انبهار الوفود المشاركه بمجموعة 8

الوفود اللي زارتنا وشافت العاصمة الإدارية والمقر الرئاسي، أكيد شكّلت انطباع عن طريقة تفكير الدولة هنا ومستوى طموحها والمكانة اللي هي شغالة عليها، وده انطباع فعلي واقعي مش تقارير وأرقام.. الحاجات دي بتفرق في السياسة والبيزنس بشكل يفوق تصورات ناس كتير.. المقر الرئاسي في العاصمة، مش ملك للرئيس السيسي، ده اتعمل لمصر والمصريين وهيفضل لمصر والمصريين، وممكن يبقى مقر الحكم ١٠٠ ولا ٢٠٠ سنة، وكل الأجيال اللي هتستفيد من اللي اتعمل ده هترجع تفتكر بالخير إدارة محترمة اشتغلت بإمكانيات ضعيفة جدا علشان تحاول تواكب وتسبق عصرها.. مصر دلوقتي عندها مدينة زي العاصمة الإدارية تضاهي عواصم من اللي بنشوفها وننبهر بيها، المدينة اتعملت في زمن قياسي وماكلفتش الموازنة أي فلوس.. بس بسببها هتيجي فلوس كتير جدا علشان حاجة بسيطة لكنها عنصر حاسم زي "الصورة الذهنية"..