لفه حول كوكب الارض اخبار عالميه

يا ناس يا عسل.... عبده وصل ???? أهلا بيكم في ..... ???? أخبار الكوكب ???? يوم الإثنين ٩/١٢/٢٠٢٤ ولو إنت مش متابع الأخبار بسرعة نحضر كوباية الشاي بالنعناع اللي بيدفي علشان هناخد لفة ف أخبار الكوكب... ومطولش عليكم وقولولي لاء طول... ،♦️ سوريا.... لاء سوريا مين بقا يا معلم عبده ....!! سوريا بقت تاريخ !! هتقولي إزاي يا عبده ؟ هقولك النهاردة وزير خارجية إسـر????ئيل طلع ف ال CNN وقال..... أعتقد إن التفكير في ان سوريا تبقى دولة واحدة ذات سيادة على كامل أراضيها أمر غير واقعي !!! ف المذيع قاله .... الله ... طب يا عم جدعون اومال هتكون إيه !!! جدعون إنجضع فالكرسي كدا وأخد نفس من السيجارة وقاله... الصراحة إحنا مش طماعين... وسوريا هتبقى مجموعة دويلات تحت حكم فيدرالي وكل أقليه هيبقا ليها دويلة يعني الدروز هياخدوا حتة صغنونة و الاكراد حتة صغنونة والمسيحيون حتة صغنونة والسنيون حتة صغنونة والعلويين حتة صغنونة والباقي هناخده أحنا.....!! المذيع قاله...إزاي يا جدع !!! قاله مبدأيا كدا .....الجيش الإسر????ئيلي ضرب كل القواعد والمطارات الحربية والمعدات الخاصة بالجيش السوري خلاص مبقاش في حاجة إسمها جيش سوري اصلا فالتاريخ مش كدا وبس....!!! الجيش الإسـر????ئيلي نزل من على هضبة الجولان وكمل وأخد جبل الشيخ والقنيطرة ولسه الباقة شغالة مش كدا وبس ...!!! طلع النتن.... يا هووو وقال إلغاء كل الإتفاقيات اللي بينا وبين سوريا وأتعشت معانا كدا إزاي يا جدع ....???? قالك هي فين سوريا أصلا...!!!! يا أهل سوريا.... هل رأيتم نعيما قط !!! ،♦️ وع الناحية التانية من الكوكب.... ،???? أمريكا... ف أمريكا بقا معهد دراسة الحرب الأمريكي.. طلع تقرير إمبارح وقال.... ان الإطاحة بنظام الاسد بالشكل المهين ده أضر بمصداقية بوتين قصاد حلفاؤه ودا بالتالي هيفقده الدعم العالمي لعالمه متعدد الأقطاب وهيخلي الدول تفكر اكتر من مرة قبل ما تنضم للعالم الجديد اللي بينادي بيه بوتين شوفتوا بقا ان الموضوع مش موضوع سوريا و ان اللي بيحصل فالشرق الاوسط حرب عالمية بين العالم الجديد والعالم القديم وان بنقلة شطرنج واحدة قدرت أمريكا تقول للروس ..... كش ملك السؤال هنا...... هل روسيا هتسكت على اللي حصل ؟؟ السؤال التاني.... إمتى الصين هتنزل الملعب ؟؟ أعتقد إن كارت الصين دا هيكون آخر كارت هينزل الملعب ،♦️ وع الناحية التانية من الكوكب... ،???? فرنسا... دونالد ترامب ف فرنسا علشان يحضر حفل إفتتاح كاتدرائية نوتردام لحد هنا حلو...... لا مش حلو !! علشان ترامب لازم يعمل قلق والصحافة هناك مقلوبة بسبب طريقة مصافحته لماكرون هتقولي يعني إيه يا عبده !!! هقولك ترامب وهو بيسلم على ماكرون رفع إيده لفوق بطريقة ملفته جدا وشد إيده عليه الصحفيين والخبراء فسروا الحركة دي ان ترامب بيحذر ماكرون وبيقوله امريكا هي القوى العظمى ..... وفرنسا و أوروبا متنساش نفسها أيون إتكاله ع السييين ???? ،♦️ وع الناحية التانية من الكوكب... ،???? إيـ????