هل يمكن غلق مضيق هرمز

#تعالوا.. نشوف الفيلم اللي جاي ومتوقع وياما كان فيه منه مراحل سابقه ايران كانت دائما بتهدد باغلاق مضيق هرمز في وجه الملاحة الدولية لو نفذت امريكا تهديداتها بفرض عقوبات على ايران, وامريكا فرضت عقوبات وايران لم تنفذ تهديداتها!! ومن المتوقع الأيام القادمه سيكون هناك كلام يخص المضيق والجهة ده وعشان تفهم صحة التهديد وجديتها أو اللي متوقع حدوثه بما إن هناك مشكله بالنسبه للعبور من قناة السويس بسبب احداث البحر الأحمر لازم تعرف الاول الموضوع بهدوء ايه هو مضيق هرمز؟ فاصل بين الخليج العربي من جهة ومياه خليج عمان وبحر العرب والمحيط الهندي من جهة تانية في شماله ايران وفي جنوبه سلطنة عمان اللي بتشرف على حركة الملاحة في المضيق بحكم وجوده في مياهها الاقليمية المضيق بيضم جزر كتير بعضها تابع لايران وبعضها تحتله ايران زي جزر الامارات التلاتة اللي استولت عليهم من سنين وما زالوا محل خلاف "طنب الصغري وطنب الكبرى وابو موسى وخلوهم في بالكم ايه اهمية المضيق؟ اقتصاديا وبالارقام المضيق بتمر فيه 40% من تجارة بترول العالم و 22 % من تجارة السلع الاساسية في العالم بتعبره يوميا من 20-30 ناقلة بترول المضيق منفذ لدول الخليج على المحيط الهندي لتصدير بترولها السعودية بتصدر عن طريقه 88 % من بترولها على سبيل المثال خد بالك كمان من ده *طيب حيث كده ممكن ايران تقفل المضيق فعلا؟ ارد عليك واقولك : هل يمكن ده واللي بتشرف على حركة الملاحة فيه سلطنة عمان صديقة الكل بما فيهم ايران والعضو في مجلس التعاون الخليجي؟ هل ممكن ده وامريكا لها قواعد عسكرية في كل دول الخليج و سلاحها وناسها حاميين البترول العربي؟ هل يمكن ده ودولة زي اليابان هي رقم 1 في استيراد النفط الايراني؟ هل يمكن ده وهو منفذ الخليج لتصدير بتروله؟ هل يمكن ده وهو فيه 40% من تجارة بترول العالم و 22% من تجارة السلع الاساسية للعالم؟ هل يمكن ده وهو المنفذ البحري الوحيد لايران نفسها؟ الله طيب ليه تسليط الضوء على حاجة زي ده؟ اولا ورقة تهديد من نظام الملالي عارف انه ما يقدرش ينفذها هو يقدر ينشر شيعه ورجالته في حروب وكالة وطائفية لكن ما يقدرش ينفذ حاجة زي ده في نفس الوقت اللي يهم امريكا هو تضخيم تهديد زي ده بالظبط زي ما عملت مع كوريا الشمالية لما قالت الحقونا بيهددونا حيقوموا الحرب العالمية التالتة بينما ملف كوريا في ايد امريكا تقدر تنهيه وتفتحه, اه والله زي ما بقولك كده ولو مش مصدق انت حر طيب هو ليه مفيش تهديد للملاحه في المضيق ده واللي فيه مصالح لدول بتساعد إسرائيل؟! لو قرأت الكلام اللي فوق بتركيز هتعرف الإجابه لوحدك