ايه اللي بيحصل في سوريا
اللي بيحصل في سوريا
.
باختصار شديد ,فيه مثل بيقول , كتر التكرار بيعلم الحما-ر , بس هنا التكرار ماعلمش الحما-ر
.
1- من يجي 50 سنة وأمريكا و اللو-بي بتاعها بيلعب نفس اللعبه , اللعبة نفعت معاه مره و اتنين وتلاته وسط مجتمع شرق أوسطي أغلبه بريا-له يبقى ليه مانكررش اللعبه مره رابعه و عاشرة ؟ سؤال منطقي و وجيه .
.
2- من أيام طا-لبان و أسامة بن لا-ن و أمريكا اكتشفت كنز وقتها , سر خطير , سر بيقول إنه أفضل سلاح تستخدمة أمريكا و اسرا--- وحلف الشيطان بتاعهم مش الصوا-ريخ البالستيه , أفضل سلاح على الإطلاق هو الشباب العربي اللي بريا-له و ممكن نضحك عليه و نقوله تعالى عشان تجاهد و تدخل الجنه و تلاقي حور العين مستنينك هناك بلانجريهات طلياني .
.
3- استخدموهم لمحا-ربة الإتحاد السو-فيتي في أفغا-نستان و استخدموهم في العراق و الصومال وسوريا و ليبيا و اليمن و حاولو في مصر , استخدموهم لمحا-ربة جيوش دول تانية أغلبها جيوش بلدهم ذات نفسها , استخدمو كل طاقة الشباب العربي المغيب بخلطة الجهاد لتحقيق كل اهدافهم و هما قاعدين في التكييف ولابسين بدل و بيرعو حقوق الإنسان و العصافير الكناريا , لعبة نضيفه و زي الفل .
.
4- في سوريا تم تجميد الجماعات دي لفترة من الزمن و بعدين طلعوهم من الفريزر و قالو لهم اسرحو لمحا-ربة الجيش السوري اللي هو جيش بلدكو , طول الوقت الشعارات هي هي اللي بتترمي للمتابعين والبها-ليل عشان يسرحو بيها عالفيس بوك و في القطارات زي اللي بيبيعو أمشاط وفلايات .
.
5- الشعارات هي هي , أصل الجهاد , اصل بشار شيعي و علوي واحنا سنه , أصل صدام سني و بيضط-هد الشيعه , أصل حزب الله جميل , أصل حزب الله ش-يعي , أصل احنا مأجلين تحرير القدس و الجولان لحد مانحرر دمشق و بغداد و بيروت و القاهرة و السنبلاوين و كوم الشقافة وبعدها هنلاقي الطرق كلها مفتوحة لتحرير القد-س , لا حضرتك مش الطرق هي اللي هتبقى مفتوحة , دي سوستة الجيبه اللي انت لابسها .
.
6- نحمد ربنا احنا بقى على نعمة جيش مصر و مؤسسات مصر السيادية , انت يابني مش متخيل إنك تكون عايش في دولة زي مصر مثلا و فيه شوية ص-يع كده أعلنو السيطره على اسكندرية و كفر الدوار بدعم أمريكي تر-كي و سلا-ح صهيوني و مال عربي خليجي و لما تسألهم بتعملو كده ليه هيقولك اي سبب , أصل عبد الفتاح السيسي أمه يهو-ديه , أصله بيشجع محمد صلاح في ليفربول , أصله بيحب الحواوشي , أي هجص ممكن يحولوه لشعار و يبعتوه لأنصارهم يسرحو بيه عالفيس بوك .
.
7- بالمناسبة موضوع شائك جدا و ماحبيتش اتكلم فيه , موضوع رفع كام اسم من قوايم الإر-هاب , جه الوقت اني اقول رأيي , كل اللي حضراتكو كتبتوه غلط ولا يليق , ده من وجهة نظري , غلط مرعب , اللي دافع باستماته و قعد يخترع في أسباب ده غلط و اللي هاجم باستماته ده غلط , الدفاع بجهل مابيخدمش قضية أي دولة و الهجوم بغشم في موضوع زي ده هيحمل في طياته اتهام صريح للرئيس و الجيش المصري العظيم و اجهزتنا السيادية بالتواطئ أو بالخيا-نة !!
.
8- الجيش اللي حمانا في أصعب 15 سنة في تاريخ مصر الحديث و حمانا من مصير الدول اللي احنا شايفينها, الجيش اللي رسم خط احمر في ليبيا و شرق المتوسط, الجيش اللي رفض صفقة القرن رغم كل الضغوطات اللي شملت حتى ارسال سفن حر-بية أمريكية يعني تجهيز لحر-ب ضد مصر , الجيش ده لا بيتواطئ ولا بيخون , و قرار زي كده لازم فيه موافقة الجيش يافندم .
.
9- طب ايه اللي حصل في رأيي و مجرد اعتقاد , اللي حصل هو مجرد صفقة لا أكتر ولا أقل , اللي شاف مسلسل هجمة مرتدة هيلاقي في اخر حلقه ان مصر سلمت ظابط المخا-برات الاسرا--- بموجب صفقة تبادل , دي حاجة مشابهه , صفقة تبادل مقابل كذا و كذا , و كنا أذكيا جدا فيها , عملنا قايمة بناس ما-تت و ناس بتموت و ناس من جماعة هي اصلا مي-ته من سنين و ناس هربا-نة و ناس عليها احكام لو جت مصر هيلبسو , يعني لا تصالح ولا يحزنون .
