اقتراب الصلح بين لبنان وإسرائيل

مساء الخيرات #خبر عاجل ومفرح *اهم خبر يخص الملف اللبنا،ني امس هو اقتراب مفاوضات وقف إطلاق النار بين الكيان والحزب على النجاح ، وتصريح المبعوث الأمريكي هوكشتاين ان ٩٥٪؜ من الاتفاق تم إنجازه ، والباقي رتوش بسيطة هتنتهي خلال اسبوع او اتنين ، لكن يبقى الخبر الابرز هو طلب لبنا،ن الاستعانة بالجيشين المصري والسعودي لدعم الجيش اللبنا،ني في تنفيذ مهامه جنوب الليطاني ، وده هيكون ثمن رجوع الحزب لشمال الليطاني وتنفيذ القرار ١٧٠١ بدون مخاطر على لبنا،ن ، لو سالت نفسك ليه في تفاوض جدي وليه في قبول وخضوع من الكيان هيكون الجواب لان في خسائر كبيرة ، في ضحايا بأعداد كبيرة ، في فشل عسكري على الارض ، في خسائر فادحة في المعدات والمدرعات ، في ضرب بجد ، في ضربات مؤثرة في العمق ، في صواريخ بتوصل لقلب تلابيب ، ودي اللغة اللي بيفهمها الكيان ده علشان يتفق او يعمل سلام ، انما سلام بالذوق كده لاء ، مينفعش ☺️ التقديرات الأولية لتكلفة التواجد في الجنوب مرة تانية هتبقى غالية جداً ، ودي تقديرات امر—يكا مش الكيان وبس! لكن يبقى الشيء الملهم في الموضوع هو تواجد مصر عسكرياً في حالة الاتفاق النهائي على ذلك في الجنوب ، وإزاي انك بتعيد اللي عملته مع إثيوبيا بالمللي مع الكيان ، وبتبدأ تحاصره من جميع الجهات ، وبتتواجد بشكل رسمي وشرعي ومفيهوش كلمة واحدة تتقال من اي حد! التواجد فضلاً عن انه هيكون موجة ثانية من التوسع الاستراتيجي المصري خارج الحدود بعد الموجة الأولى اللي استهدفت القرن الأفريقي والبحر الاحمر ، وهيحقق مكاسب استراتيجية ضخمة لمصر والمنطقة ، لكنه في نفس الوقت هيكون بمثابة شهادة وفاة للأطماع الصيهههـ؛ ـيونية في جنوب لبنان اللي يعتبر جغرافياً وديموغرافياً امتداد طبيعي لشمال فلسطين ، وهي أطماع قديمة جداً ولولا ارتفاع تكلفة الوجود في الجنوب اللبناني لما خرجوا منه عام ٢٠٠٠!! شهادة الوفاة دي ممكن نعتبرها مؤشر مهم على فشل الحملة العسكرية اللي شغالة بلا هدف من سنة واكتر ، وممكن نعتبرها مؤشر على فشل التوسع الثالث ، وعلى تقلص احلام الكيان في السيطرة على اراضي الدول العربية المحيطة بيه ، الاتفاق في حالة التنفيذ هيبقى انتصار استراتيجي كبير لمصر وللعرب في المواجهة دي ، ويؤكد الكلام اللي بنقوله هنا من بدري ، ان الجيم جيم شطرنج مش مصارعة ، والمعركة الفكرية والاستراتيجية نتائجها بتكون أقسى وأصعب من معارك السلاح التقليدية ، وان الرئيس السيسي لما قال عام ٢٠١٧ اننا بنستعد لملء الفراغ الاستراتيجي اللي خلفه سقوط الجيشين العراقي والسوري مكانش بيبالغ ولا بيهزر ، فضلاً عن ان التوسع ده هيكون ميلاد لشرق اوسط جديد معروف كويس اوي مين القوة اللي بتسيطر عليه وبتديله الثقل الاستراتيجي اللي يحقق التوازن المفقود في المعادلة بين الكيان وبين العرب من القرن اللي فات ، بمجرد ما يحصل التوازن هتلاقي السلام والاستقرار بقوا فرض عين ع الكل! والحمد لله ان ده بيحصل من غير ما احنا نقول ، لتقولوا بنطبل ولا حاجة ???????? مصر بتطلق رصاصة الرحمة على أوهام بي بي وحكومته ، وعلى أطماع الكيان في اراضينا ومواردنا ، بتحقق اهدافها ببساطة وهدوء وبدون انفعال وتشنج ، بتكسب العاركة من غير ما هدومها تتوسخ ، وهي دي القوة الحقيقية ???? وانا اقول يا اخي هي حكومة لبنا،ن مالها تقلانة كده وحاطة رجل على رجل وهي بتتفاوض ، تحس ان على قلبهم مراوح ، وده عايزه وده مش عايزه ، وده اقبله وده ارفضه ، اتاريهم مسنودين وبيتكلموا من وسع ، صحيح ، اللي ليه ضهر مايتضربش على بطنه ????????????????????