ران الناس كلها بعد سقوط سوريا بيقولوا الدور على الأردن !! و عبده بيقولكم .... وإشتروا مني وإعتبروها دماغ بنج من النوع الفاخر الدور مش ع الاردن خالص الدور على إيـ????ران هتقولي إزاي يا عبده !!! هقولك يا سيدي اللي حصل في سوريا مكنش حد متخيل انه يحصل بالسرعة والسهولة دي اصلا .... إسـر????ئيل وأمريكا لما مولوا الجماعات دي كان أقصى طموحهم يقطعوا خطوط الإمداد عن حزب????الله في لبنان هوب دبل كيك لقيوا الجيش السوري بينسحب وبيهرب و الموضوع ماشي معاهم زي السكينة فالحلاوة شوف يا صديقي القصة من الاول ... اسـر????ئيل لما دخلت جنوب لبنان كانت متخيلة انه كله فالكنافة وهيوصلوا لحد نهر الليطاني فيومين تلاته وخصوصا انهم قضوا على كل قيادات الحزب هوب يا معلم ع الارض لقيوا نفسهم بيتخرتأوا حرفيا وحزب????الله متماسك جدا وبيجيله دعم وسلاح وافراد من سوريا .... إسـر????ئيل تعمل إيه !!! بقت تدبدب فالارض وعايزة تعمل وقف لإطلاق النار مؤقت فجنوب لبنان وبشروط...!! طب مؤقت ليه !!!؟ قالك معلش هنروح ناخد فم غسيل ونرجعلكم طبعا حزب????الله شربها وافتكرهم عايزين يعملوا سلام ووقف اطلاق نار وكدا اتاريهم راحوا خلصوا على سوريا وقطعوا خطوط الامداد عليهم وهيرجعوا يكملوا عليهم دب.... طب بعد ما يخلصوا على حزب????الله يا عبده ؟؟؟ حرفيا هيتجهوا لإيـ????ران مباشر وهيدشملوها..... الجيم لسه مخلصش ،♦️ وع الناحية التانية من الكوكب... ،???? إثيوبيا.... أحيييه على إثيوبيا ... يوم السبت اللي فات..... الكهربا قطعت عن إثيوبيا كلها ١٢٠ مليون إثيوبي قعدوا يومين من غير كهربا يعني لو حد كان دخل عليهم بالليل وإداهم بالشلوت مكنش حد اخد باله ولما الكهربا رجعت .... يادوب العاصمة بس اللي نورت ومش كلها حوالي ٤٠٪ من اديس ابابا دلوقتي اللي فيها كهربا وباقي اثيوبيا حرفيا ظلام دامس طب ليه يا جدعان دول عندهم حتة دين توربينين فسد النهضة ه‍ ينوروا افريقيا كلها قالك كل التوربينات عطلانة وشبكة الكهربا كلها متهالكة وكل محطات التوليد اتعطلت مرة واحدة ومحدش عارف إيه السبب ???? قال إيه اكبر دولة في إفريقيا... ???? وإلى الأمام يا إثيوبيا.....???? ،♦️ وع الناحية التانية من الكوكب... ???? كوكب تحيا مصر ???? ،???? وفكوكب تحيا مصر... لو إنت فاكر إن مصر إتفاجأت باللي حصل في سوريا..... تبقى غلبان.... اه والله غلبان !! مبدأيا كدا لازم تعرف ان مصر عارفة المخطط كله من زمان .... صحي النوم يا عم الحج علشان كدا أهل الشر كل ما ييجوا يطلعوا حاجة .....!! مصر بتكون جاهزة بالرد اللي يكتمهم كتمة الدم هتقولي إزاي يا عبده !!! هقولك فاكر قانون اللاجئين اللي هيج الدنيا من شهرين !!! أهو القانون ده أثبتلي ان مصر سابقة الكوكب كله وسابقة اهل الشر دايما بخطوة مبدأيا كدا لازم حضرتك تعرف وتتأكد إن مفيش لاجئ سوري دخل مصر من لحظة ما مسك السيسي كل اللاجئين السوريين اللي دخلوا مصر دخلوا فعهد الإخوان هتقولي بس يا عبده في مصانع سورية ضخمة وشركات سورية اتعملت في مصر فعهد السيسي هقولك لازم تفرق بين رجل أعمال سوري دخل مصر علشان يستثمر ويعمل شركات ومصانع وبين لاجئ سوري دخل أيام الأخوان...!! عرفتوا ليه قانون اللاجئين إتعمل من شهرين ؟؟ علشان اللي بيحصل فسوريا حضرتك دلوقتي شوفت بقا ان مصر شايفة المشهد ده من شهرين...!! علشان كدا عملت قانون اللاجئين واللي فيه مادة بتقول ... عودة اللاجئين لبلادهم حين إنتفاء سبب اللجوء ودي المادة اللي قلبت الدنيا على الحكومة المصرية من مفوضية اللاجئين المادة بتقول تعالى يا حبيبي انت لاجئ فمصر ليه .... علشان هربان من نظام الاسد البي كان مضطهدني؟؟ طب الاسد مشي خلاص.... إمشي يا أسد... ارجع بقا يا حبيبي لبلدك???? مش كدا وبس...!! دا القانون فيه مادة بتقول ان تسجيل اللاجئين وحصرهم يتم من خلال الحكومة المصرية... هتقولي الله اومال مين يا عبده اللي كان بيسجلهم ويحصرهم قبل كدا هقولك صحي النوووم كانت مفوضية اللاجئين هي اللي بتسجلهم وتحصرهم ???? كمان فيه مادة فالقانون بتقول اللي هيخبي لاجئ او هيتستر عليه هيلبس غرامة ٥٠٠ الف جنيه بحد اقصى وحبس خمس سنين يعني حضرتك الإخوان اللي فمصر او المتعاطفين معاهم مش هيعرفوا يخبوا لاجئين عندهم ويسكنوهم فشققهم بص هو جيم ملعووووب بحرفنة الصراحة ???? هتقولي طب وهي مصر كانت عارفة ان هيحصل كدا ؟؟ هقولك صحي النوم يا حبيبي مصر عارفة من لحظة ما إسـ????رائيل مولت الجماعات وقالتلهم خدوا سلاح ودربتهم ووجهتهم بالاقمار الصناعية دا كان ناقص تقولهم تاتاتا خطي العتبة يا حبيبي ،???? كمان فكوكب تحيا مصر..... شركة المقاولون العرب العملاق المصري للإنشاءات في ضيافة الرئيس البوروندي النهاردة وعملوا شوية إتفاقيات معاه زي الفل شركة المقاولون العرب حرفيا بتسطر التاريخ المصري في إفريقيا وبتسيطر عليها الرئيس البوروندي سلمهم ملف الطاقة وملف المياه وش وقالهم عايزين نعمل محطات مياه ونعمل كمان محطات كهرباء وبعد ما خلصوا الإجتماع مع الرئيس البوروندي إجتمعوا مع وزير المالية البوروندي علشان يناقشوا تفاصيل التمويل والأمور المالية وكدا مصر بتسيطر على إفريقيا وبتحزمها بمشروعات التنمية طب القصة تقف على كدا ..... أبداااا العراق عاملة معرض للبناء و الإنشاءات والبنية التحتية ف الفترة من ١٢ الى ١٥ ديسمبر مصر بتشارك فالمعرض ده ب ٢٢ شركة ما بين شركات مواسير PVC وشركات تصنيع مولدات كهربا وشركات مواسير مياه شرب ومواسير صرف صحي وشركات تصنيع شرائح الالومنيوم والشيش الحصيرة فين بقا ولاد المرة اللي كانوا بيقولوا هي مصر بتصنع إيه ؟؟؟ تخيل يا مؤمن ان مصر بتستهدف من المعرض ده بس ومن سوق العراق ٦ مليار دولار ???? لاء ثانية واحدة....!! مصر بتستهدف ٦ مليار دولار صناعات هندسية بس هتصدرها للعراق حضرتك السنه الجاية ان شاء الله كفاية كدا ...... وتقعدوا بالعافية ???????? يديمك ???????? بيعيرونا بفقرنا....... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ???????? @إشارة