الشائعات الحكومة تبيع بحيرة البردويل

"الحكومة تبيع بحيرة البردويل للإمارات" السيسي قرر يبيع بحيرة البردويل للإمارات ومنع أنشطة الصيد فيها وحظر دخول الصيادين، وفي نفس الوقت الجيش بينافس الإمارات علشان يستحوذ عليها ! ـــــــــــــــــــــــــــــــــــــ حلو الكلام دا صح ؟ هو ده الكلام اللي بقيت تصدقه؟ عاجبك حالك وأنت بقيت بتصدق أي حاجة بيقولها أعداء مصر ؟ عاجبك حالك وأنت بتشارك في مخططات لتفكيك الثقة بينك وبين الحكومة والرئيس !! بنمر بحالة صعبة ماشي، اسعار عالية تمام، كل ده له أسباب مقرونة بفترة صعبة بنعيشها في المنطقة كلها، وفرغ غضبك زي ما أنت عايز بشكل محترم، لكن توصل إنك تصدق إن مصر استقبلت سفينة ألمانية لتسليح إسرائيل وأن مصر تكون وسيط في دا ! انت كده محتاج وقفة مع نفسك لأنك في خطر ..! النوعية دي من الشائعات الخطيرة أنت بتنساق خلفها لأنك حاسس بالغضب بسبب مشكلة زي غلاء الأسعار، فبالتالي بتلجأ أنك تشارك في هدم الدولة معاهم علشان تطلع غضبك .. طب هل ده يصِح !! جيل حرب أكتوبر كان بيعاني ظروف اقسي من كده وكان متضامن مع جيشه وحكومته ومخذلش الرئيس عبد الناصر، لكن أنت.. انت بتساعد معاهم في تنفيذ مخططات انت لا تعلم عنها شىء . ومع إن الرد علي مثل تلك الاشاعات التافهة والغير منطقية في ظاهرها، ولكن انسياقك كمواطن خلفها بيجعلها ذو قيمة وتأثير خطير علي الدولة المصرية! إيه حكاية بحيرة البردويل، أحد الشائعات التي بُثت من قِبل لجان الإخوان علي مدار الـ ٢٤ ساعة السابقة ؟ • بحيرة البردويل موجودة في شمال مدينة بئر العبد، طولها ٩٠ كم وعرضها ٢٢ كم . • البحيرة أُشيع في الساعات الأخيرة إنها هيتم بيعها للإمارات وكان مصدر الإشاعة اكونت مُزيف قال نصاً: "عندما قمت اليوم بشراء سمك قال لي البائع هذا اليوم الأخير الذي ستجد فيه سمك من بحيرة البردويل، لأنها أغلقت أمام الصيد حتي يتم تسليمها إلى الإماراتي مالكها الجديد" • الطريف هنا إيه ، إن المصدر هو بائع سمك وطبعاً إعلام التنظيم الدولي للإخوان استغل بوست زي دا وبدأوا يعملوا فيديوهات بالعناوين اللي تخليك تنساق خلفها "الامارات والجيش والمواطن خارج الحسبة" .. "السيسي بيبيع البلد" .. "مصر بتتباع" ... وغيره . إيه الحقيقة؟ • الحقيقة واللي صرّح بيها رئاسة مجلس الوزراء علي لسان متحدثها الرسمي، أن البحيرة تم تسليمها لجهاز مستقبل مصر ليتم تطويرها وفق المعايير العالمية. • طيب بالنسبة للصيادين، هيشتغلوا ايه خلال فترة التطوير، وخصوصاً أن مصدر دخلهم هو الصيد ؟ في نفس البيان المتحدث الرسمي صرح بأن هيتم توفير حزم من المساعدات الاجتماعية للصيادين لمساعدتهم في الجزء المادي. • طيب إيه هو جهاز مستقبل مصر ؟ تبع مين ؟ أنشطته إيه ؟ جهاز مستقبل مصر، هو جهاز اقتصادي بيتبع القوات المُسلحة المصرية وبالتحديد فرع القوات الجوية المصرية، الجهاز بدأ نشاطه في استصلاح الأراضي الصحراوية في الصحراء الشرقية والغربية وشمال وجنوب القطر المصري . • طيب إزاي القوات الجوية هتتطور بحيرة البردويل، مش المفروض الجيش المصري اختصاصه حماية الدولة وقت الحروب وحماية الحدود المصرية، طب ليه الجيش بيدخل في أنشطة اقتصادية وتنموية زي تطوير بحيرة البردويل وشركات السلع الغذائية التابعة للقوات المسلحة زي المكرونة والبسكويت زي مصانع سايلو فودز وباقي المنتجات الغذائية وكمان مشاريع الطرق والتنمية العمرانية ! • في العصر الحديث، أي جيش نظامي متقدم في العالم أصبح لُه أنشطة اقتصادية علشان يقدر يكفي نفسه، وكل فرع في الجيش بيكون له أنشطة اقتصادية علشان يقدر يكفي احتياجاته ويعمل احتياطي كمان لأوقات الحروب والأزمات، بالتالي موضوع الأنشطة الاقتصادية والتنموية والجيش مش بدعة مثلاً من مصر، ولكنها موجودة في دول كتير متقدمة ومعروفة كالآتي: ١- شركة أوياك التركية اللي تابعة للجيش التركي وبتصنع كل شيء من أول السيارات وحتي الشيكولاته! ٢- الجيش الباكستاني اللي بيمتلك ثلث الصناعات المعدنية الثقيلة في باكستان وبيدير أغلب مشاريع الطرق والتنمية العمرانية وممكن تلاقي مخابز ومتاجر ومحلات مملوكة للجيش في الشارع الباكستاني، طبعاً ده لو حصل هنسمع كلام زي "الجيش استحوذ علي البلد" .. "العسكر خطفوا مصر" !! ٣-الجيش الأمريكي اللي بيمتلك استثمارات بـمليارات الدولارات في مجال التشييد والبناء واستباق الحوادث . ٤- متاجر التجزئة الأكبر في الهند "سلسلة كانتين" اللي بتبيع كل حاجة من أول السيارات لحد اصغر المنتجات • ولو بحثت عن النشاط الاقتصادي لجيش أي دولة متقدمة هتلاقي النشاط ده داخل في كل المجالات، هل ده حرام علي مصر وحلال علي الباقي! • ضيف علي كل ده أن جميع أراضي شبه جزيرة سيناء محظور تمليكها قانوناً لغير مصريين الجنسية! ده مثال لشائعة من ضمن الآلاف من الشائعات اللي بتتعرض ليها مصر منذ ٢٠١٤، واللي هدفها في التوقيت ده بالذات زعزعة الثقة بين الحكومة والشعب علشان لو حصل أي اشتباك أو حرب بين مصر وإسرائيل وده متوقع خلال الشهرين القادمين واللي هيبين ده نتيجة الانتخابات الأمريكية، الشعب يكون في معزل عن الحكومة ويحصل أزمات داخلية والجبهة الداخلية تكون مشتعلة وغير متماسكة. أنت ليه تساعد في دا ! راجع نفسك. انتهي الحديث. #بحيرة_البردويل #الامارات #مصر #السيسي