابوحنان يطلع واحد مبرشم ويقولي ماله ياعم عبده سيبه في حاله دا قاعد له ثلاث ايام ويبقي رئيس الكوكب اقولك يا سيدي ♦️عمنا بايدن الزهايمر طفح خالص والمذيع بيسال طبعا انته صاحب الفضل في صفقة وقف إطلاق النار في غزة قله طبعا هو انته شايف غير كده وعليها يا معلم قامت الدنيا ومقعدتش واشتغل شغل الردح وصالات القمار وشغل المخدرات وقلك ابن المفضوحه عاوز يترك مكانه ويسيبها خربانه علشان مبقاش الريس ♦️طبعا انا عمهم وحلفت برحمه امي ست نفيسه ام قوره مصونه انا قلت قبل ما اقعد على الكرسي لو مصتلحتوش هولعها وانتوا شايفين غير كده عمتنا حماس لما لقيت هيتلعب بيها الكوره وهتبقي في خبر كان قالت يا مصر الحقوني هيخلصوا علينا حتي لو الأسري ماتوا كلهم مكان من الاول يا اخوات الشيطان ❤️والله عاوز اقول حاجه ♦️الكلام كثير في السياسة ولو ♦️قعدت اكتب في المقال ده ♦️هقعد للصبح ومش هخلص ♦️واغيب من الشغل ونموت من الجوع انا والعيال ♦️لا يعم عبده كفايه والايام جايه كثير وتصبحوا على خير ♦️كفاية كدا..... وتقعدو بالعافية ???????? يديمك ???????? ♦️بيعيرونا بفقرنا...... بس انا مش هسكت ❤️عبدالفتاح السيسي ♦️والسلام عليكم ورحمة الله وبركاته ♦️تحيا مصر???????? ♦️تحيا مصر???????? ♦️تحيا مصر???????? @إشارة