الدكتوره وعمرو اديب
**الدكتوره وعمرو اديب**
اول حاجة جت في بالي لما شوفت فيديو الدكتورة المنتشر ده عن حمل السفاح ، ان الدكتور زمان كان اسمه حكيم من الحكمة مش من العلاج والله ، العلاج اي حد ممكن يكتبه في ورقة ويقولك ٣ مرات في اليوم وقبل الاكل وبعده ، سهلة ، اللي مش سهل هو الحكمة ، التعامل مع عورات الناس وأسرارها ، فهم السبب الجذري للأمراض ، ازاي تخلي ضميرك هو عينك اللي بتكشف بيها ،
وللعلم البشر في كل مكان وزمان مليانين خطايا وعيوب ، لولا الحكمة مكوناش عرفنا نعيش مع بعض ، والنصيحة في العلن مش حكمة خالص ، الطبيب يا دكتورة حق لاي إنسان ، مذنب او لاء ، صح او غلط ، متربي ولا مش متربي ، هو من حقه يكون له طبيب ، ومن حقه يكون سره في مكان امين ، ومن حقه لما يتوجع يلاقي حد يعالجه بعيد عن اي حاجة تانية!
عارفين ، آخرة كلام الدكتورة يودينا للصوابية السياسية اللي هي سبب كل الحر،وب والد،مار والقـ، ـتل باسم الإله ، فضلاً عن ان الصوابية السياسية مالهاش مكان على الأرض ، مش هنعيش في جنة ع الارض ، من هنعاشر ملايكة ع الارض ، امر الله بقى ، هنعمل ايه!!
من فضلك متتدخليش في دور ربنا سبحانه وتعالى وابعدي الصوابية السياسية عن شغلك وتقبلي عيوب وعورات الناس ، لو الموضوع صعب عليكي سيبك من الطب خالص وارجعي للمطبخ تاني!
⇧
