مساء الخير مع عبده

مساء الخير..... وأهلا بيكم مع عبده في .... ???? أخبار الكوكب ???? الأستاذ اللي واقف فالبلكونة...!! الهانم اللي واقفة فالمطبخ....!! بسرعة نحضر كوباية الشاي بالنعناع علشان هناخد لفة ف اخبار الكوكب.... ومطولش عليكم.... وقولولي لاء طول ???? ،♦️ سويسرا.... عارفينها طبعا....!!! دي بلد الشيكولاتة والبنوك وفلوس العالم كلها هناك!! ياعم دول مفهمينا ان المواطن فسويسرا بيفطر ويتغدى وبيتعشى شيكولاته !! والحكومة السويسرية بتسفلت الشوارع هناك بالشيكولاته حضرتك....!!! أهي الحكومة السويسرية دي حضرتك نتيجة إنخفاض الدخل القومي ونتيجة التضخم اللي هي مش عارفة تسيطر عليه ونتيجة غلاء الاسعار هناك قررت تروق على المواطن السويسري وإمبارح في تقرير الموازنة للعام الجديد قررت انها تخفض الإنفاق الحكومي للعام المالي الجديد ب 5 مليار فرانك سويسري طب الحكومة هتخفضهم إزاي يا عبده !!! قالك مبدأيا كدا وبس الله الرحمن الرحيم هنخفض المرتبات.... يادي النيلة !!! طب وغلاء الاسعار اللي المواطن السويسري بيتكوي بيها....!! قالك مهو علشان نقدر نسيطر ع التضخم حضرتك وطلع المتحدث بإسم الحكومة السويسرية وقال.... هنرفع اسعار الكهربا والغاز والمية.... اومال يعني هجيب الخمسة مليار فرانك دول منين..... هجيبهم من عند أمي !!! بس قالها بالسويسري يعني ???? انا بقا عايزك كمواطن مصري بسيط تشوف فالوقت اللي سويسرا بتخفض الإنفاق الحكومي والمرتبات وبترفع اسعار الغاز والكهربا والمية ومعندهاش حروب اصلا حواليها مصر بترصد ٧٠٠ مليار جنيه لمشروع حياة كريمة لأهالينا فالقرى والنجوع وبتبنيلهم بيوت ومدارس وشوارع وبتوصلهم غاز ومية وكهربا وتليفونات..... ياااخي دا المشروع نفسه اسمه حياة كريمة الحكومة المصرية لا إتحججت بحروب ولا إتحججت بتتضخم عالمي ولا إتحججت باللي بيحصل فالمنطقة ومش عايزني اقول تحيا مصر !!! ،???? كمان فكوكب سويسرا.... حصلت جريمة هزت سويسرا كلها...!! ملكة جمال سويسرا كريستينا جوكوميسوفيتش ..... اللي هي المادة الخام للشيكولاته عندهم متجوزة ومخلفة طفلين وعايشة فتبات ونبات مع جوزها....!!! وكعادة اي ست سويسرية أصيلة بتزور اهلها كل إسبوع.... يعني ليها زيارة إسبوعية لامها عدى إسبوع منغير ما تروح لأمها....!!! خالتك ام كريستينا قلبها إتوغوش عليها...... قلب الام بقا قعدت تتصل بيها لقيت تليفونها مغلق...!!! راحت مكلمة جوزها وقالتله فين بنتي وتليفونها مغلق ليه !!!! قالها معرفش هي خرجت ولما تيجي هقولها...!!! خالتك أم كريستينا بقا قلبها اكلها عليها وقالت لابوها دا جوزها صوته مش عاجبني...!!! ابو كريستينا قالها ياستي ما تشليش هم تلاقيهم متخانقين علشان مصروف البيت ما انتي عارفة بنتك !!! قالتله أبدا.... انا قالبي مش مطاوعني وعايزة اروح اتطمن على بنتي دلوقتي..!! قالها يلا..... واخدوا العربية وراحوا لبنتهم !! جوزها إستقبلهم ولما سألوه فين بنتنا....!! قالهم خرجت .... بنتكم دايرة على حل شعرها ومعرفش هي بتروح فين ولا بتيجي منين وعايزة تتربى من اول وجديد !!! ام كريستينا قالتله طب قوم اعملنا حاجة نشربها...!! الراجل قام من هنا ودخل المطبخ ام كريستينا قالت للابو كريستينا قوم يا راجل دور على بنتك انا مش مستريحة للراجل ده من يوم قراية الفاتحة واللي عمله يوم شيل العزال!!! ابو كريستينا قالها طب حاولي انتي تشغليه وانا هدور عليها فالبيت ليكون حابسها ف اوضة ومكتفها ولا ضاربها ابن كوم شكاير الكلاب...!! ابو كريستينا طلع يدور فالاوض كلها ملقهاش...!! نزل البدروم تحت.... وكانت الصدمة ???? لقى كيس اسود كبير من بتوع الزباله طالع منه شعر اصفر زي شعر بنته ...!!! بيفتح الكيس لقى شعر وعضم بس !!! وجمبيهم ع الترابيزة مفرمة لحوم...!! الراجل ابن الكلاب قطعها وفرمها فالمفرمة الاب إتصل بالبوليس وجه قبض عليه وحاليا هو بيتحاكم تخيلوا كدا ملكة جمال سويسرا اتقطعت واتفرمت فالمفرمة...... اومال احنا نعمل إيه !!! دا إحنا لينا الجنة والله...... ومنغير حساب كمان ???? ،♦️ وع الناحية التانية من الكوكب.... ،???? لبنـــــــــان اول امبارح بدأ الهجوم البري على جنوب لبنــــــان ومرحلة جس النبض !! قاموا المتخرتأين بعتوا قوة من خمسين واحد من نخبة النخبة ....!! مليقوش حد مستنيهم...!!! راحوا باعتين لباقي الكتيبة وقالولهم تعالوا دا الموضوع لوز اللوز وزي السكينة فالحلاوة....!!! هوب يا معلم دبل كيك وبالليل ومحدش عارف مين بيودي فين إتعملوا سدق المتخرتأين إتجننوا..... وبعتوا ٣ لواءات على الحدود والفرقة ٩٨ ولواء جولاني ولواء الكوماندوز وتقريبا كدا هتبقا مدعكة.... او مدعرة.... واتيفر يعني ،♦️ وع الناحية التانية من الكوكب.... ،???? إسم الله على مقامكم إيــــ????ـــران وبعد الهبد والرزع دا كله فالمنطقة إير????ان قررت ترد على المتخرتأين وبعتتلهم ٢٨٠ صـــــــاروخ ضربت بيهم منصة غاز في حي????فـــــا وضربت قاعدة ????عسكرية ومقر الموســـ????ـــــاد ودمرت طيارتين F35 و F15 كانوا واقفين على المدرج ولحد دلوقتي المتخرتأين مش عايزين يتكلموا عن الخسائر..... تحس إنهم مكسوفين !! هو بس الغريب فالموضوع ان اللي أعطى قرار بالضرب هو المرشد مش الرئيس الرئيس بزشكيان طلع وقال والنعمة منا اللي قولتلهم....!!! ،♦️ وع الناحية التانية من الكوكب... ،???? المتخرتأين.... تقريبا كدا الضربة وجعتهم وطلع النتن ياهو وقال.... هذا هو عام الإنتصار..... وهنض????رب المفاعلات النووية وكل المطارات وكل منصات البترول بالتنسيق مع امريكا هتطلعلي واحدة إسكندرانية من البلكونة وهتقولي وهيضربوا امتى يا عبده !!! هقولك هيضربوا بعد ما يعملوا حاجتين لا ثالث لهما....!! اول حاجة بعد ما امريكا تأمن كميات بترول كفاية ليها وتاني حاجة لو قدروا المتخرتأين يحييدوا قوة حسبالله السادس عشر ويقضوا عليه غير كدا مش هيعرفوا يعملوا حاجة عموما الايام بيننا وهنشوف هيحصل إيه!!! ،♦️ وع الناحية التانية من الكوكب.... ،???? الصين الصين الإسبوع ده طلعت بتصريح غريب جدا لما سألوها هتقف مع إيـــ????ـران ولا لاء وقالت .... الإتفاقات العسكرية مع إيــ????ـــــران غير مضمونة علشان كدا كل إتفاقياتنا معاها إتفاقيات إقتصادية فقط !!! ،♦️ وع الناحية التانية من الكوكب.... ،???? روسيا.... فروسيا بقا الجيش الروسي استغل المدعكة اللي بتحصل فالكوكب ودخل على خاركييف ..... يابن اللاعببة ???? يسكت بوتين على كدا..... أبدا طلع وقال.... ‏أعدنا إعـ.ـمار 5.8 ألف مبنى سكني و3.5 ألف كيلومتر من الطرق في المناطق الجديدة منذ عام ٢٠٢٢ يعني الراجل بيقولهم بالبلدي كدا كل المناطق اللي أخدناها من اوكرانيا وضمناها لروسيا تم إعمارها ،♦️ وع الناحية التانية من الكوكب.... ،???? السودان.... لو عايز تعرف إيه اللي بيحصل فالسودان ومنغير لف ولا دوران ولا كلام كتير .... بص ع الصورة اللي تحت ف الكومنتس وهي هترد على كل الإجابات اللي فدماغك ???? ،♦️ وع الناحية التانية من الكوكب..... ،???? إثيوبيا... في إثيوبيا بقا آبي أحمد حب يعمل فيها عنتر فجلة....!!! وقفل بوابات السد قال يعني بيرد على تحرك الحيش المصري فالقرن الإفريقي... بس تقريبا كدا الأرن دخل فحتة حساسة هوب دبل كيك يا معلم حصل زلزال على بعد ٥ كيلو من السد آبي أحمد قالك إجري ياااض إفتح البوابات كلها بسرعة وفضي البحيرة اللي ورا السد ولاول مرة منسوب المية يوصل خلف السد العالي ل ١٨٢ متر فتاريخه رغم إن قمة السد العالي ١٩٢ متر علشان كدا مصر فتحت مفيض توشكى بسرعة لإستيعاب مليارات المية اللي جاية زيادة من إثيوبيا وعلشان السودان ميغرقش.... قال بيلاعب السيسي يعني إنت بتلاعب مين يااابني.....!! انا يابني عم الشغلانة... ومن زمان ليا مكانة.... داير تقول انك خصمي باين عليك مجنون رسمي معروف تاريخي انا من الابطال لكن انت مين عارفك يا شمال انا يابني عم الشغلانه ومن زمان ليا مكانه مش اي حد مسك شومه الناس تقوله يا معلم ياعم روح اجري اتعلم دلوقتي جاي بتبوس ايدي عمال تقول عمي وسيدي هتروح فين يا ابن امبارح روح اسأل معلمين بلدك عملولي في الشارع تمثال.. معلش أخدتني الجلالة شوية ...???? ،♦️ وع الناحية التانية من الكوكب..... ???? كوكب تحيا مصر ???? ،????وفكوكب تحيا مصر.... موقع ترافيل آند تور وورلد العالمي للسياحة قالب الدنيا بسبب اللي بتعمله مصر ف اليابان مصر عملت ايه فاليابان يا عبده ؟؟ الموقع بيقول إن ولأول مرة فالتاريخ مصر بتتخذ إجراءات جريئة للهيمنة على سوق السياحة ف اليابان إيه.... انت بتقول إيه يا عم !!! قالك مصر عملت خطة جهنمية للسيطرة على سوق السياحة الياباني خلال السنوات القادمة وقدمت مصر بصورة جديدة للسائح الياباني من خلال المدن الجديدة اللي إتبنت وملاعب الجولف وسياحة اليخوت اللي بيفضلها السائح الياباني مش كدا وبس....!!! دا كمان بتعرض فالتلفزيون الياباني إعلانات عن شبكة الطرق الجديدة والمطارات والموانئ والسواحل ومدينة العلمين الجديدة قولتولي بقا السيسي كان بيبني دا كله ليه ...!!! ومين المتعاصين اللي كانوا بيقولوا ان المشاريع دي مش وقتها ولا هتجيب مردودها الإقتصادي ..... هتطلعلي واحدة إسكندرانية من المطبخ وتقولي ليه يا عبده .....!!! هقولك علشان كلنا نش....مممم نشكرهم فشكرة واحدة يعني عموما هتلاقوا الخبر تحت فالكومنتس ???? ،???? كمان فكوكب تحيا مصر..... اللي بيحصل دلوقتي فعرض تخريج دفعات جديدة من الكليات العسكرية واللي بيحضرة الرئيس السيسي هتك عرض فهمي نظمي رسمي لكل اللي ممكن يفكر يجرب مصر العرض كله رسايل بعلم الوصل لكل الكوكب ولكل أهل الشر.... !!! إحنا شايفنكم وراصدين كل تحركاتكم وكل خططكم وكل أسلحتكم تحت رحمتنا لو عايز تجرب..... قرب النهاردة عيد وفرحة بالإنجازات اللي حققها الجيش المصري والتطور الرهيب اللي عمله السيسي فالجيش من تدريب وتطوير وتحديث لكل الأسلحة اقسم بالله لو الشعب الإثيوبي شاف العرض ده ليجيبوا مفاتيح إثيوبيا ومعاها آبي أحمد متكتف لحد مصر ويقدموه عربون محبة للسيسي خد بالك وإنت بتتفرج ع العرض كدا نفسك تطلع فالشارع وبعلو صوتك تقول وبكل فخر انا مصري .... وتحيا مصر كفاية كدا....... وتقعدوا بالعافية ???????? يديمك ???????? بيعيرونا بفقرنا...... بس أنا مش هسكت عبدالفتاح السيسي والسلام عليكم ورحمة الله وبركاته تحيا مصر تحيا مصر تحيا مصر